انا مرتبطه بشخص هو لطيف وبيحبني جدا ارتبطتا ا لمدة سنتين وطول السنتين كان جميل ولطيف ومقصرش معايا ف اي حاجه، وكلم اهلي وقرينا فتحه واتفقنا اما يخلص السنه دي هنتخطب ،بس جينا الفتره الاخيره دي كنا دايما بتتخانق ع اي حاجه كل شويه خناق خناق محدش يتحمله والمفروض ان خطوبتنا الشهر الجاي وبالمناسبة انا معايا كل اكاونتات السوشيال بتاعته بس مبفتحهاش علشان واثقه فيه المهم جالي قالي انا كلمت واحده يومين وبعد كدا حسيت بالغلط ومكلمتهاش تاني ،ف انا اتخانقت معاه جامد وقطعت كل سبل التواصل معاه ومش بكلمه حاليا وهو اعتذر بكل الاشكال ووعدني انه مش هيكرره وبرضو عملته بلومك معطيتوش فرصه يتكلم، واخته كلمتني ومامته وانا مش عارفه اعمل اي ارجو حد يفيدني 😔
في الحقيقة هي تحسب له نقطة انه جه واتكلم معاكي ... لكن نبدأ نسأل ونشوف النقاط اللي ممكن نتكلم فيها .. كان بيقول انه حس انه بيعمل حاجه غلط وفاق وقتها وجه قالك، هل علشان هو خايف مثلا احسن تعرفي لانك كده كده معاكي السوشيال ميديا بتاعته وكان خايف مثلا احسن تفتحي وتعرفي؟ في الحقيقه ده تخمين وتغطية لكل الجوانب فقط ولا علشان هو فعلا حس بغلطه وندمان على عمله وجه وحكى ليكي ؟ في الحقيقة برضه منعرفش الحقيقة فين! _ ولكن لو ديه اول غلطة له .. انتوا لسه على البر يعني لو انتم الاتنين متفقين في كل حاجه، وفيه توافق في كل حاجه في حياتكم، اديله فرصة سنة مثلا كمان او سنة ونصف .. لحد ما تتأكدي من هو ده الشخص اللي انتي فعلا حابه تكوني معااه، ومش علشان بتحبيه وبس، لأ علشان هو ده الشخص المناسب، الحب مش كل حاجه .. فيه حاجات كتيرة اهم طبعا. ف علشان كده بقولك انتوا لسه على البر ممكن تديله فرصة كمان بأنك تشوفي وتختبري الشخص ده هل ده الشخص المناسب ولا لا؟ _ في حاجه كمان مهمة (التجسس) باب من ابواب الشيطان ... يعني ايه؟ مش من الطبيعي ابدا اننا نتجسس على بعض ونمسك اكونتات السوشيال ميديا والفون والباس وكل حاجه .. من باب اشوفه بيخوني ولا لا؟ طيب بيعمل ايه في الوقت ده، طيب بيكلم مين، طيب مين بيكلمه؟ هل ديه حياة سوية اصلا؟ سواء انتي بعملي كده او هو؟ طيب ليه نعمل كده، وعلى فكرة اللي عايز يعمل الغلط هيعمل كده كده، مش شرط يديلك الاكونتات بتاعته، ما ممكن اصلا يكون عامل اي حاجه انتي مش عارفه توصلي ليها، بس مسلمك الدنيا بمزاجه، فهماني! ف علشان كده كل ده صراحة ملوش لزوم انه يتعمل .. سواء منك او منه، والثقة هي في الحقيقة مش بتيجي من الهوا ... الثقة بتبنى، والغلط هتعرفيه وهيجي لحد عندك، مدوريش عليه ...
تم النشر الخميس، ٢٢ يونيو ٢٠٢٣
يعني هو لو مكنش زعل و أحس إن اللي عملوا غلط كان هيعرفك من الأساس ؟ و غير كده هو حس إنو عمل غلط فى حققك و مفضلش أنو يخلي ده سر عندو و حب أنو يجي يقولك بنفسوا من غير حتى متسأليه ديه نقطة تحسبلوا من غير نقاش هو أيوا غلط بس يكفي أنو عرف غلطوا بدري و صححوا بعتذاروا ليكي و قطع علاقتوا بالواحده اللي هو كلمها و بس أظن ديه أسباب اكتر من كافيه إنك تعرفي إن مقامك عند يساوي كتير و أنو مش مستعد يخسرك و الدليل إنو قال لوالدتوا و اختو علشان يعتذرو ليكي بعد لما قطعت أى سبيل يقدر منو يكلمك وبس.
تم النشر الخميس، ٢٢ يونيو ٢٠٢٣
انا كان نفسي اقولك سامحيه المره دي ومش هيكررها تاني مدام اعترف والكلام ده واديه فرصة والكلام ده كله بس انا من رأيي الشخصي شايفة مدام قدر يكلم وحده يوم والتاني من غير ضميره ما ينبهه ان اللي بيعمله ده ميصحش ونتي ف حياته لأن دي انا بعتبرها خيانه صريحة ومدام اتجرأ وعملها مره وادتيله فرصه تانيه هتفضلي شاكه فيه دايما ومش هتعيشي مطمنة واحتمال متقدريش تثقي فيه طول حياتك ف انا شايفة ان دي إشارة من ربنا انك متكمليش معاه بس دي وجهه نظري ممكن تصلي استخاره وتدعي وفي الاول وف الآخر دي حياتك زي ما تحبي واللي يريحك اعمليه
تم النشر الجمعة، ٢٣ يونيو ٢٠٢٣
اهلا بك، انا فاهمه موقفك جدا وطبعا الخيانه ولو كانت صغيره بتكون صعبه. بس في نقط كده احب اوضحها: ١- انتم مرتبطين من سنتين وفيه خطوبه قريبه، يعني فيه ارتباط عاطفي ومشاعر قويه مش مجرد علاقه عاديه. فمن المهم انك تفكري بعقلانيه في الموضوع. ٢- هو اعترف لك بالغلط ده واعتذر وقالك مش هيتكرر. وده خطوه ايجابيه منه لان كتير من الرجاله بيكتموا الغلطات علشان يتجنبوا المشاكل. فهو بيظهر صراحته معاكي. ٣- انتي لسه مش بتثقي فيه تماما، وده طبيعي بعد اللي حصل. بس ممكن تديله فرصه يثبت نفسه تاني ويرجع ثقتك فيه بالتدريج. ٤- لو انتي حاسه انه مش هيتغير ومش قادره تسامحيه، فمن حقك تنهي العلاقه. بس قبل ما تاخدي القرار ده، فكري كويس انا متفهمه مدى صعوبه الموقف بس انصحك تهدي اعصابك، وتتكلمي معاه بهدوء وتقيمي الموقف كويس وتاخدي القرار اللي هيريحك. ربنا يوفقك ويسهل امورك.
تم النشر الخميس، ٢٢ يونيو ٢٠٢٣
لو حاسه ان بيحيك بجد اديله فرصه تانيه
تم النشر الخميس، ٢٢ يونيو ٢٠٢٣
سدقيه عشان لو مكنش ندمان مكنش جه حكالك المفروض كدا توثقي في اكتر عشان حكالك
تم النشر الخميس، ٢٢ يونيو ٢٠٢٣
لعرض السؤال في فدني اضغط هنا