السلام عليكم ورحمه الله وبركاته.
انا محمد عندي 20 سنه في تانيه كليه. كان بقالي فترة بشرب سجاير، جيت قلت هبطلها.
انا مبطل 14 يوم. بس في حاجه مضايقاني يعني العاده السريه بعملها كتير يعني عايز ابطلها كل اما ابطلها وارجع لها ثاني. والصلاة أنا مش عارف أثبت عليها وبحس دايما بخنقه وان انا مش قادر اعمل اي حاجه، حاسس ان في حاجه متلخبطه.
ساعات ابقا صح ساعات ابقا غلط برغم اني عايز ابقا صح ديما
دلوقتى ب النسبه للسجائر انت يعتبر مبطل ونصيحه حاول متركزش انا مبطل بقالي يوم بقالي سنه وكدا لا خلي بينك وبين نفسك انا دلوقتي بطلت سجاير لأنها حرام وهتدمر صحتي وممكن تأثر على مستقبلك في حاجات كتير جدا (ابحث وشوف) ف بالتالي خلاص الباب دا اقفله من دماغك ومهما حصل من ضيقه أو حزن أو ظروف اوعي ترجع (عشان دا الباب ال الشيطان هيجيلك منه اعمل حسابك ) بالنسبه للعاده اكيد هتأثر على الصلاه لأن هي تعتبر نجاسه ف هتمنع عن الصلاه فا نتصرف ازاي في الحاله دي ؟ انت دلوقتى ضعفت ورجعت مثلا الشيطان هنا ونفسك برضو لأن النفس اماره ب السوء برضو هتقلك انت رجعت لنقطه الصفر تاني بعد ما بطلت خلااص كمل واستلم...لا ب العكس لازم غلط يبقا بعدها على طول ادخل اغتسل وطلع اصلي ركعتين أن ربنا يساعدني ويغفر لي وكل ما ترجع تصلي خلي كدا بينك وبين ربك حمد وشكر أن ربنا فاتحلك الباب دا وبترجع عشان ربنا يزيدك وترجع بدل المره الف وعود نفسك الشيطان عايزك تعمل سيئات صح ؟ ووقعك هو دلوقتى في سيئات بعدها على طول روح اعمل حسنات مضاعفه صلي وقراء قران فلوس السجائر لما تحس بضعف خد تمن العبه وروح حطه ف الجامع الصدقات تذهب السيئات وصلي اكتر واستغفر بعد كل ذنب ودعي وصدقني لو مشيت ب المبدء دا أن كل ما تغلط غلطه واحده تعمل قصدها 10 حاجات صح هيجي يوم ونفسك هتقرف تعمل اي حاجه غلط وهتلاقي نفسك بقيت تحسب تعمل كل حاجه صح وفتكر ديما أن احنا في الدنيا والدنيا دار اختبار ولازم منستسلمش
تم النشر الثلاثاء، ١٨ مارس ٢٠٢٥
حاول تجتهد في الدعاء خاصة الفترة دي أن ربنا يهديك للطريق الصواب كرر الاذكار دي دايماً ١. لا اله الا الله وحده لا شريك له له الملك وله الحمد وهو على كل شئ قدير ❤️ اللهم اعني علي ذكرك وشكرك وحسن عبادتك ❤️ ربِ اجعلنى مقيم الصلاة ومن ذريتى ربنا وتقبل دعاء❤️ اللهم يا مقلب القلوب ثبت قلبى على دينك ❤️ اللهم مصرف القلوب صرف قلوبنا على طاعتك ❤️. مجاهده النفس في البداية ممكن تبقي أمر صعب جدا ولكن ربنا هيعينك علي دا ربنا يصلح حالك وحالنا جميعاً ويهدي قلبك لطريقه المستقيم يارب ❤️
تم النشر الأربعاء، ١٩ مارس ٢٠٢٥
وعليكم السلام ورحمة الله وبركاته، محمد. أولاً، أود أن أشد على يديك لجهودك في الإقلاع عن التدخين، فذلك خطوة مهمة نحو صحة أفضل. بالنسبة للعادات السرية، يمكن أن تكون متعلقة بالشعور بالوحدة أو الضغوط النفسية، وقد تكون ردود فعل طبيعية لجسمك. بالنسبة لعدم قدرتك على الابتعاد عنها، من المهم أن تتفهم أن هذه العادة هي مجرد أحد الأساليب التي يلجأ لها البعض للتخفيف من التوتر أو القلق. يمكنك اتخاذ بعض الخطوات العملية لمساعدتك على تجاوز ذلك: تحديد المحفزات : حاول تحديد اللحظات أو المشاعر التي تجعلك تلجأ لممارسة العادة. يمكنك كتابة ما تشعر به في تلك الأوقات لتفهم نفسك بشكل أفضل. استبدال العادة : حاول إيجاد أنشطة أخرى تشغل وقتك وتوجه انتباهك بعيداً عن هذه العادة. يمكن أن تشمل ممارسة الهوايات، الرياضة، أو حتى التواصل مع الأصدقاء. الدعم النفسي : إذا استمر الوضع، فقد تحتاج للتحدث مع شخص متخصص، مثل مستشار نفسي، ليساعدك في فهم مشاعرك ويدعمك في التحكم في رغباتك. الصلاة والدعاء : لا تنسى اللجوء إلى الله بالدعاء والاستغفار، فهو القادر على مساعدتك وتغيير ما في نفسك. تذكر أن التغيير يحتاج للوقت والاستمرارية، فلا تضغط على نفسك أكثر من اللازم. استمر في تقدمك، واجعل خطواتك صغيرة وثابتة. وفقك الله تعالى لما فيه الخير.
تم النشر الاثنين، ١٧ مارس ٢٠٢٥
تسلمي + خير ان شاء الله
تم النشر الخميس، ٢٠ مارس ٢٠٢٥
حاول تشغل نفسك بأي حاجة يعني مثلا تتفرج ع مسلسلات ع افلام تقرأ روايات لو بتحبها تقرا قران تخرج مع صحابك بس اختار صحابك عشان بيفرقوا ولما تحس انك عايز تعمل كده قفل التليفون واشغل نفسك اتمرن او كده او مثلا عاقب نفسك لو عملت حاجة غلط شوف ايه اكتر حاجة مبتحبهاش او نقطة ضعف وعاقب نفسك بيها وبالنسبة للصلاة حاول تصلي اول لما الأذان يأذن ومتتاخرش وادعي كتير جدا ان ربنا يهيدك ويقربك منك ومتيأسش وعلى فكرة طالما لسه الموضوع بيضايقك يبقي ضميرك لسه صاحي وده معناه ان ربنا بيحبك وطالما بيحبك فاكيد هيساعدك ع انك تبطل اي معصية بس انت خد الخطوة وقرر من جواك بجد وانوي انك تعمل كدخ وصلي ركعتين بنية انك تبطل الحاجة دي وان ربنا يساعدك ع ده وان شاء الله خير
تم النشر الخميس، ٢٠ مارس ٢٠٢٥
لعرض السؤال في فدني اضغط هنا