السلام عليكم .....من كام يوم حصل بيني وبين صاحبتي جدال بس قلب بقطع العلاقه ....هي كانت بتسأل نغير معاد درس نخليه بعد الفطار فأنا قولتها مش هينفع عشان بابا مش موافق ...وقولتها ان صاحبتها اللي معاها ف كل الدروس مش اتكلمت عن تغيير المعاد ...المهم ردت انها ملهاش دعوه بصاحبتها دي وبتقولي جدولي ملخبط وانا مش مضطره اقولك ومضطره اقولك ففكرت هي بتحط حدود بيني وبينها زي الاغراب تمام ........وبتقولي قصدك ايه بأن صاحبتي مش اتكلمت قصدك ان انا كدابه .....انا قولتها لا مش اقصد كدا انتي اللي مكبره الموضوع وبتقولي انا لا بيستهبل ولا بتنك ولا بتدلع.. قولتها وانا مش اتهمتك بحاجه جدولك وظروفك انتي ادري بيها ...وبتقولي انتي كدا كدا مش بتنزلي دروس ف دروس بنزلها وف دروس باخدها يوتيوب وهي بنزل الدروس كلها بصراحه اتعصبت من الجمله دي ...قولتها انتي مالك بنزل دروس او مش بنزل مش بتاعتك جدولك ملخبط مش بتاعتي ...انا فكرت بما ان هي هتمشي بمبدأ ملكيش فيه فأنا كمان هعمل كدا ...وقلتلها انتي حتي مش طلبتي مني مساعده ف جدولك نشوفه سوا يمكن اشوف حاجه انتي مش شايفاها...قالتي هو انا هلف اشحت علي كل واحد يعملي جدول منا بعرف اعمل جداول .......بصراحه حسيت ف اللحظه دي ان انا حرفيا مش فارقه معاها حاولت أبين لها ان انا باقيه عليها ..ماسكه ف جمله "قصدك انا كدابه يعني ولا ايه " ماسكه سودا وبصراحه حسيت منها اني مش صاحبتها لا دا انا واحده من الشارع بتتكلم معاه ....قولتها انا مش واحده من الشارع انا صاحبتك احب افكرك بكدا....تقولي انتي دخلتيني ف حوار الصحوبيه ومش الصحوبيه ...وبقول كلام من تحت لتحت ....للعلم دي انا كنت معتبراها صاحبتي اوي اوي ......واول مره اساسا يكون ليا صحاب فاول مره اتجادل مع حد .....فان هي تقولي بقول كلام من تحت لتحت عصبيتي .....قولتها هو انتي شايفه نفسك كدابه عشان تحاولي تثبتي عكس كدا؟ يعني لو قولتك حقك عليا هتتبسطي ......تقولي انا مش هقدر اكمل مع طريقه تفكيرك ..انا مصدومه ازاي تفكري فيا كدا ....استغربت السؤال قولتها علفكري ممكن اي حد يفكر فيكي باي طريقه ..وكمان هو انا فكرت فيكي انك بتعملي حاجه حرام؟؟!!! تقولي معلش انا مش هقدر اكمل معاكي ومع طريقه تفكيرك.....مع العلم ان اغلب الردود دي مني انا وامي فلما بدأت تقلل من قيمه كلامي اتعصبت ....دا كلامي و كلام امي وانتي بتقللي منه؟!!! .... قولتلها تمام ماشي انا كدا كدة كنت ناويه اقطع من زمان ...لاني فعلا كنت ناويه اعمل كدا لان ف مواقف بيخليني احس ان انا طرطور بين هي وصاحبتها.......واحاول انهي الموضوع واقولها كل سنه وانتي طيبه ورمضان كريم وبتاع تفضل مكمله لكلك .....بعدين بعد ما هي كانت هتقطع معايا اهو تقولي طيب بما انك مش.باقيه علي حاجه وكنتي ناويه تقطعي ....