استشارة عن صحبة في سكن جامعي
السلام عليكم ورحمة الله وبركاته
أنا طالبة بالجامعة وبحكم أن جامعتي بعيدة عني ف أنا أبحث الآن عن سكن طالبات ومعي فتاة تدرس في نفس جامعتي ولكنها اصغر مني بعام وهي من نفس المكان الذي اعيش به، هي تريد أن تكون معي بالسكن وانا لا أمانع من حيث المبدأ لكنها دائمة التحدث وبالأخص عن نفسها بالإضافة أن عائلتها تعرفني جميعاً وهي تحكي لهم عن كل شيء وبالأخص عني وانا بكل صراحة لا احبهم ولا احب ان يعلموا عني كل شيء وبحكم أننا سنكون معاً بنفس الغرفة فهي ستكون على دراية بكل ما افعل بالتالي تعود للمنزل وتحكي عن كل شيء ،عن كل ما قلته وفعلته وتحكي عن تفاصيل حياتي وانا اكره هذا الأمر وأيضاً اكره الحديث الكثير والمستمر بدون سبب، فهل أكمل الطريق معها في البحث عن سكن لنا سوياً واتحمل ما سيحدث ام ماذا افعل
أنا مضطرة إلى أخذ سكن لأن الأمر مرهق وهي مصرة أن تأخذ سكن معي
أيضاً اود ان اسأل هل من نصائح للتأقلم في السكن بعيداً عن اهلي ف أنا متعلقة بهم جداً وأخاف أن أشعر بالوحدة أو الاكتئاب لبعدي عنهم
من تجربة الاغتراب اكتر حاجة بتهون شعور الغربة هي الناس اللي معاكي نفسهم لو مفيش راحة وامان من ناحيتهم هتحسي نفسك طول الوقت مشتتة وقلقانة ودماغك بتودي وتجيب .. والواحد بيكون كفاية عليه الاغتراب فالافضل تبعدي عنها باي حجة ولو كانت مادية حتى لان انتي اخدتي عنها صورة وطبع وغالبا عشان تغيريهم هيكون صعب شوية .. اما بالنسبة لتعلقك باهلك الموضوع هيكون رخم شوية ف الاول بس مع الوقت هتلاقي نفسك اتأقلمتي المهم يبقى خروجك ودخولك محدود وللضرورة ومش معنى انك بعيد عنهم ده يديكي حرية لاي حاجة بل بالعكس ده هيزود مسؤولية عليكي وفي نفس الوقت تبقي حامية نفسك من اي موقف ممكن يحصل
تم النشر الأحد، ٢٩ سبتمبر ٢٠٢٤
ملحوظة ليكي و لأي بنت لسه اول مرة تاخد سكن قريب من الجامعة مع مجموعة .. حافظي علي انك متغيريش لبس الا في الحمام بعد اما تبصي تحت الأحواض و تفتشي كويس علشان ميكونش فيه كاميرات او موبايلات او غيره ، بلاش واحدة تفتح الباب لوحدها لما الباب يفتح ياريت تبقوا كذا واحدة واقفة ، بلاش تنزلي بالليل لوحدك بلاش لو كله مسافر تفضلي في الشقة لوحدك ، اكتر واحد سعيد و مهرج في المجموعة بيبقي اكتر واحد حزين من جواه او أكثرهم عرضة للاكتئاب ، اكتر حد صوته عالي و اسلوبه عنيف بيبقي اكتر واحد قلقان و خايف و ضعيف ، هتسمعي عن بنات في سكن تاني بيخرجوا بالليل و مكياج و كده ماليش دعوة بحد خليكم في نفسكم الفضول مش كويس . لما تزهقوا من قعدة الشقة و الدراسة تشتد ابقوا اتفقوا علي خرجوة في النهار ان شالله حتي لو اي مكان كويس مع بعض ، لما تقدمي اقتراح او اعتراض للمجموعة بلاش دخلت لاء مش موافقة .. جربي دخلة و الله يا جماعة انا ليا رأي تاني .. ابتسمي في وش الكل و حتي لو حد فيهم معجبكيش بلاش تبيني ده ، و متشربيش اي حاجه او تاكلي اي حاجه من حد متعرفيهوش خصوصا لو اسلوبه غريب و بالتوفيق * اكتر واحد بيتكلم في اي مجموعة هو اكتر حد طيب و علي طبيعته و هو نفسه اكتر واحد بيزعل و يضايق لو حاجه حصلت و غضبه مش حلو ، الناس اللي بتتكلم بسرعة معدل تفكيرهم اصلا سريع .و في اوقات يسكتوا تمامآ مش هيتكلموا خصوصا لو اتضايقوا او اصييوا اكتئاب .
