هو انا لو وقعت ف ذنب زي العاده مثلا وبعدين ارجع اتوب واقع تاني فالذنب واتوب ف هل كده انا بستهون ب ربنا؟ او ربنا مش هيسامحني من كتر اني برجع عن توبتي وبعمل الذنب ده وهل ربنا ممكن يعاقبني ف حياتي بسبب الذنب ده حتي بعد ما اتوب منه؟
يارب الاقي الرد لأني تعبت من التفكير
المفتاح كله فى صدق محاولاتك للتوبة ولمقاومة الذنب او المعصية دى . على قدر صدقك فى المقاومة وفى المحاولة...ربنا هيقبل توبتك ولو مليون مره . احساسك ده لوحده بانك خايف تكون بتستهون برحمة ربنا هو خوف ...الخوف ده ربنا بيديلة قدر كبير عنده. قال تعالى : وَلِمَنْ خَافَ مَقَامَ رَبِّهِ جَنَّتَانِ [الرحمن:46] : إِنَّ الَّذِينَ يَخْشَوْنَ رَبَّهُمْ بِالْغَيْبِ لَهُمْ مَغْفِرَةٌ وَأَجْرٌ كَبِيرٌ [الملك:12] : إِنَّ الَّذِينَ هُمْ مِنْ خَشْيَةِ رَبِّهِمْ مُشْفِقُونَ وَالَّذِينَ هُمْ بِآيَاتِ رَبِّهِمْ يُؤْمِنُونَ وَالَّذِينَ هُمْ بِرَبِّهِمْ لا يُشْرِكُونَ وَالَّذِينَ يُؤْتُونَ مَا آتَوا وَقُلُوبُهُمْ وَجِلَةٌ أَنَّهُمْ إِلَى رَبِّهِمْ رَاجِعُونَ أُوْلَئِكَ يُسَارِعُونَ فِي الْخَيْرَاتِ وَهُمْ لَهَا سَابِقُونَ [المؤمنون:57-61]. باذن الله يتقبل منك توبتك ويعينك على كره المعصية ...ادعى ربنا دايما انه يعينك على نفسك وضعفها.
تم النشر الأربعاء، ٣١ مايو ٢٠٢٣
ربنا غفور رحيم .. لو توبتي وبدأتي صفحة جديدة مع نفسك يبقى خلاص موضوع وانتهي تماما. اما عن الانتكاسات كلنا معرضين لانتكاسات كتيرة اوي في حياتنا .. طبيعي شوية ان الواحد ممكن يرجع .. بس متخليش ده سبب هروب انك كل شوية ترجعي .. ف الاخر ديه معصية ف لازم تجاهدي نفسك من جواكي بالفعل.
تم النشر الأربعاء، ٣١ مايو ٢٠٢٣
بعد ما تعمل الذنب روح صلى ركعتين او اقرأ قرآن اللى هو انت بتتحدي الشيطان و ان شاء الله هتبطل او قبل ما تعمل الذنب استغفر و اقرأ قرآن خلى الشيطان ييأس منك و كدا
تم النشر الخميس، ٨ يونيو ٢٠٢٣
خير الخطائون التوابين ☺️..... ارجع دايما وحاول تبطلها لانه احنا مش عارفين هنموت امتى
تم النشر السبت، ٣ يونيو ٢٠٢٣
احنا مش عارفين هنموت امتى، ف نموت واحنا بنتوب احسن ما نموت واحنا علي الذنب
تم النشر الأربعاء، ٣١ مايو ٢٠٢٣
شكرا ليكي❤️
تم النشر الأربعاء، ٣١ مايو ٢٠٢٣
ف لا ربنا مش هيعاقبك بأذن الله
تم النشر الأربعاء، ٣١ مايو ٢٠٢٣
النبي -صلى الله عليه وسلم- يقول: الندم توبة ويقول: (من تاب، تاب الله عليه)، ويقول: (التائب من الذنب كمن لا ذنب له)
تم النشر الأربعاء، ٣١ مايو ٢٠٢٣
توب للمره الالف
تم النشر الأربعاء، ٣١ مايو ٢٠٢٣
لا ممكن تغلطي وتتوبي مليون مرة عادي وربنا هيقبل توبتك في مرة منهم بس تكون النية صافية والتوبة من قلبك. بس كده
تم النشر الثلاثاء، ٣٠ مايو ٢٠٢٣
ان الله يحب العبد التواب❤️❤️
تم النشر الاثنين، ٥ يونيو ٢٠٢٣
قال الله تعالي :ان الله يحب التوابين ويجب المتطهرين
تم النشر السبت، ٣ يونيو ٢٠٢٣
إن الله لا يمل حتي تمل يعني طول ما انت متشعبط في رضا ربنا متقلقش وربنا هيسمحك ويقويك علي نفسك إن شآء الله
تم النشر الخميس، ١ يونيو ٢٠٢٣
اقصد انه ربنا هيعاقبني ف حياتي زي مثلا انه مش هيوفقني ف دراستي ودي اكتر حاجه انا خايفة منها هيسلب مني التفوق يعني او اي حاجة بسبب الذنب ده ...هيعاقبني عشان الذنب ده مش بيعاقبني بالذنب
تم النشر الأربعاء، ٣١ مايو ٢٠٢٣
ولا ده مش عقاب محتاج تتحكم فنفسك وتفكر ف ان الموضوع فعلاً كبير وان ربنا شايفك وتشوف هتقدر تحل الموضوع ازاي، زي مثلا ابعد عن اي حاجه بتخليك تفكر ف الموضوع ده، فكر ف الاضرار الكتير اللي هتحصلك ، بلاش تقعد لوحدك فتره علي الاقل لحد ما تقدر تتحكم فنفسك
تم النشر الأربعاء، ٣١ مايو ٢٠٢٣
لعرض السؤال في فدني اضغط هنا