قوليلي انا عملت ايه انا من حقي اعرف ...انا من حقي اعرف ..بأسلوب مش حبيته .....وتقولي انتي مكانتك نزلت من عندي وبتاع بس ممكن نكمل نكون صحاب عادي بشرط انك تقوليلي انتي كنتي هتقطعي معايا ليه ..معلش من حقي اعرف .....فكرت ف نفسي ايه قله القيمه دي انتي بتتشرطي عليا اكون صاحبتك لا وهقل درجه كمان ...قولتها بصي انتي لا بتمني ولابتتفضلي عليا ولا حاجه خلينا زي الغرب بالظبط ..تقولي انتي بتقولي ايه "بصيغه تقليل من الكلام " المهم اتصلت مش رديت وف الآخر بعتت رساله انا مش بقطع مع حد وبتاع عايزه تقطعي براحتك ....قلبت الترابيزه عليا ف ثواني .....تقولي انتي بتزوقي الكلام قولتها اه عشان لو مش زوقته هيحصل حاجه مش لطيفه ...تقولي انا مش بحب كدا وبتاع عندك حاجه قوليها...فكرت ف نفسي وقولت يعني ي بجحه بحاول اتكلم بأسلوب مهذب عشان مش اخسرك تقوليلي بزوق الكلام .....اتضايقت بصراحه من الموقف وعياط بقي وانهيار المشكله انو صعبان عليا نفسي انا اللي كنت ناويه اقطع عشان انا اللي متضايقه تقولي انا مش هقدر اكمل مع طريقه تفكيرك ...كميه تقليل من الشأن ف الكلام غير طبيعي المهم ف الاخر المعاد مش اتغير لاني كلمت المس علي الواتس ومش غيرت المعاد تقولي اهو المعاد مش اتغير ابقي امشي لوحدك قولتها انا كدا كدا بمشي لوحدي مش مستياكي تقوليلي كدا واقولها انا اتضايقت من الجمله دي تقولي معلش قولتها ف وقت زهق؟؟!!!! لا ي شيخه بجد والله... قولت ف نفسي هي جايه تطلع زهقاها عليا ......المهم الحمد لله الشات بدا علي الساعه ٢ خلص الساعه ١١ بليل مع فواصل ف النصف ...المهم مش هي قالت انا مش بقاطع حد ....روحت اصلي التراويح وشوفتها جيت اسلم عليها تجاهلني...ماشي روحت المدرسه لان عندنا امتحانات شهر وقولت لصاحباتي علي الحوار قالتلي انا مليش دعوه انا هكلمك وهكلمها قولتها تمام انا مش النوع اللي يخلي حد يقاطع حد عشاني...المهم روحنا المدرسه جيت ابصلها الاقيها بتبعد نظرها ..ايه دة بقي انتي بوشين ولا ايه..المهم كملت اليوم بالعافيه وعماله تكلم صاحبتي وانا طرطور ماشي معاهم .....وتضحك وتتكلم وانا لما اكون ماشيه معاها تفضل تقرأ الاذكار هو حاجه من الاتنين ياما بتعمل رياء او مش عاوزه تتكلم معايا و ساكته اجي افتح معاها كلام ترد علي قده ...قولتها دي طبيعتها عادي يعني ...بس لما الاقيها هي اللي بتفتح كلام وتضحك وعادي لا واكتر من قبل ما نتخانق قهرني......حاليا انا بجد تعبانه وعياط طول الوقت بقيت اقول طب ايه اللي ناقصني ما في ناس والله نفسهم يتصاحبوا عليه شايفاها ف عنيهم بس نظرا للفرق المادي ف بحاول احط حدود بتعامل معاهم عادي ....ف كدا انا مش فيه حاجه ......انا بجد متضايقه ومش عارفه اذاكر ...وفي صلاه تروايح تانيه واحده صاحبتي بتصلي ف الصف اللي ورايا قولت نخلص واسلم عليها .....