وعليكم السلام ورحمه الله وبركاته بصي يا جميله المواقف دي والحاجات دي لما بتتكرر في البيت. بتكون طبعا بسبب اختلاف الشخصيات. بتكون بسبب ان كل واحد بيحب يعمل الحاجه بطريقه مختلفه عن الثاني كلنا بنحب بعض كلنا عايزين نطمن على بعض ولكن كل واحد بيعمل ده بطريقته ما بيكون حل الموقف اللي زي دي ايه ان احنا كلنا نتفق على سيستم واحد وكلنا نمشي عليه فخلينا نقول مثال من الموقف يعني تعرضتي له مع اخواتك في البيت ان خلاص يا جماعه عشان الموضوع ده ما يعملش ازمه كل شويه فاحنا نتفق على حاجه اي حد فينا هيكون في اي مشوار ولقى نفسه هيتاخر فهو بس يعرفنا المكان اللي هو فيه ويقول ان هو... ويدينا مكالمه يطمننا عليه ان هو هيتاخر. ويكون اول ما هيفضى يكلمنا مره ثانيه قبل ما يتحرك مثلا ويكون جاي على البيت او يبعت رساله يقول انا خلاص راجع في الطريق... علشان ابسط الامور انه لو لا قدر الله في حد حصل له حاجه احنا نعرف نوصل للشخص... ثاني حاجه مثلا احنا ممكن دائما نكون عندنا بديل يعني مثلا؟ اللي بيشتغل يكون معرفنا رقم تليفون لحد في الشغل او رقم تليفون الشغل الثابت مثلا لو مكان الشغل ده مكتب يكون في رقم ثابت نقدر انه لو ما عرفناش نوصل للشخص نفسه نقدر نوصل للمكان وهما يوصلونا بيه فدي هنحطها قاعده للبيت كله وده بيكون حل الموضوع بشكل الطف علشان ما يبقاش الكلام موجه لشخص وكانه هو الوحيد اللي بينتقد في النقطه دي لا احنا بنقوم معممين الموضوع بقاعده البيت كله يمشي عليها وده بيحل الامور بشكل ألطف كتير... لما يكون موقف زي ده وفي حد حس انه الباقيين ما فهموهوش او ما حدش قدر كلامه احنا لازم نحترمه شعور الشخص ده نقول له انت عندك حق لما نيجي نكلمه وانت حقك انك همم يعني تزعل من الموقف بس هو مش مقصود وخلينا نشوف الحل اللي يكمل معانا بدل ما نمسك موقف ونبقى ما استفدناش حاجه. وربنا يعني يهدي الامور دائما ما بينكم وانت جميله لانك بتدوري على حل كده يهدي الامور ما بينك وما بين اخواتك يعني ربنا يحفظكم لبعض.
تم النشر الأحد، ٣٠ يونيو ٢٠٢٤
أول حاجه حاول تهدي أهلك ومتشعللهومش خالص هما أكيد بردو متضايقين فكلمهم براحه كدا وقولهم يحاولوا يكلموه بردو وطبعا لو إنت عارف تتواصل معاه متسكتش وتسيبه حاول تكلمه مره و آتنين وانصحوا وقلهم إنهم فهمتوا غلط وخليك كويس مع عيلتك لإنهم أكيد بردو دلوقتي متضايقين وبيطلعوا غلهم علي أي حد فأهدي وسايرهم وكلمهم فالموضوع وخليهم يرجعواه البيت عشان ده مش حل وخلي أخوك الكبير بردو يتكلم معاه هو احسن واحد هيفهموا حتي لو عصبي وفهم أهلك انو ممكن يكون زهق عشان هو كبر وكدا
تم النشر الجمعة، ٢٨ يونيو ٢٠٢٤
وعليكم السلام، حبيبتي. المشكلة دي شائعة جدًا في العائلات، وساعات بيكون صعب إننا نلاقي الطريقة الصح للتصرف في المواقف دي. خليني أقولك على شوية نصايح ممكن تساعد. أول حاجة، اتفقي مع إخواتك إنكم تتكلموا بهدوء ومن غير زعيق قبل أي مشكلة جديدة تحصل. الطريقة اللي بنتكلم بيها مع بعض كتير بتفرق في النتايج. تاني حاجة، جربي إنك تتكلمي مع أخوكي الكبير وتشرحي له إن الموضوع بيكون من دافع الحب والاهتمام. قولي له إنك بتحترمي خصوصيته، لكن في نفس الوقت، لازم تطمئنوا عليه عشان كلكم بتحبوه وبتقلقوا عليه. برضه، حاولي تخصصوا وقت تاني تتكلموا فيه مع بعض، بعيد عن صد رد الأزمات. ساعات الكلام والأسئلة في وقت مش مناسب بيحصل مشكلة، فلو حاولتي تتكلمي معاه في وقت هادي، هيكون في تقبل أكتر. ولو حصل اختلاف في وجهات النظر، حاولي تعملي وساطة بين الاخوات عشان توضح الأمور بشكل محايد بدلاً من الدخول في جدالات حادة. لو أخوكي متفهم، اقترحي عليه يكون فيه طريقة محددة يتواصل بيها معاكم لما يتأخر. ممكن حاجة بسيطة زي رسالة نصية، أو حتى رسالة على تطبيق تواصل اجتماعي. ده هيحل نص المشكلة لأنه بيعطيكم شعور بالاطمئنان بدون ما يتعب هو. وفي الأخير، دايمًا خدي في اعتبارك إن الحب والاهتمام هما اللي بيحركوا المحتاج الكبير، وإن لو اتكلمتوا بروية وهدوء الامور هتتحسن وهيكون فيه تفهم وحلول.
تم النشر الخميس، ٢٧ يونيو ٢٠٢٤
لعرض السؤال في فدني اضغط هنا