السلام عليكم ورحمه الله.
انا اسمي نوره، عندي مشكلة، أنا متزوجه وعندي اربع بنات. فعندي واحد قريبي ليه حوالي كم يوم كده عمال يتصل وبيقول ان هو مخنوق يعني وعايز يتكلم مع حد. ويصاحبه يعني.
فأنا قلقانه من الموضوع ده حاسه ان هو مش تمام ممكن يكون نيته مش كويسه فأنا عايزه اعرف هو ممكن يكون نيته كويسه؟
من وجهه نظري ابعدي احسن علشان ممكن يسبب ليكي مشاكل بينك وبين جوزك بردو ومتأمنيش لحد َوبعدين حتى ولو قريبة انتي على ذمه راجل وربنا يبعد عنك اي آذي يارب
تم النشر الخميس، ٩ يناير ٢٠٢٥
قولا واحدًا مينفعش طبعا يبقى في تواصل بينك وبينه حتي لو كلام تافه انتي متزوجه وعندك اولاد حتي لو زوجك مش موجود برضو مينفعش هو لو عنده مشكله او حياته فيها اي حتي يقدر يشوف حد اكبر منه راجل زيه ويدور له على حل غير كدا اتأكدي مليون ف الميه أن هو عنده غرض تاني وبيخطط عشانه لو مش فارق معاكي نفسك اعملي حسابك لبناتك الاربعه ولجوزك اللي خلفتي منه الأربع بنات وفي الاول اعملي حساب لدينك نصيحه لوجه الله تجنبي الرد عليه هل مفيش قرايب تاني ف العيله غيرك عشان يرن عليكي انتى بس افتكري كويس أن انتو مش اطفال مراهقين عشان تخدو قرار غلط
تم النشر الثلاثاء، ٧ يناير ٢٠٢٥
السلام عليكم اختِ في الله حضرتك متزوجه وعندك أربع بنات لسؤال لحضرتك بس جوزك بيعملك حلو ويعطيكِ حقوقك خلاص هو بيعملك حلو وأنتِ مش محتاجه حاجه يبقى ميجيش إنسان عديم الاحساس ويخرب الدينا عليكِ وفي البداية هيقول انا مخنوق محدش فهمني انا تعبان أنتِ الوحيده اللي فاهمني وبعدين هيكون في تجاوز وأنتِ لوحدك هتكوني تايهه والله هتتعبي وبعدين هو لو مخنوق يكلم مامته او أخوه اي حد لكن ياحبيبتي خليكِ في حياتك وجوزك وعيالك وفكك من مشاعر الانثي دي ودي من وجهة نظري بس
تم النشر الثلاثاء، ٧ يناير ٢٠٢٥
حتى لو نيتة كويسة او مش كويسة. دا مدخل من مداخل الشيطان.. هيوهمكم ف الاول إنه عادى.. بعدها كل واحد يفتح قلبه للتانى.. بعدها كل واحد هيتعود ع التانى وإنه يهرب من مشاكله ليه.. وبعدها تحصل مشاكل ف كل بيت بسبب القصة دى وكل واحد يلاقى راحته برا البيت وحياتكم تخرب... اطلعى برا القصة دى ومتخليش الشيطان يلعب بيكم..
تم النشر الثلاثاء، ٧ يناير ٢٠٢٥
يتكلم ويصاحب؟ طبعا عندك حق تقلقي .. بلغيه أن زوج حضرتك مستعد يتكلم معاه ويصاحبه واهربي من الفتنة ولا تردي على اتصاله مرة أخرى أو حوليه لزوجك مباشرة لو اتصل!
تم النشر الثلاثاء، ٧ يناير ٢٠٢٥
هو ليس من المحارم حتي تتحدثي معه في الاساس يعني اصلا هذا لايجوز وكمان هو موطبيعي
تم النشر الثلاثاء، ٧ يناير ٢٠٢٥
مفيش حاجه اسمها صداقه بين الراجل و الست، يعني ماهو ممكن يكلم واحد صاحبو احسن، و بعدين تخيلي كدا لو زوجك عرف هيكون رد فعله ايه، او هيشك ازاي، طبعا الاحسن انك تبعدي عن أي باب يجيبلك مشاكل خصوصا انك عندك ٤ بنات، ترضى ان شاب يصاحبهم و يفضفضلهم 🤨
تم النشر الثلاثاء، ٧ يناير ٢٠٢٥
يَأَيُّهَا الَّذِينَ ءَامَنُوا لَا تَتَّبِعُوا خُطُوَاتِ الشَّيْطَانِ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنكَرِ وَلَوْلَا فَضْلُ اللَّهِ عَلَيْكُمْ وَرَحْمَتُهُ وَ مَا زَكَى مِنكُم مِّنْ أَحَدٍ أَبَدًا وَلَكِنَّ اللَّهَ يُزَكِّي مَن يَشَاءُ وَاللَّهُ سَمِيعٌ عَلِيمٌ )
تم النشر الخميس، ٩ يناير ٢٠٢٥
ابتعدي عن هذا الباب
تم النشر الخميس، ٩ يناير ٢٠٢٥
نيته مفيهاش ب ربع جنيه سلكان اهربي انفدي بجلدك يا مدام
تم النشر الأربعاء، ٨ يناير ٢٠٢٥
اووووعي الصح معروف و الغلط معروف اخلعي بشياكه لو جوزك اللي عمل كده هتاكليه
تم النشر الثلاثاء، ٧ يناير ٢٠٢٥
ولا متخذات أخدان
تم النشر الثلاثاء، ٧ يناير ٢٠٢٥
لعرض السؤال في فدني اضغط هنا