خلصنا من هنا لاقيتها مشيت مع البنت اللي كنت متخانقه معاها مع العلم اني برضو كنت معتبرها صاحبتي اوي ...تجاهل فظيع ....انا حرفيا مش قادره اذاكر ولا اعمل اي حاجه .....نايمه ف السرير بس ......معلش ان كنت طولت بس انا عاوزه حل عشان ارجع اذاكر مع العلم ان الترم اللي فات حصل موقف ضايقني برضو وقعدت مش اذاكر حبه وف الآخر كلهم جابوا اعلي مني ......مش عاوزه دا يتكرر بس فعلا مش عارفه اعمل ايه
أولا لازم تبعدي مشاكل صحابك نهائيا عن تركيزك في المذاكره وتفصلي بينهم مهما حصل وقت المذاكره تفصلي خالص من كل المشاكل دي وتركزي في مذاكرتك ودروسك وبس ثانيا بخصوص صديقتك إنتِ قلتِ إنك كنتي ناويه تقطعي علاقتك بيها لأسبابك .. ليه الوقتي متضايقه من إنتهاء العلاقه ؟ هل عشان هي اللي بادرت بنهايتها؟ النهايه واحده وإنتِ قلتي إن في كتير نفسهم يكونوا أصدقاء ليكي لكن بتحطي حدود نظرا لفرق المستوى المادي .. الصداقه ملهاش علاقه بالمستوى المادي .. لما تصادقي بنات إختاري اللي أخلاقهم كويسه و قريبين من ربنا .. الشطار في المذاكره واللي هيساعدوكي تكوني أحسن .. الطيبين و الأنقياء روحا مش بيكذبوا ولا ليهم في المشاكل .. آخر حاجه تبصيلها وهي فارق المستوى المادي بينكم لأنها حاجه مش هتفيدك في صداقتهم سواء كانوا أغنى أو افقر منك تاني حاجه إتعاملي عادي جدا مع صديقتك وهي فتره وهترجع تتعامل معاكي بشكل طبيعي لأنها مش عايزه تخسرك والدليل إنها قالتلك خلينا صحاب برضو وانا مش هقطع معاكي تجاهلها ليكي دا بتحاول تعرفك إنها زعلانه من اللي حصل بس..
تم النشر الخميس، ١٤ مارس ٢٠٢٤
المهم اكديلها بالراحه أن مبتحبيش التجاوزات وانتوا اصدقاء وشوفيخا ايه الي خلاها نرد عليكي الردود اللي قلتي عليها. يعني قوليلها كل اللي وجعك وقلتي عليه. احسن كده. تصفي الدنيا احسن متعمليها بشئ وانتي جواكيىشئ تاني. والا ملهاش لازمه الصداقه اصلا.
تم النشر الخميس، ١٤ مارس ٢٠٢٤
صدقت. صدقت. مصدقتش ولفت ودارت أو علت صوتها. خلاص كده انتي عملتي اللي عليكي وقوليلها انا كنت باقيه معاكي علي اخر لحظه
تم النشر الخميس، ١٤ مارس ٢٠٢٤
حبيبتي الصديق جاي من الصدق. اقعدي معاها علي انفراد الاول وشوفي المشاكل اللي بينكم وصفي الدنيا. وقوليلها انتي زعلانه من ايه. وهي كمان هتقولم وطلع ا كل اللي فقلبكم. مش معقول اكيد من الاول مشفتيش ده فيها. واتغيرت. طيب اتغيرت ليه اكيد في أسباب. واقعدي وافتخواةقلبكم لبعض مش كل يوم بتلاقي صديق. واكيد مكنتش كده. بس في ظروف خلتها تقلب للدرجادي وفهميها أن أنا مبحبش حد يكلمني بالطريقه دي. وانا لولا مباقيه علي صداقتنا مكنتش اصريت أن أنا وانتي نقعد القعدة دي ونشوف ايه في
تم النشر الخميس، ١٤ مارس ٢٠٢٤
لعرض السؤال في فدني اضغط هنا