انا عندي مشكله كبيرة .. الانسانه اللي حبتها او بعني اصح عشقتهااا انفصلنا عن بعض من اربع سنين معرفتش انساها لأني بحبهاا اووي .. ولدي اتوفي قبل انفصلنا بوقت قصير .. و حسيت بعد وفاته اني هظلمهاا معايا .. لان الظروف وقتها كنت مش كويسه .. و عديت الايام و السنين و اتجوزت عشان يكون ف انسانه مع امي و اخواتي ... و ظهرت حبيپتي تاني ف حياتي .. بعد ما دورت عليها ف كل مكان و كنت بطمن من بعيد لبعيد .. و كنت فاكر انها عاشت حياتها و خلاص انتهي اللي ما بينا و اللي ف قبلي يفضل ليا و خلاص لحد ما ظهرت تاني وصحيت كل اللي جوايا اللي متنساش اصلا ولا انتهي بالنسبه ليااا .. و اكتشفت انها كمان نفس الامر ... دلوقتي مش قادر ابعد عنها ومش قادر ابعد عن مراتي ام ابني .. و مش عارف اعمل اي .... انا بحب مراتي .. بس للأسف مش قد الانسانه اللي حبيتها لدرجة العشق ..
انت قلت حاجه كويسه جدا انا بحب مراتي ودي لازم تفكر فيها كويس جدا ...يعني بتحب مراتك؟ ممكن لقيت فيا السكن والامان والموده والرحمه وحسن الخلق واعتدت وجودها وكمان في بينكم طفل ولا فعلا حبيتها بكل جوارحك متقدرش تستغنى عنها ؟ فكر ف حاجه لو كنت اتجوزت حبيبتك وقابلت مراتك صدفه كنت اتشديت ليها ولا لا كان قلبك اتخطف وانت معاها ولا لا كنت هتفضل مشغول بيها ليل نهار ولا لا؟ اجابتك ع الاسأله دي هتقولك انت بتحب مراتك ولا لا بجد في حاجه كمان لازم تدور عليها جوه نفسك الحب حاله جميله الانسان بيعشها بتحرك افكار ومشاعره وعواطفه وبتحتله وبتحتل يومه وحياته ولو الشريك ف العلاقه كان كويس جدا بتخلي حاله الحب دي ف اعلى مكانتها وتوصلك للعشق انت بتحب الروح والمشاعر والشكل والمواقف الي كانت بينكم ... بس انت قدرت تنهي حاله الحب دي بعد وفاه والدك وقدرت تفضل بعيد مده طويله يعني مشاعر الحب مكنتش بالقوه الكافيه انها تخليكم سوا وقدرت يكون معاك واحده تانيه وتفسيره ده ممكن يكون اشتياقك لنفس حاله الحب الي كنت فيها بسماتها الخاصه الي هي مش شبه الي مع مراتك ... ولما تواجه مشاعرك كويس وتلاقي اجابات للأسئلة دي وطلعت النتيجه معاك انك بتحب حبيبتك لسه ومعرفتش تتخطاها ومشاعرك بنفس قوه زمان وزياده واجه مراتك وقولها عايز اتجوز تاني ووقتها لازم تكون عارف انك هتجازف بواحده من الاتنين مراتك لو خيرتك بين حبيبتك وبين الطلاق او انك تجازف بحبيبتك وتسيبها تعيش حياتها زي منت كمان عرفت تعيش حياتك
تم النشر الاثنين، ٣٠ يناير ٢٠٢٣
السؤال بتاعك مليان قرارت وده بيأكد انك شخص بيفكر كويس انت محتاج قرار تنفذه وغالبا هيكون من وسط كلامك ( اللي ف قبلي يفضل ليا و خلاص) هى ظهرت فى حياتك اختبار ليك ..شوف بقى عاوز تنجح ولا ناوى على حاجة تانية
تم النشر الاثنين، ٣٠ يناير ٢٠٢٣
نصيحه اخويه انساها و حافظ على مراتك إللي بتحبك و تقدرك
تم النشر الاثنين، ٣٠ يناير ٢٠٢٣
لعرض السؤال في فدني اضغط هنا