عندى ندبة صغننه خالص فى وجهى مدايقانى قووى و موترانى بسبب قلة ثقتى بنفسى و محتارة اعالجها عن متخصص او لا ؟ اعمل ايه
أنا أفهم مدى صعوبة هذا الموقف، ولكن الأهم هو أن تزيدي من ثقتك بنفسك. فالندبة هي شيء طبيعي ويمكن العيش معها، ولكن الثقة بالنفس هي أساس تفاعلك مع الحياة اليومية. إذا كنت تشعرين بعدم الراحة والحاجة للمساعدة، لا يضر بأن تذهبي لمتخصص للحصول على المشورة والعلاج اللازم. لا أحد يستحق أن يشعر بالمحنة أو القلق بسبب شيء يمكن التحكم فيه، وأنت تستحقين الحصول على العلاج الذي يمكن أن يكون مفيدًا. ولا تنسي أن التعامل مع هذه الأمور بشكل إيجابي وحازم، سيساعدك على امتلاك الثقة في نفسك وعيش حياة سعيدة ومستقرة.
تم النشر الاثنين، ٢٠ مارس ٢٠٢٣
بتروحي دكتور او دكتوره جلديه بيعالجهالك ي بكريمات ي بجلسات ليزر او ديرمابلانينج ونتيجتها بتبقا حلوه
تم النشر الأربعاء، ١١ يناير ٢٠٢٣
ده وارد ان الدكتور يبوظلك وشك طبعا، بس انا ممكن اضحكك ان انا كان عندي حب شباب كان بيتقالي وكنت بشوف ان شكلي بيها أحسن، القصد ان الناس مش هتسيب وشك كله وتركز في حاجة سطحية
تم النشر الأربعاء، ١١ يناير ٢٠٢٣
هى مش تبيان الا فى نوع ضوء كدا اسمه الضوء العمودى ببقى متوترة قوى لما اخش مكان و يبقى فى النوع دا من الضوء و مش ببقى قادرة اتعامل بشكل طبيعى لانها بتبقى باينة.. هى سطحية جداً بس خايفة اعملها عند دكتور يبوظلى وشى خالص
تم النشر الأربعاء، ١١ يناير ٢٠٢٣
لو الندبة ظاهرة ومخليه شكلك مش حلو يجوز لكي تجمليها عند دكتور، لكن مش كده يبقى لا يجوز،،، وعامتا الناس كلها في وشها ندبات بما فيهم انا وابويا وعمي واخويا وجدي وجدي الثالث عشر ده طبيعي فمتقلقيش.
تم النشر الأربعاء، ١١ يناير ٢٠٢٣
لو حالتك متيسرة في دكاترة تجميل، لو حالتك المادية عادية و مش قد دكاترة التجميل يبقي في حلول طبية تانية بالليزر، لو متقدرش علي تمن ده، فيه مستحضرات، لو قلقان علي منظرك قدام ربنا متقلقش الله عز و جل مبيفرقش معاه الخلقة و لكن الخلق و النية و سلامة القلب، لو قلقان علي منظرك قدام البشر.. اللي يشوف عيب غيره تهون عليه مصيبته، لو ولد استرجل يسطا الندبة مش بطاقة ولا دليل علي انك حد وحش تعايش و مع الوقت هتقدر تلاقي حل ان شاء الله او هتتجاهل الموضوع كله لو مش مستاهل و اللي يعاملك وحش علشان الندبة يبقي انسان سطحي تافه و بناقص منه/ لو بنت الجلد بيتغير من تقدم الإنسان كل فترة في السن و البنات عندها مليون طريقة تخفف بيها اي ندبة خصوصا في الوجه و النقاب برضه يعتبر حل و لو اني مش بحب الموضوع ده لازم نواجه مش نستخبي، و الثقة بالنفس بتيجي لما نكون اقوياء و نواجه و نعمل حدود للبشر و نتصرف معاهم لو عدوا حدودهم و نبقي واثقين ان أعمالنا و نوايانا مفيهاش حاجه حرام، و الأهم تكون علي حق و نتصرف من منطق صاحب الحق اللي عينه قوية بس مهذب و محترم في نفس الوقت. ممكن برده تستشير طبيب متخصص يوفر لك حل بديل. و اللي يبص لك بعين بص له بعشرة.. احنا في مصر مش في اليابان تبع japanese kawaii
تم النشر الأربعاء، ١١ يناير ٢٠٢٣
لعرض السؤال في فدني اضغط هنا