تم النشر الأحد، ٢٩ سبتمبر ٢٠٢٤
خلاص سيبك منها او كلميها بذوق كده و قولي لها مينفعش ، (( بس بعد حساب الأمر من زاوية تانية )) .. خليها تسكن معاكي و ده معناه انك هتظبطي نفسك برده علي الاقل هتبقوا اتنين عارفين بعض و تبقوا اتنين مع بعض و ده هيخليكم نوعا ما قوة لو واحدة شافت نفسها عليكي ، في نفس الوقت هيبقي عندك حلقة وصل لا قدر الله لو حصل حاجه ليكي .. الاهم بقي انك تقدري تتعرفي عليها اكتر و هيه كمان هتبقي مكشوفة قدامك .. مهما كان تخميناتك و تحليلاتك عنها طالما مصدرش منها حاجه وحشة خلاص يبقي Why Not ..!! اهو تسليكي شوية .. بس خلي بالك بلاش تحكي لها تفاصيل عن حياتك و لو سألت عن شيء أدرسي الأمر قبل الرد . الونس حلو
تم النشر الأحد، ٢٩ سبتمبر ٢٠٢٤
وعليكم السلام ورحمة الله وبركاته، أقدر تمامًا مشاعرك واهتماماتك في هذه المرحلة الجديدة من حياتك الجامعية. من الواضح أنكِ تواجهين تحديات تتعلق بالعلاقة مع زميلتك في السكن. في البداية، يجب أن تدركي أن الاختيار الصحيح للشخص الذي ستعيشين معه يمكن أن يؤثر بشكل كبير على تجربتك الجامعية. إذا كنتِ غير مرتاحة لفكرة أن زميلتك ستتحدث عنك بشكل مفرط مع عائلتها، فمن المهم أن تظهري لها حدودك بوضوح. يمكنكِ أن تتحدثي معها بصراحة وتعبري عن شعورك بأنك تفضلين أن تبقي بعض الأمور خاصة. التواصل المفتوح والصادق هو المفتاح في مثل هذه الحالات. أما بالنسبة للسكن بعيدًا عن الأهل، فيمكن أن تكون هذه تجربة جديدة وصعبة في البداية. إليك بعض النصائح للتأقلم: جدول زمني: حاولي تنظيم يومك بحيث تحافظين على روتين يساعدك على التكيف مع الحياة الجديدة. قد يتضمن ذلك الدراسة، والأنشطة الاجتماعية، أو حتى ممارسة الهوايات التي تحبينها. الاتصال بالعائلة: حاولي التواصل مع عائلتك بشكل منتظم، سواء عبر الهاتف أو الفيديو، فهذا سيساعدك في الشعور بالقرب منهم. تعزيز العلاقات الاجتماعية: شاركي في الأنشطة الطلابية أو النوادي الجامعية، فهذا سيساعدك على التعرف على أشخاص جدد وتكوين صداقات جديدة. العناية بنفسك: اعتني بنفسك جسديًا وعقليًا، وخصصي بعض الوقت لنفسك للاسترخاء واستكشاف محيطك الجديد. تذكري، التغلب على الشعور بالوحدة يحتاج إلى وقت، لكن مع الجهد والمثابرة ستجدين نفسك تتأقلمين وتستمتعين بتجربتك الجامعية. إذا شعرتِ بأي ضغط نفسي، لا تترددي في طلب المساعدة من مختص أو مرشد نفسي. أدعو لك بالتوفيق والنجاح في دراسة وفي تكوين صداقات جديدة.
تم النشر الأحد، ٢٩ سبتمبر ٢٠٢٤
السلام عليكم .. اولا سكن الطالبات لازم تشوفيه الاول منطقته عامله ازاي ومكانه كويس ولالا وبعدين تشوفي السكن نفسه .. نضيف ومريح ولا لا .. موضوع انك تكوني معاها بنفس الغرفه ممكن يتحل بسهوله تشوفي مين صاحبه السكن فهميها ان بينكم قرابه ومش عايزه يحصل مشكله فالافضل ان تسكنينا بعيد عن بعض واكيد الست هتتفهم الموضوع وتجيب الموضوع من نحيتها هي .. وربنا يكرمك ويوفقك
تم النشر الاثنين، ٣٠ سبتمبر ٢٠٢٤
لعرض السؤال في فدني اضغط هنا