الوقتى انا تعبانه على تعب بنتى انا بنتى من يوم ما اتولدت لحد الوقتى بقالها اربع شهور ف المستشفى عندها مشاكل كتير وعيب خلقى وانا مش معترضه والله وراضيه بس دايما بيجيلى ليه يحصل معايا كده حاسه ان من يوم ما حملت وانا مفرحتش خالص 😭مع ان قاعدت فتره طويله عقبال لما احملت بجد انا تعبانه اوووى لان كل مشكلة بنتى ف التنفس وخايفه لما تخرج انا معرفش اتعامل وترجع تانى على التنفس الصناعى 😭انا بجد نفسيتى تعبانه اوووى ودايما اسال نفسى اي حكمه ربنا ف كده وارجع استغفر انا مش عارفه اعدى المرحله ديه حياتى كلها وقفت
أنتي جميله ما شاء الله عليكي صابره وراضيه وان شاء الله ربنا هيردلك بنتك ردا جميلا ويشفيها ويعافيها بحوله وقوته يارب وده بس مدخل للشيطان عايز يضعفك لكن انتي قويه وربنا هيثبتك ان شاء الله افضلي ادعي واستعيني بالله اوقات ربنا بيبتلينا بعض الابتلاءات لرفع درجاتنا والوصول لمكانه مكناش هنقدر نوصلها بعباداتنا وعملنا استعيني بربنا وهو مش هيخذلك ابدا
تم النشر الثلاثاء، ١٩ ديسمبر ٢٠٢٣
لو على الحكمة ...فحكمة ربنا الاولى من اى ابتلاء انه يشوف تقبلنا للى حصل . طول ما احنا مش قابلين ان ده يحصل لينا بيتأخر علينا الوقت اللى هيترفع فيه البلاء . انتى تقدرى تفرحى بس متخليش فرحتك مشروطة ربنا بيعطى كل حد فينا على قد ما قدراته تتحمل بالظبط فباذن الله اى كان الوضع فانتى تملكين القدرة على التعامل مع الامر وده معلوم بحكمة ربنا حتى لو انتى متعرفيش عن نفسك انك تقدرى. اسأل الله ان يلهمك الصبر حتى تسترد ابنتك عافيتها باذن الله
تم النشر الثلاثاء، ١٩ ديسمبر ٢٠٢٣
انتي في اختبار صعب، باذن الله تكوني قده .. ربنا يعافيها ويقومها بالسلامة يارب .. وباذن الله ربنا يكون رحيم بيكي .. واعرفي ان ربنا صدقيني هيرتب ليكي الخير ايا كان اللي هيحصل، تاكدي انه خير. وتاكدي ان الله لا يفعل الا الخير، حتى لو في نظرنا احنا انه شر .. ربنا يعمل اللي فيه الخير، ويصبرك يارب
تم النشر الثلاثاء، ١٩ ديسمبر ٢٠٢٣
شكرا لحضرتك ع المشاركة قلوبنا ودعواتنا معاكي ولبنتك بالشفاء والعافيه تمر علي الإنسان أوقات صعبة جدا وكل أفكاره غصب عنه بتكون اعتراض علي الأمر ولكن صاحب الأمر لم يخلقنا ليعذبنا سبحانه له الحكمة في كل الأمور "لايكلف الله نفسا إلا وسعها " يعني كل واحد علي قدر تحمله ولكنه إختبار من رب العالمين سلمي الأمر لصاحب الأمر وادعيله وتصدقي بنيه الشفاء وتفريج الهم وإن شاء الله ربنا يردها لحضنك سليمه معافاه من كل شر أبشري
تم النشر الثلاثاء، ١٩ ديسمبر ٢٠٢٣
استحملي عشان بنتك يمكن دا يكون اختبار من غير ليكي وكمان برضو يمكن صبرك ورضاكي بقضاء ربنا دا يكون سبب انك تدخلي الجنه والله اعلم برضو بس ربنا اذا احب عبدا ابتلاه ي حبيبتي دا اختبار ليكي هي اكيد هتبقا كويسه مع الوقت خليكي صبوره عارفه والله ان دا صعب عليكي وحاسه بيكي والله فاهماكي بجد بس انشاء الله بكره بنتك تكبر وتبقا كويسه وزي الفل انشاء الله يارب ❤ صلي كل يوم وادعي ربنا وانشاء الله هتكون كويسه 🤍✨
تم النشر الثلاثاء، ١٩ ديسمبر ٢٠٢٣
بصى كل حاجه فى حياتنا ليها سبب وليها نتيجه السبب ممكن نكون عارفينه لكن النتيجة دى حاجه فى علم الغيب ... مهما تكونى خايفه وقلقانه دا طبيعى بس جربى انك تحسى جوه قلبك ب ربنا ... على فكرة لا أنا ولا اى حد هطمنك ولا يصبرك ولا يخفف عنك قد الاحساس ده أن تحسي أن ربنا دا هو بباكى ومامتك اخوكىواختك جوزك وحبيبك وهو كل حاجه ليكى وهو اللى معاكى السند والشهر ... وان مهما تشوف فى حياتك فى مصائب وهموم اكتر بكتير وربنا مكتبهاش عليكى . ربنا عاوزك فى وسط كل ده تجرى عليه وتقولى يارب ربنا عاوز يختبر صبرك وايمانك ربنا عاوزك بعد كل اللى
تم النشر الثلاثاء، ١٩ ديسمبر ٢٠٢٣
متخافيش ربنا معاكى حبى رزقة وارضى بية ربنا كريم ربنا كريم اجمدى
تم النشر الثلاثاء، ١٩ ديسمبر ٢٠٢٣
حاسه انى ضعيفه اووووى وخايفه
تم النشر الثلاثاء، ١٩ ديسمبر ٢٠٢٣
كل اللى ربنا كاتبة ليكى خير لأن هو عالم بكل واحد وكل موقف بيقابلنا بيقوينا وبنتعلم منة احمدى ربنا واشكرية على نعمة
تم النشر الثلاثاء، ١٩ ديسمبر ٢٠٢٣
لعرض السؤال في فدني اضغط هنا