انا طالبه فى ثانوى حاليا نفسيتي مش احسن حاجه فى حجات كتير وى أحداث بتحصل كل يوم تخليني ارجع لنقطة الصفر حرفيا بدون مبالغه
انا زهقت وى معنتش عايزه افضل طول الوقت زعلانه وى فى نفس الوقت عايزه ابدا صفحه جديده مع نفسى بس فى ناس معينه فى حياتى متعلقه بيهم بطريقه مش طبعيه مع انهم ازونى كتير وى قالولى كلام انا لحد دلوقتي مش عارفه اتخطاه بس مش عارفه ابعد عنهم
يعنى امبارح وحده صحبتى حصل موقف فلقيتها بتقولى بدون سبب والله العظيم ما اى الجديد منتى مش متربيه حرفيا الكلمه وجعتنى بس الغريب انى كلمتها بعدها عادى حسيت سعتها انا الى بقلل من نفسى بس انا مش عارفه ابعد وى للعلم انا خاتمه القران وى مختمره وى عمرى معملت تصرف يخليها تقولى انتى مش متربيه اعمل اى وى ده كمان مأثر على مذاكرتى جامد
تم النشر الخميس، ١٦ نوفمبر ٢٠٢٣
خدى القرار وابعدى عنهم لانك هتفضلى تعانى من السلبيات دى
تم النشر الجمعة، ١٧ نوفمبر ٢٠٢٣
ايه تاني غير صاحبتك ديه في حياتك ومش قادرة تسبيهم؟ ومن جواكي تقدري تقولي لي انتي خايفة من ايه بالظبط لو سبتي العلاقات ديه؟
تم النشر الخميس، ١٦ نوفمبر ٢٠٢٣
حاولي تقوي من شخصيتك وعكي كتير اوعي تكسفي لو مكسوفة مثلا تكلمي في موضوع عفيس زي مثلا تكتبي بوست وخائفة ناس تشوفك بتكتبيه لا اكتبي هديه كتحدي وانا عارف موضوع بيبقا سخيف بس لازم تاخدي خطوة دي وصدقيني لو عايزة السعادة قربي من ربنا اوي لحد ما يبقا عندك يقين واي مشكلة مش هتتحل ألا بصلاة 5 فروض اي حاجة حرفيا وصلاة هتجيب كل حاجة كويسة ولما تقوي علاقتك بربنا وتحسين بالقيين هيبقا عندك ظن كويس بربنا واوعي تسمعي الأي وسواس أو اي حد بيقولك اعلي معصية حتي لو ابوكي أو امك لأن ده يمكن يمكن يكون إختباروعشان تلاقي ناس دي لازم تشتغلي علي نفسك ومضيعيش وقت في اليوم ومع الوقت ناس دي هتلاقيها وربنا الي كاتبه لك هيحصل كده كده فمتخافيش بس اسعي وادعي في سجود وبصي متقعديش تدوي عناس تصاحبيها لأ تفعالي مع الي بيكلمك وافتحي مواضيع يعني متلزقيش من اخر
تم النشر السبت، ١٨ نوفمبر ٢٠٢٣
حلو اوى انك مقررة تتغيرى عشاان تتخلصى من التعلق خلينا ندور على سببه اصلا ايه الحاجة او الصفه اللى انتى بتلاقيها وشايفاها فى صحابك دول ومش لاقياها فى نفسك ؟ ايه الاحساس اللى بتحسيه معاهم ومش بتحسية وانتى لوحدك او وانتى مع ناس تانيه ؟
تم النشر الخميس، ١٦ نوفمبر ٢٠٢٣
ربنا يرزقك
تم النشر الجمعة، ١٧ نوفمبر ٢٠٢٣
من رأيي انك تبعدى عن الناس المؤذية والعلاقات اللى بتأذيكي مش هتستفيدى حاجة منها وهتضرى ما تسمحيش لحد انه يهينك او يقلل منك ولازم يكون فى احترام متبادل فى اي علاقة ومتقبليش على نفسك حاجة غلط طالما مغلطيش والحياة مش بتقف على حد وكل شخص فى حياتنا ليه وقت ومش هيكون موجود فالدنيا مش بتقف على حد كملى حياتك وانبسطى واتعلمى من التجربة دى ومتخليهاش تاثر عليكى تاثير سلبى بالعكس تخليكى فيما بعد تختار اصدقائك صح ومتسمحيش لحد انه يقلل منك
