انتي مش محتاجه تقرأي غير عن حاجه واحده بس.. و هي ازاي تروجي لنفسك و تعرضي مواهبك زيه اتعلمي الكلام و العرض لان انتي موهوبه بطريقتك ، هو مش مش شايفك او كدا لكن هو عايز يسمع منك او تحاوريه ف انتي اتكلمي عن مواهبك... اتكلمي و كل حاجه هتبقي حلوه الفكره مش تقليل اد ما هو نفسه يبقي الحوار متبادل لكن لو لقيتي ان الرد علي مواهبك و اللي بتعمليه انها حاجات مش مهمه ... خلي في وقفه و قوليله ليه الحكم انها مش مهمه مع انها مهمه بالنسبالك و بالنسبه لاشخاص تانيه و بترسم البسمه علي وجوه ناس و واجهيه و حرفيا متخليش حد يإذيكي بأي نوع من الانواع و تسمعي و تسكتي 🌼🌼
تم النشر الأحد، ٢٧ نوفمبر ٢٠٢٢
بصي ياحبيبتي خالتك مش هقولك كلام الروايات ياخدك علي عيبك والكلام دهوت إنما الواحد بيطور من نفسه علشان نفسه مش لازم تقراي في حاجه مبتحبهاش طالما بتحبي علم النفس اقرئي فيه .. عندك مواهب نميها واشتغلي عليها وجوري من شخصيتك والي ميقدركيش متقدرهوشي
تم النشر الخميس، ١ ديسمبر ٢٠٢٢
الاحلام مش عيب ولا انتظارك للحلال والصح مشكلة ....انتى على الطريق السليم الخطوبة بتكون عشان تعرفوا بعض زى ما بيحصل دلوقتى. هو كده ما نزلش تحت مستوى طموحاتك مثلا ...هو ميعرفش انتى بتحبي ايه ولا محتاجة ايه ولا وجهة نظرك ايه. طبعا وضحيلة ان دى اهتماماتك وانك محتاجاه يدعمك فيها ويشجعك ...وانتى كمان هتشاركية اهتماماته وهتدعمى افكاره وتشجعيه. وكونى مبادرة اكتر من كده مش كل حاجة قاعده مستنياها ولو محصلتش تبقي ترمى اللوم عليه ... اعملى اكل وقوليله بحب اسمع رأيك اعملى مثلا كروشية وقوليله انا عارفه ان ده مش تخصصك بس ايه رأيك فى تناسق الالوان مثلا. الحياة مشاركة ولازم تتأكدى انك هتعرفى تشاركيه وان هو كمان هيعرف يشاركك. وانتى قولتى هو ابن حلال ومحترم ومثقف وان شاءالله يكون وعيه كبير ويدعمك ويشاركك وتتهنوا ببعض.
تم النشر الأحد، ٢٧ نوفمبر ٢٠٢٢
بسم الله الرحمن الرحيم ارجو ان تعذريني للاطاله ولكن انا مريت بنفس النقطه دي فاحب افيدك مبدأيا الموضوع فيه كذا نقطة اولا: هو بيطلب منك تقرأي وتتطوري وبيحسسك انك ولا حاجه وملكيش لزمة وووو والاحساس ده للأسف حقيقي جدا لاني كنت زيك في يوم ما وكنت بحس نفس الاحساس ولكن ( هو كلامه صح وطلبه مهم ومفيد لك انت شخصيا قبل ما يكون له ) المشكله الاساسيه هي في اسلوب الطلب او في طريقه عرض الموضوع . ثانيا: هو ميعرفش ابدا انك بتتأذي او تتضايقي من هذا الطلب ولا من هذه الطريقه ..هو في الغالب مقتنع تماما انه كده بيشجعك على القراءة والتثقف في جميع مجالات الحياة وشايف انك مش اخده خطوة في هذا الاتجاه ثالثا انت قلت انه عارف دينه كويس ودي ميزة مهمه جدا في الزمن ده وعملة نادرة فعلا ..انصحك لو في توافق بينكم في امور اخرى كثيرة تهمك انك لا تفرطي في هذه الميزة لانها هتفرق معاك كتير في حياتك معه بإذن الله رابعا هو شخصيا حياته الكتب والثقافه والقراءة وانت شخص مهتم بالديكور والكروشيه واللمسات الفنيه والقراءة مش من اولوياتك ومش بتحبيها فانتم ممكن تعملوا ده (بحب ) يعني ممكن يقولك عن موضوع مشوق شويه مثلا ويحكيلك منه جزء صغير فدافع الفضول عندك يخليكي تشغلي فيلم وثائقي تعرفي فيه الحكايه من اولها لاخرها زي مثلا لو سألك انت عارفه ان في شخص دخل الحرم زمان مع مجموعه وكانوا مسلحين وحاصر الكعبه وقعدوا فيها عشر ايام وسببوا رعب للناس واتقبض عليه بعد عشر ايام والموضوع مصور