انا خاطب بنت كويسة جدا صالونات واهلها ناس محترمين جداا ،ولكن على عكس الى المتوقع مكنتوش مبسوط بالخطوبة ولا البنت شدانى ومش قادر آخد عليها وافتحلها قلبى ، هيا بتحاول تقرب منى وانا مش متفاعل معاها ،حاولت بس مش عارف اتجذب ليها ، التفكير مبهدلى دماغى خصوصا انة معداش شهر ع الخطوبة حتى وخايف اظلمها معايا وعمال ادى لنفسى فرصة احاول معاها بس مش قادر..
السلام عليكم....بداية ، الحمد لله على نشرك للسؤال لعل جواب أحد منا قد يكونو النجاة من هذا الضيق إن شاء الله ، أما بعد... مرحلة الخطوبة هي للتعارف و البحث عن القبول ، فإن لم يتم الحصول على القبول و الراحة بين الطرفين فلا داعي لإكمال العلاقة... عزيزي السائل ، إذا كنت تنوي الاكمال معها حتى لا تكسرها فاعرف أنك بهذا تقتلها على البطيء ، المرأة تشعر لذا لا تتخذ خطوة الزواج على أمل تحسن العلاقة فيما بعد ، من يدري ؟ قد يحدث حمل في الأشهر الأولى بعد زواجكما و إن حدث طلاق فالطفل البريء هو الذي سيعاني ، و هذا لا يعني انكم إن لم تتطلقو فالطفل سيعيش بسعادة ، أكيد سيشعر بالجفاف بينكما... يا أخي ليس مهما متى تتزوج بقدر أهمية مع من تتزوج...لو تزوجت فتاة حتى يقول عنك المجتمع متزوج أو فقط من أجل الانجاب فهذا سيجعلك تعيش ضغوطات و كآبة مما يفتح سبل الشيطان ليزين لك الخيانة ، و هنا تصبح في مشكل أكبر... أتمنى أن إجابتي قد أفادتك و ساعدتك إن شاء الله ، أما القرار الصحيح و المناسب فهو عليك 🤝🤍
تم النشر الخميس، ٢٢ أغسطس ٢٠٢٤
صلي استخارة ، وشوف قلبك بعدها ميال لايه لو البنت مش شداك ومش واخدة اهتمامك وتفكيرك ولا انت متحمس انك تفتح بيت وتبدأ حياتك وتكملها معاها .. لو مبتبقاش مبسوط وانت رايح تشوفها ولا بتبقى مبسوط وانت قاعد بتتكلم معاها ، وتروح البيت تبقى عايز تكلمها تاني وتكلمو كلامكم ... لو كل دا مش موجود ، ولا مهتم تعرف عنها حاجة ولا تشاركها افكارك ومشاعرك ... يبقى القبول اللى ربنا بيجعله بين الاتنين اول ما يشوفو بعض دا متوجدش ، هي اكيد حاسة دا منك بس بردو بتدي نفسها فرصة يمكن مع الوقت يكون ، فاستخير وقولها محتاج وقت يومين تلاتة كدا اجمع دماغي بدون تواصل بينا ، لو فضل الحال زي ما هو وحسيت انه مش فارقة وانك مرتاح في عدم التواصل معاها ولا فارقلك هي بتعمل ايه ، يبقى افسخ الخطوبة من بدري بدري .. وهي باذن الله ربنا هيرزقها بحد تاني يحبها من اول ما يشوفها ويبقى طاير من الفرحة انها هتوافق عليه ، وهي كمان ساعتها هتحس بفرحته وقبوله ليها وتفرح معاه ويكون بينهم تفاهم عقلي وروحي . الجواز مينفعش يكون جمايل لحد او نكمل في ارتباط احراج او خوف من زعل حد .. تزعل دلوقتي شوية وبعدها هتنسى وتكمل حياتها . وانت كمان محتاج تراجع تفكيرك ونظرتك للامور ، ومتتسرعش في خطوة الخطوبة تاني ولا تاخد قرار الا لو انت من جواك فعلا مشدود ومرتاح للبنت ... ولو كل البنات في نظرك واحد ، واي واحدة يقولو عليها كويسة فتمام "عادي" ، ولو مافيش عندك مواصفات معينة في البنت اللى عايزها تبقى شريكة حياتك .. يبقى ادي نفسك وقت تفهم نفسك وتعرف اصل المشكلة فين ... البنات المحترمة والعائلات الاخلاق موجودين .. هتسيبها هتلاقي غيرها بامر الله ، العيشة والجواز ربنا عملهم لينا عشان نلاقي الونس والسكن والمودة مع حد يختلف تماما عن احساسك ووجوك مع اهلك وقرايبك وصحابك .. .. هتكونو شركا في حياة واحدة بكل تفاصيلها .... مش جيران .. والحياة بعد سنة سنتين جواز بتبقى فيها روتين وملل محتاجة منكم مجهود عشان تجددوها وتجددو مشاعركم ناحية بعض .. فلو مافيش مشاعر اصلا من الاول ، والبنت مش فارق وجودها خالص بالنسبالك .. يبقى استخير وافسخ الخطوبة في اسرع وقت قبل ما هي تبدا تتعلق بيك ويبقى صعب عليها اكتر . وربنا يبدلها خيرا منك ، ويبدلك خيرا منها