تم النشر الخميس، ١٦ نوفمبر ٢٠٢٣
الثقة بالنفس هي الاساس خليكي واثقه من نفسك اهلك ربوكي احسن تربية ومتسمحيش لاي كلمة من اي حد تهز ثقتك بنفسك واعتبري دي علامه من ربنا انه يبعدك عن الناس الي مش لونك ولا شبهك .. لو هي الي متربية ومتربية ع الاصول كان تحاسب ع الكلمة الي تطلع منها وتجرحك .. احنا ف زمن وحش اووووي فكري ف نفسك انتي ف ثانوي طلعي كل طاقتك ف السنة دي عشان لما توصلي للي انتي عايزاه ده هيبقا اكبر رد علي اي حد اذاكي او عاب فيكي مستقبلك هو الي باقيلك مش الاشخاص وربنا يوفقك
تم النشر الخميس، ١٦ نوفمبر ٢٠٢٣
اسلم حل بالنسبة لي انك تبعدي هاتقوليلي ليه هاقولك عشان مستقبلك غير كده يبقي انت اللي عاوزه تتعبي نفسيتك وكمان وقتك
تم النشر الخميس، ١٦ نوفمبر ٢٠٢٣
بإختصار بعد كل مرة هيحصل فيها موقف زي دا من صاحبتك طبيعي هتدايقي بعد فترة هتنسي بس بعد جهد وتعب وتقليل من نفس وهيحصل موقف زيه تاني وهترجعي تدايقي وبعد فترة برضو هتنسي هتفضلي دايما في الدايرة دي مش هتطلعي منها طالما انتي محاطه بالناس المؤذيه..يحبيبي هوني علي نفسك مفيش حد يستاهل حاولي تبعدي عنهم مفيش حاجه اسمها متقدريش،نفسك متستاهلش منك دا انك تتعبيها ابعدي واحده واحده كوني علاقات جديدة مشجعة محترمين ويقربوكي من ربنا اكتر،حبي نفسك ومتسمحيش لحد يقلل منك ولا يجرحك💙
تم النشر الخميس، ١٦ نوفمبر ٢٠٢٣
لازم تضغطي على نفسك وتخلي عن العلاقات إلي زي دي في حياتك، العلاقات أيا كان نوعها لو مافيهاش احترام وتقدير أبي بيقدمه ناس غريبة بتقابليهم في الشارع يبقى حرفيا مش بتفيد، الواحد بياخد من علاقته الأمان، الراحة، الحب، التقدير والاحترام، المساحات الي بتريح النفس، لازم تشتغلي على شخصيتك واحدة واحدة، بإنك تشغلي نفسك بالمفيد، صحتك مذاكرتك.. إلخ، العلاقات رزق وكل نوع لوحده رزق، الزواج وشريك الحياة رزق، والصداقة المريحة الصالحة رزق، زيها زي الشغل وهكذ
تم النشر الخميس، ١٦ نوفمبر ٢٠٢٣
يحبيبتى متزعليش نفسك وتحكمى قلبك ع ناس زى كدا وتيجى ع نفسك وكرامتك ع خاطر متخسريهمش دا غلط، اتعاملوا م بعض كويس ويكون ف ثياق ان متسمحيش لحد يتطاول عليكى، تحطى حدود ف التعامل انا م بقلك انك تكونى مقفله ومتحبوش بعض وتتاعملوا براحه لا عادى خالص اتعاملوا وحبوا بعض انتى وصحابك بس باختلاف محدش يأذيكى او يجرحك والنوعيه اللى زي كدا لو استمرت ع الوضع دا يبقى ابعدى عنها، الحياه م هتقف ع حد معين، يروح واحد يجى 100اهم حاجه تكونى عامله لنفسك شخصيه دا اولا ليكى ولتعامل م غيرك...
تم النشر الخميس، ١٦ نوفمبر ٢٠٢٣
لعرض السؤال في فدني اضغط هنا