في فيلم وثائقي اسمه كذا !!!! ممكن كمان تتابعي بعض القنوات ال عاليوتيوب ال اسلوبها جذاب ومحتواها محترم ومفيد حسب شخصيتك بتتأثر بانهي طريقه عرض يعني في ال يحب يسمع لدكتتور اياد قنيبي وفي ال يحب يسمع الشعراوي وفي ال يحب يسمع عمرو خالد وفي ال يحب راغب السرجاني وووووو ممكن جدا تبدأي تقرأي روايات ودي من اكتر الحاجات ال سنك بيحبها ويتشد لها وفي روايات جميله للكاتب علي احمد باكثير اسمها مسرحيات اسلاميه قصيرة بتحكي احداث حقيقيه على شكل مسرحيات ممكن تمسكوا كتاب صغير موضوعه شيق وتقرأوا منه كل يوم صفحه او نص صفحه فقط ... الحركه دي مفيده جدا جدا جدا وجميله .زوجي مرة اقترح اننا نقرأ كل يوم صفحه من كتاب (اللؤلؤ والمرجان ) وده كتاب صغير فيه احاديث صحيحه فالصفحه الواحده كان بيبقى فيها حديث او اتنين بالكتير اوي لان الصفحه صغيرة اصلا .ورغم اننا لم نتشارك الا في هذا الكتاب فقط الا انني استفدت من الحاجات ال قرأناها فيه لما تعملوا ده (بحب ) انت هتحبي اختلافه ده جدا وهتعجبك ثقافته وانشغاله بالكتب جدا وممكن تفضلي طول عمرك تحسي انه اكثر ثقافه واوسع علما ولكن مش هتكرهي نفسك وتقعدي تعيطي بسبب كده وهتحسي ان عندك مرجع لمعلومات كتيرة اوي انت بتحبي تسمعي منه وترجعيله لتأكيد او نفي معلومة انت سمعتيها او قرأتيها خامسا تأكدي تماما واقنعي نفسك بكده ان طلبه ده مش عشانه هو شخصيا ولكن عشان يفيدك ويرفع درجة الوعي عندك ( والكلام ده ممكن ميكنش مقنع او مش محسوس اوي عندك بسبب صغر سنك زي ما كنت انا مش شايفه اي اهميه لاني اعرف المعلومات دي ولا اهتم بالمواضيع الفلانيه ووو ) هو الحاجه ال هتفيده وتفيدك او الغرض عنده من ده ان يكون في بينكم كلام تتكلموه وتتناقشوا فيه ويسمع رأيك وتشوفي وجهة نظره وتتحاوروا عن اسباب كذا او طرق حل كذاا او اوا او ..هو عاوز زي ساحه فكرية كده تبقى بينكم سادسا اوقات الشخص ال حياته الكتب بيكون غير اجتماعي نوعا ما او منعزل عن الناس وعايش في عالم الكتب بيتسلى بالقراءة زي بالضبط ان احنا كبنات بنكون اجتماعيتنا اكتر عاوزة تخرجي عاوزة تقابلي فلانه وتحكي مع علانه بتلاقي نفسك في الجو ده فهو بيلاقي نفسه وسط الكتب والمقالات واوقات بيكون اجتماعي وبيخرج وبيحتك وبيقابل الناس وعنده صداقات ومعارف وكده صديقهفدي نقطه اهتمي بها وحاولي تعرفي هو من انهي نوع وهل ده مقبول عندك ولا لاسابعا ممكن تتواصلوا مع استشاري اسري او تتابعي صفحات عالفيس زي صفحه دفا البيوت- محمد فتحي هتستفيدي منها كتير ثامنا لما بيقول لك ما شاء الله كويس عالحاجات ال بتعمليها ممكن يكون معجب بها جدا ولكن مش بيعرف يعبر عن انبهاره باكثر من كده فانت توضحيله انك مش بتحسي باعجابه من مجرد كلمة كويس وبس وانك عاوزة تسمعي رايه ويقولك دي احلى من دي ودي الوانها متناسقه اكتر ودي عجببني فيها تصميمها بس دي فكرتها احلى كده يعني هو هيبذل جهد عشان يفتحلك مجالات ثقافه وانت تبذلي جهد عشان تفتحي عنيه على لمساتك الفنيه وربنا يوفقكم للاصلح وال فيه الخير واستخيري قبل اي شئ وادعي واستغفري كثير واكثري من الصلاة على محمد صلى الله عليه وسلم
تم النشر السبت، ٣ ديسمبر ٢٠٢٢
