انا حساسه جدا لدرجه ان انا بعيط حوالي ساعتين ونص في اليوم او اكتر من كتر اني حساسه واللي حواليا مش مقدرين ده وبيجرحوا فيا انا كمان ما بسيبش حقي يعني ان حد شتمني بشتمه بعدين بقعد لوحدي بعيط هل ده طبيعي ام لا؟
مشكلة الحساسية دي حرفيا صعبة، فالحل انك ماتهتميش بكلام حد ما دام انك متأكدة ان طريقك صح خلي اللي يقول يقول لإنك حتى لو مشيتي في طريقهم هيتكلموا برده. واعتزلي ما يؤذيكي يعني لو فيه قاعدة هتؤذيكي ويقولوا فيها كلام يضايقك ماتقعديش فيها، لو فيه حد بيقول كلام يضايقك ابعدي عنه، لو فيه بلوجر بيقول الفاظ تضايقك الغي المتابعة. وبالنسبة للأهل لإنك ماتقدريش تقاطعيهم.. لما يتكلموا سدي ودانك كإنك مش سامعة وكإنك بتقوليلهم أنا مش مهتمة. وصدقيني العيب فيهم مش فيكي لإن ربنا أمرنا بالإحسان ومعاملة بعض بالحسنى ونجبر خاطر بعض مش نجرح بعض، لكن فيه ناس مش فاهمة كدا فانتي عامليهم زي الآية دي (وإذا خاطبهم الجاهلون قالوا سلاما).
تم النشر الجمعة، ٢٧ سبتمبر ٢٠٢٤
لا مش طبيعي بس في ايدك تسيطري علي احاسيسك المفرطة .. نفس الإنسان سواء ذكر أو انثي بتأثر بالمتغيرات و العوامل الخارجية ايا كانت و كذلك بالتفاعل مع الغير .. لازم تبقي عقلانية و عقلك اللي يسيطر مش مشاعرك ، أو علي الاقل مش في كل لحظة ، البكاء بيريح النفس لو لفترة قصيرة .. لو لفترة طويلة بيبقي حمل علي عضلة القلب فبلاش ، مش كل حاجه في الحياة نبكي علشانها .. احيانا بيبقي السبب اننا عندنا مشكلة نفسية و متحلتش و ده حله لأننا نرجع للمشكلة الأصلية و نحلها و أحيانا بيبقي نابع من الفراغ العاطفي او اننا حاسيين ان حياتنا ملهاش هدف و دي بتحصل برغم انها فكرة عبيطة و غير منطقية بدليل ان ربنا خلقنا و لو ملناش لزوم كان هياخدنا او منبقاش موجودين من الأساس الصحيح ان الانسان لما بيحيد عن الهدف اللي ربنا خالقه علشانه بيتعب و بيشقي و برضه اللي ربنا عايزه هيكون ، البكاء ليه مواضع معينة لو اتعمل في مكانه بيبقي مقبول زي مناسبة حزينة او ألم جسدي او غيره من الأسباب المنطقة لكن مش بالطريقة اللي حكيتيها دي ، *سيطري علي مشاعرك و اعتبري هدفك انك تبقي شخصية اقوي و علشان تبقي اقوي احسبي الأمور بعقلك مش بمشاعرك ، و قللي نسبة الميل العاطفي شوية .. و التنفسي كويس لما تحسي بضيق صدر .
تم النشر الجمعة، ٢٧ سبتمبر ٢٠٢٤
عزيزتي، إحساسك بالحنان والحساسية تجاه الأمور يعد جزءاً من طبيعتك، وهو يدل على عمق مشاعرك وحساسيتك تجاه الآخرين. ومع ذلك، من المهم أن تتعاملي مع هذه المشاعر بطرق صحية حتى لا تؤثر سلباً على حياتك النفسية والعاطفية. البكاء لمدة ساعتين ونصف يومياً قد يكون مؤشراً على أنك تحت ضغط عاطفي كبير. من الطبيعي أن تشعري بالأذى عندما يجرحك الآخرون، ولكن من المهم أيضًا أن تعملي على تطوير استراتيجيات تساعدك على التعامل مع مشاعرك. يمكن أن تشمل هذه الاستراتيجيات: تحديد الحدود : واضح أن عدم تقدير الآخرين لمشاعرك يؤذيك. حاولي أن تشرحي لمن حولك كيف تشعرين وما تحتاجين إليه من دعم. التعبير عن المشاعر : من الجيد أن تعبري عن مشاعرك بدلاً من كتمها، ولكن حاولي أن تجددي طرق التعبير عن هذه المشاعر بشكل ينقلك إلى حالة صحية أفضل، مثل الكتابة في دفتر يوميات. طلب الدعم : لا تترددي في البحث عن مشورة من مختص نفسي. يساعدك ذلك في فهم مشاعرك بشكل أعمق، ويوفر لك الأدوات اللازمة لتحسين حالتك. ممارسات الرعاية الذاتية : احرصي على تخصيص وقت لنفسك، سواء من خلال الأنشطة المفضلة لديك أو من خلال قضاء وقت في الهواء الطلق. في النهاية، عليك أن تتذكري أن المكان الآمن للتعبير عن المشاعر هو أيضاً علامة من علامات القوة. لا تترددي في السعي نحو تغيير إيجابي في حياتك.
تم النشر الجمعة، ٢٧ سبتمبر ٢٠٢٤
والله انا كنت زيك كدا بس مؤخرا لأ الحمد الله بقيت تنحه😂 ، اسمع الكلمه من هنا اطلعها من الناحية التانيه الزعل والحساسية الزيادة هيأثروا عليكي بالسلب وصحتك مش لاقيها كدا ، طالما الزعل مش بيعمل حاجه يبقي ازعل لي ، حبيبتي خدي الأمور ببساطه كدا وعلي اعصاب بارده واقولك حاجة اللي يقولك كلمه وحشه مفيش داعي تشتميه وتردي عليه سببه اه والله سببه كدا مترديش عليه وهو هيضايق اكتر منك من تجاهلك لي
تم النشر الجمعة، ٢٧ سبتمبر ٢٠٢٤
شكرا
تم النشر السبت، ٢٨ سبتمبر ٢٠٢٤
لعرض السؤال في فدني اضغط هنا