السلام عليكم ورحمة الله وبركاته
انا كنت في علاقة محرمة والحمد لله تبت إلي الله من هذا الذنب وعملت للشخص ده بلوك من على الواتس بس بعدها بفتره لقيتوا دخلي ع التليجرام بس انا بشوف الرسايل ومش برد لأني مقتنعة تماماً اني خلاص مش عايزه ادخل ف علاقة محرمة تاني ومش عايزه اكلمه فهو بيبعتلي ويقولي انو محتاجني ومحتاج ياخد رأيي ف حاجات!
انا مش عارفه هو بيقول كده ليه مع اني عملتلوا بلوك واحنا كنا متفقين قبلها اننا مش هنتكلم تاني بس سبت رقمو وبعدها بفتره انا من غير ما اخد رأيو عملت بلوك ومسحت الرقم فدلوقتي اعمل هو بيبعت ويقول انو محتاجني ومحتاج ياخد رأيي ف حاجات مهمه! مع العلم انا بشوفوا علطول وهو معايا ف نفس المرحلة الدراسية بس انا مش ببص ليه خالص ف انا اعمل ايه معاه؟؟!
اولاً انتي غلطك مش كبير متلوميش نفسك طالما فوقتي ورجعتي عن الخطأ دا خلاص ربنا غفور رحيم واوعي تخافي منه طول ما هو شايفك ضعيفه أو حاسس بخوفك من ناحيته هيستغلك اكتر واكتر اللي قدر يسترك قادر يحميكِ من شره وغدره ويمكرون ويمكر الله والله غير الماكرين لو فيه حد من أهلك ممكن يتفهم الموقف تحكيله وهو يتصرف في الموضوع ولا مش هتقدري تعملي كدا ؟
تم النشر الأربعاء، ١٩ مارس ٢٠٢٥
انت اتكلمي معاه واشرحيله موقفك وقوليله انك م مرتاحة وانه لو بيحبك بجد ييجي يتقدملك وانت خليك ع موقفك وقوليله انك م هتقدري تغضبي ربنا وبعد كده بلكيه ولما تشوفيه فمكان متبصلوش بعدين ي حبيبة قلبي لو بتحبيه وبيحبك فلو ليكو نصيب فبعض فاكيد مهما كان السبب هتبقو لبعض فادعي ربنا واتكلي ع الله
تم النشر الخميس، ٢٠ مارس ٢٠٢٥
طيب اللي سترك قادر يحفظك من شره. وبيتكلم عنك لمين؟؟. طيب هل ده راجل اصلا انه يعمل كده او انه يكون مخوفك؟. توكلي على الله وتقفلي كل الأبواب وربنا مش هيخذلك❤️من ترك شيئا لله عوض الله بخيرا منه.
تم النشر الأربعاء، ١٩ مارس ٢٠٢٥
بكل ذوق حضرتك انا عملت بلوك بسبب ١ ٢ ٣ وتعملي بلوك تليجرام وبلوك للرقم. لان فكره انه بيبعت وانتي مش بتردي هتخليكي بعد فتره تردي ويبقى كده معملناش حاجه.
تم النشر الأربعاء، ١٩ مارس ٢٠٢٥
اعملي بلوك ومترديش عليه ولو حاول يبتزك اوعي تخافي منه وخليكي واثقة من نفسك لان اللي بيبتز حد دا شخص ضعيف ومش بيعمل حاجة في الاخر
تم النشر الاثنين، ٣١ مارس ٢٠٢٥
ده انسان مش محترم اعمليله بلوك من كل حاجه ولو تعرفي تغيري رقم تليفونك اعملي كده متحاوليش حتي تتكلمي معاه الإنسان اللي زي كده مجرد متردي عليه ده هيقلل منك
تم النشر السبت، ٢٢ مارس ٢٠٢٥
انا دلوقتي قولتلوا زي ما انتي قولتي بس انا ليا صور عندو ممكن يأذيني بيها يعني ونا معاه مكنش بيتكلم عليا ولما اسيبو يتكلم بمعني اصح ربنا سترني ونا ف علاقة محرمة وممكن يحصلي حاجه لما اسيبه
تم النشر الأربعاء، ١٩ مارس ٢٠٢٥
لعرض السؤال في فدني اضغط هنا