ازيك يا قمر .. أتمنى تكوني بخير طيب احنا الاول ممكن نمشي مع بعض في مسارين .. علشان تقدري تحددي مسار العلاقة اللي انتي فيها. أول حاجه وهي انك تحاولي تبرزي الحاجات اللي بتعمليها .. يعني انتي ما شاء الله فنانة .. انتي موهبة في مجالك ده. اعرضي شغلك قدامه، اتكلمي عنه، لو تقدري تشاركي في معارض شاركي، انجحي. واتكلمي معاه قولي له انت ليه مش شايف أن الفن حاجه هادفة، وكذا وكذا .. سوقي لمجالك بمعنى اصح، تبرزي في مميزاته اكتر قدامه. ربما هو يكون منحاز لمجال واحدة أو عدة مجالات وخلاص مش شايف غيرها أنها هي اللي مفيدة. حاولي تعرفي وجهة نظره، حاولي كمان تفهميه أن كل واحد مميز في شئ معين. المسار الثاني لو استمر، وبقي كل شوية ينتقد ويؤذيكي بالكلام، طيب وبعدين هل انتي شايفة أن العلاقة ديه من وجهة نظرك ناجحة. اصل بصي .. هقولك ع حاجه مش معنى إن الشخص اللي قدامي ده محترم وابن اصول يبقى هو ينفع يكون شريك لحياتك، ما فيه ناس كتير محترمة .. بس هل كل الناس تنفع؟ أكيد لأ. في خصائص كتير في شريك الحياة لازم تكون موجودة وانتي أكيد محدداها .. مش بس الاحترام أو أنه ابن حلال، ده غير كافي، والحب أيضا غير كافي لإكمال الزواج. فكري تاني في العلاقة، شوفي هو محتاج ايه، وانتي محتاجة ايه، شوفي انتي قادرة فعلا تكوني الشخص التاني اللي بيقول عنه ولا لا؟ ما هو انتي مش ربورت برده يعني؟ ما انتي ممكن تكوني مش عايزة تقرأي في الفيزياء مش بتحبيها انتي حرة. ما هو زي ما هو كمان حر ما هو بيعتبر الكروشيه وعلم النفس كلام فارغ، انتي كمان مش حابه تقري في الحاجات التانيه مش علشان بتعندي معاه لا .. علشان انتي فعلا مش حباها هتعملي ايه. فكري في علاقتك بيه كويس وركزي اكتر في شخصيته. لأن اساسا أي علاقة هي التقبل .. انت لو عايز الشخص اللي بتقول عليه انت ليه جي تغير مني؟ علشان يخليكي احسن .. كل في النهاية حر .. محدش مطلوب منه يعدل في حد، لأنه هو كده عاوز حاجات غيرك انتي اساسا. اتمنى ليكي التوفيق
تم النشر الأحد، ١٨ ديسمبر ٢٠٢٢
و قبل أي شيء وضحيله الأول دا
تم النشر السبت، ٣ ديسمبر ٢٠٢٢
أنت يا بنتي لو كنت مقدمة على شغل في شركة مرموقة بمرتب مجزي جدا وكانت طبيعة الشغل تتطلب منك تقري في الحاجات دي كلها كنتي هتعملي كدة وأكثر من كدة علشان تحافظي على وظيفتك .. مش كدة؟ طيب الشاب دة زي ما بتقولي ابن حلال وأصول ومحترم إيه اللي يمنعك تحافظي عليه وتبقي له زي ما هو عايز؟ هل دة فيه تقليل منك لا سمح الله؟ مع العلم أن الحاجات اللي بيطلبها منك دي فقط ستجعل منك إنسانا أفضل وهو من حقه أن أن يطمئن أن الشخص الذي سيرتبط به سيستطيع التحدث معه بعد الزواج ويشاركه اهتماماته! يا ريت تخلي المثال دة دايما في بالك واعرفي أن الزوج الصالح قيمته في حياتك أكبر بكثير جدا من الوظيفة الخيالية اللي كنتي هتعملي المستحيل علشان تحافظي عليها
تم النشر الأحد، ٢٧ نوفمبر ٢٠٢٢
طالما مش شايف الحلو اللي فيكي يبقا مبيحبكيش وطول عمره هيكسر مقاديفك ومش هيعمل حاجه غير انه يحبطك دي علاقه سامه وهتطلعي منها مأذيه جدا متهربيش لواققع مرير لواقع امر منه متخديش الا اللي شيفك ملكه متوجه حتي لو مبتعرفيش تلضمي الابره لازم تبقي في عينه كل حاجه واحلي حاجه واروع حاجه والا متخديهوش هتتعبي جد
تم النشر الأحد، ٢٧ نوفمبر ٢٠٢٢
كل واحد فينا ربنا خلقه بمميزات و صفات و شغف لأشياء معينة تختلف عن أي شخص تاني ، هو كدا بيمحي شخصيتك، هو عاوز شخص تاني فيكِ انتِ و دا ما ينفعش تقبليه، يا يحبك زي ما انتِ يا أما خلاص
تم النشر السبت، ٣ ديسمبر ٢٠٢٢
فعلا عندك حق
تم النشر السبت، ٣ ديسمبر ٢٠٢٢
صارحى باللى جواك
تم النشر الأحد، ٢٧ نوفمبر ٢٠٢٢
لعرض السؤال في فدني اضغط هنا