تم النشر الخميس، ٢٢ أغسطس ٢٠٢٤
السلام عليكم مش يمكن حضرتك مش مبسوط عشان في حد تاني كان في حياتك ايا كان وصلت لحد فين ده نصيبك وربنا كاتب ده تقدر تدي الي نفسك فرصه يمكن تحبها او او فتره الخطوبه اتعملت عشان كدا لو مش مرتاح ساعتها تقدر تمشي بدل ما تتدخل في جواز وحرام تظالمها معاك بس علي الاقل ادي الي نفسك فرصه وليها وشوف واللي فيه الخير يقدمو ربنا ليك تقدر تصلي صلاه استخاره برضو
تم النشر الخميس، ٢٢ أغسطس ٢٠٢٤
أفهم حاسس بإيه، الموضوع مش سهل ولما تكون في حالة زي كده، لازم تكون صريح مع نفسك. الخطوبة المفروض تكون وقت لالتقاء القلوب والأرواح، مش بس جواز واهل مناسبين. أول حاجة، اسأل نفسك: ليه مش قادر تتفاعل مع البنت؟ هل هو بسبب عدم انطباعك عنها أو في حاجة تانية؟ حاول تعرف سبب مشاعرك، وممكن يكون من المجرد أنك مش متعود تفتح قلبك بسهولة. إذا حسيت أنك مش قادر تفتح لها قلبك، ممكن تتكلم معاها بصراحة وتقول لها إنك لسه محتاج وقت. التواصل والصراحة مهمين جدًا. كمان يمكن من خلال المحادثات الهادئة تكتشف جوانب جديدة فيها تخليك تنجذب لها. بس أهم حاجة، لا تخلي الضغوط تأثر عليك، بلاش استعجال. الحب والارتباط محتاجين وقت. لو حاسس إن الأمور مش ماشية ممكن تفكر في اتخاذ خطوة جدية، إنك تخلّي الأمور واضحة بينكم. استغل الوقت عشان تعرف نفسك وتفكر كويس في مشاعرك، حتى لو كان هذا يعني أنك محتاج مسافة. الدنيا قدامك، والخطوبة ليست إلزام حقيقي.
تم النشر الخميس، ٢٢ أغسطس ٢٠٢٤
من وجهة نظري لم يمر كثير من الوقت علي هذه العلاقه وما الخطبه الا وأنها وسيله للتعارف و خلق مشاعر بداخل الطرفين وانا اري انا تعطي لنفسك و لها المزيد من الوقت لعلَ الأمور تتغير و إن لم تشعر بفارق فا ما عليك سوى ان تصلي صلاة استخاره و تستخير الله و ان شاء الله يختار لك الله ما يريح بالك و قلبك و ذهنك
تم النشر الخميس، ٢٢ أغسطس ٢٠٢٤
٠سيبها وعرفها السبب بطريقه كويسه
تم النشر الخميس، ٢٢ أغسطس ٢٠٢٤
هل انت كان ليك اى تجربة عاطفية باى شكل ؟ حتى لو حب من بعيد
تم النشر الخميس، ٢٢ أغسطس ٢٠٢٤
يبقى تصارحها وتبعد عشان الجواز مش يوم او يومين ده عمر وعشره واولاد متظلمهاش وابعد عنها ولا تظلم نفسك قولها بصراحه وسايبها تشوف نصيبها مع حد يحبها ويقدر مشاعرها مدام انت حاولت ومقدرتش يبقى مش هتقدر العمر كله ربنا يوفقك فى حياتك ويوفقها فى حياتها
تم النشر الخميس، ٢٢ أغسطس ٢٠٢٤
يمكن عشان انت متعلق بحد تاني او عادي دا بيكون قبول من عند ربنا وانت مش لاقي نفسك معاها ادي لنفسك فرصة لو مقدرتش انهي العلاقة احسن من الاول عشان انتو علي البر توفر بهدلة سنين قدام
تم النشر الخميس، ٢٢ أغسطس ٢٠٢٤
الخطوبه فترة تعارف وتفاهم .. لو خلال الفتره دى ماكنش فيه التفاهم دا يبقي طبعا الافضل انك تنهى العلاقه .. بس اعطى نفسك فرصه اوقات فيه ناس كتير بتخاف من فكرة الارتباط وكل ما وقت الجواز بيقرب بتخاف اكتر يمكن دا الشعور اللى عندك
تم النشر الخميس، ٢٢ أغسطس ٢٠٢٤
لعرض السؤال في فدني اضغط هنا