دايما دماغي شغال مبيفصلش دايما بفتكر المواقف الوحشه اللي حصلتلي من اكتر ناس كنت بحبهم جدا وكانو فنفس مكانه اهلي واخواتي اتسببولي ف مشاكل كتير جدا حياتي مع جوزي بقت غير مستقرة بسبب تدخلاتهم ف حياتنا لم بقعد وببفتكر المواقف اقول الموقف ده كان المفروض ارد واقول كذا وكذا وبفضل أأنب ف نفسي وحاسه ان الكلام بياكل فيا ان مرديتش وسكت. مثلا لم بياخدو حجاتي من دون علمي او استأذاني . اخاف اتكلم او اقولهم اي حاجه بس افضل اجلد نفسي بالكلام وانا معنتش هسكت وهتكلم وهقول ومش عارف اي ومبقولهمش حاجه بس بفضل اجلد فنفسي وخلاص خصوصا ان لواحدي وزوجي معاهم وشايف اي حاجه هما بيعملوها صح مش من حقي اعترض ومش من حقي اتكلم ولو فلحظة اتنرفزت واتكلمت وقولتله رده عليا وحش.وبينفي اي غلط عليهم . يقولي ملقوش غيرك انتي اللي ياخدو منك
ولم اجيبله اثبات ان هما اللي واخدين حاجه من ضمن حجات كتير . يقولي هتجيلك ع الجزمة .ردود صعبه ومش ببقي عارفه ارد اقوله اي بصراحه لان كلامة بيبقي ينرفز فبسكت وبفضل اعيط . بس حرفيا انا تعبت جدا حتي مبقيتش بعرف انام دماغي شغال ومش بيفصل
مينفعش تجلدي ف ذاتك مجرد انك بتعملي كدة ده هيوصلك للمستوي صعب وحالة وحشة، انا مقولتش كدة اه بس عادي مش اول ولا اخر حد اغلط معاه ف الكلام كلنا بنغلط، لازم تشايسي نفسك
تم النشر الاثنين، ٢٨ أغسطس ٢٠٢٣
جلد نفسك بالكلام مش هيجيب نتيجة، هو مش هيرجع حاجه، ولا حتى هيخليكي المرة الجاية تعملي الصح، بالعكس الكلام ده هياكل فيكي انتي. ايه اللي بيخليكي تسكتي عن حقك ف الوقت اللي المفروض تتكلمي فيه مثلا؟ هل مش بتبقى عارفه تقولي ايه؟ ولا عارفه وتسكتي؟
تم النشر الاثنين، ٢٨ أغسطس ٢٠٢٣
هل تتوقعي انك لما تفتكري المواقف دي هترجع الي راح؟ او هتصلح علي اتكسر؟ او هتغير حاجه؟ اتعودي تقعي وتقومي حتي لو كانو في مكانه اهلك انتي سند نفسك يا حبيبتي لما تقعدي تفكري كتير كده فلمواقف دي ده مش هيفيدك غير انك بتضري نفسك بنفسك والاشخاص دول هيعيشو عادي بحسك بتلومي نفسك دايما ليه؟ اكيد من شدة الموقف معرفتيش ان انتي تجاوبي الاجابه الي كنتي عايزاه وعقلك مكنش عارف يفكر لانك كنتي فلموقف واكيد بعد ما خلص فضلتي تفكري كان لازم تقولي ايه بصراحه انا مش هقدر افيدك في موضوع جوزك لان ممرتش عليا حاجه زي دي قبل كده بعتذر بس اتمني اكون قدرت افيدك فلباقي 🤍
تم النشر الاثنين، ٢٨ أغسطس ٢٠٢٣
لعرض السؤال في فدني اضغط هنا