السلام عليكم ورحمة الله وبركاته اعرف منين اني محتاجة دكتور نفسي يعني في مشاكل في حياتي اثرت عليا بس لما بكلم اهلي علي فكرة الدكتور بيقولوا لاء قلبي من ربنا قولت تمام بس مثلا لو محتاجة اكشف علي العظم مثلا حقول لاء اقرب من ربنا يعني اقصد اخذ بالأسباب فهل كلهم صح ولا خطأ و واعرف منين ان عايزة دكتور نفسي و لو مثلا محتاجة اعمل ايه عشان اهلي مش تخليني ادور ولا بيساعدوني
لو انا حاسس انى متأثر نفسيا عموما ومحتاج حد ...يبقى انا محتاج مساعدة طب امتى المساعدة دى يبقى الشخص المناسب ليها هو الطبيب النفسي ؟. لما المشاكل اللى عندى تبقى تمنعنى امارس حاجات طبيعية فى حياتى يعنى الكسل محتاج حد يشجعنى بس ....بس لو كسل لدرجة انى كسلان انى اعمل نضافتى الشخصية او اتحرك خارج البيت خالص او خارج اوضتى ...يبقى اتحول لمشكلة نفسية محتاجة طبيب نفسى . وعلاقة الانسان بربنا طبعا تديلة طبعا قوة قصاد الازمات النفسية بس مش شرط تمنعها فى خدمة نفسية عن طريق التليفون تابعه لوزارة الصحة او فى خدمات نفسيه اون لاين تقدرى تستعينى بيها
تم النشر الجمعة، ٣٠ ديسمبر ٢٠٢٢
اكيد انتي صح .. النفسية زيها زي اي حاجة عضوية ممكن الواحد يتعب منها. ولكن اديهم العذر شوية .. لأن الوعي بتنمية الذات والامراض النفسية ممكن يكون مش واصلهم .. ممكن يكونوا مش معترفين بيه . فيه ناس لسه بسيطة ف هتقدر توصل لكم الحاجات الحاجات اللي بقت موجودة دلوقت. ولكن ردا على سؤالك .. ازاي تعرفي انك محتاجة لدكتور نفسي؟ لما تكون في حياتك شئ معين بيمنعك انك تمارسي حياتك بشكل طبيعي، يعني فيه معوقات في حياتك بتمنعك انك تمارسي كل شئ انتي كنتي متعودة عليه، وفجأة كل شئ توقف وتغير مثلا لما تقعدي بالاسبوعين مثلا في سريرك مش قادرة تقومي تعملي اي حاجة حرفيا. لما تلاقي افكار غريبة انتي متعودة تفكري فيها طرأت عليكي .. أي أفكار مرضية او غير عقلانية. لما الافكار والسلوك والمشاعر يبقى فيهم حاجة غلط .. لما تبقى في مشكلة معينة ومش عارفه تتخطي ده لوحدك .. وقتها يجب دخول متخصص.
تم النشر الأربعاء، ٢٨ ديسمبر ٢٠٢٢
لو انتي حاسة انك محتاجاه يبقى انتي محتاجاه فعلا .. ممكن تجربي جلسة مع الدكتور عشان تتأكدي .. ومش كله بيعالج بادوية فممكن يكون العلاج مجرد جلسات عادية واستمري بالدعاء
تم النشر الأربعاء، ٢٨ ديسمبر ٢٠٢٢
لعرض السؤال في فدني اضغط هنا