عندي رؤية شرعية بكره ومش عارفه اعمل اي دي اول مره ومتوتره اووي قولولي اعمل اي
مستحيل اقدر اسأله ف حاجه، دنا يمكن مقدرش ابصله ومش عارفه اعمل اي
اسأل الله ان ينير بصيرتك ويرزقك الخير ويجنبك الشر . مش شرط حبيبتى يكون الموضوع سؤال جواب اهم حاجة فى الرؤية انك تشوفيه شكلا ودى تقدرى تعمليها قبل ما تقعدى قدامه....شوفيه من ورا الباب قبل ما تدخلى ودققى فى شكله كويس ...وممكن تطلبي من بابا انه يخليه بشياكة كده يقعد فى وش الباب او الزاوية اللى تقدرى تشوفيه منها قبل ما تدخلى ..عشان هتكونى مكسوفة ....بابا هيتفهم ده ان شاءالله. القبول الشكلى مهم وده من اساس الرؤية الشرعية . ممكن تقوليله كل الحاجات اللى تهمك فى الحياة عموما وفى المستقبل عشان تقدروا تحددوا اذا متناسبين ومتوافقين ولا لا لما يسمع منك هيقول رأبه او وجهة نظرة فى نفس النقطة مثلا وهكذا. قولى الحاجات اللى مبتحبيهاش عشان لو موجوده فيه ياخد باله . هو ان شاء الله لو اكبر منك بكذا سنه هيقدر يدير الحوار افضل ويساعدك. ربنا يوفقك ويقدرلك كل الخير.
تم النشر السبت، ٤ مارس ٢٠٢٣
شوفي إيه المهم بالنسبة لك واسأليه فيه أو حضري أسئلة غير مباشرة عنه أو حاولي تستشفيه من كلامه. وحاولي تسمعي للأستاذة هالة سمير لها فيديوهات بخصوص الموضوع دة مثل : https://www.youtube.com/watch?v=9KR0_I_FecM
تم النشر السبت، ٤ مارس ٢٠٢٣
ربنا يوفقك توترك ده طبيعي جدا ..اول قعده دي غالبا بيتم ادارتها من الاب والعريس وهتلاقيهم بيحكو ويتكلموا في مواضيع مختلفه هتشوفي طريقه كلامه اسلوبه في الردود لبسه مظهره كل ده تقدري تشوفيه وهما بيتكلموا سوا مش ضروري تسألي اي حاجه في الاول بعد شويه وقت هتلاقي نفسك هديتي وبدات تتفاعلي ان شاء الله ممكن هو يسالك على حاجه فتجاوبي ومتخليش التوتر يطول معاك وعادي القعده الاولى دي لو حصل بعدها قبول بسيط في ناس بتطلب رؤيه شرعيه تانيه او تالته حسب الموقف وحسب الراحه فممكن القعده الاولى بالنسبه لحد متلخبط جدا زيك كده خليها تقييم لراحتك من ناخيه شكله لبسه كلامه التزامه ....الخ ونطلب قعدة تانيه نكون محددين فيها اسئلتنا والامور ال تهمنا ونيكون التوتر والخجل قل شويه
تم النشر الأحد، ٥ مارس ٢٠٢٣
لعرض السؤال في فدني اضغط هنا