ردود غبيه وناس عديمة الذوق البنت بتشتكي لينا وفيها الي مكفيها بتلومها ليه ما هى كدا كدا ندركه انها غلطت وندمانه جدا ، بصي يبنتى سيبك من كلامهم ركزى معايا اول حاجه الإنسان طبيعته بيغلط اه مش كلنا بنغلط نفس الغلطات لكن علي الاقل ربنا عارف احنا نقدر تتحملها ليه دايما رابطه فكرة الانتحار بالراحه وانك هتكونى خلصتى من تأنيب الضمير ؟ الدنيا دى كلها متسواش حاجه جنب الاخره حرفيا انتى كفايه عليكى انى معارفه بغلطك وانك ندمانه وبتحاولى تتوبي مجرد التفكير فى التوبه ده بيخليكى عند ربنا حاجه كويسه ربنا بيعمل ليكى إشارات كتير بس للاسف انتى بتفهميها غلط انا عارفه أن اختك كويسه معاكى وانتى بيصعب عليكى نفسك انك عملتى فيها كده بس الزعل مش هيوصل لحاجه انتى ممكن تربي عيالها أو تساعديها فى تربيتهم تربيه كويسه تتحاسبي عليها عند ربنا أو حتى تحاولى تعوضي اختك عن اى موقف اقطعى علاقتك بجوزها نهائي اعملي بلوك أو ما تشوفيه فضي بصرك يبنتى عشان الموضوع ميتكررش تانى انا محتاجه منك انك تكون عندك صبر وعزيمه انك تتغلبي علي الماضي اى حد هيقولك تعالي انسيكى الماضي يبقى بيكدب عليكى لأن سنة الحياه أننا نتعلم من أخطاء الماضي ونتقبلها حتى لو كانت كبيره مش نهرب منها متحكيش لأى حد مهما كان علي اى حاجه فى حياتك انا عارفه انك كنتى محتاجه حنيه وحنان من أهلك وللاسف نصيبك كان أنك تتعاملي معامله اسوء من الي المفروض يكون عشان كده انتى بدأتى تدورى علي الحنان والطيبه مع ناس مش كويسه وارتبطتى كتير بس عشان تلاقي مكان ترتاحي فيه حتى لو المكان مش مناسب مع انك لو ركزتى علي تغيير نفسك وقعدتى مع ربنا بعد الصلاه تبكى وتدعى وتكلمى ربنا مش هتحتاجى ابدا لحد تحكيلو بعد ربنا الزنا من الكبائر ولكن ربنا حتى فى الكبائر بيسامح محدش ضامن عمرو فى صلاه اسمها صلاة التوبه صليها وربنا اكيييد هيسامحك لان ربنا أكد علي المسامحه بعد التوبه وبعدين متقوليش علي نفسك شمال انا عارفه انك بتعاتبي نفسك بس انتى كده قاسيه جدا مع نفسك متسمعيش لحد بيشدك لورا لو ملقتيش صحبه صالحه يبقي صاحبي نفسك وخلاص بالنسبه لموضوع ابن خالتك والشهوه انا مصدقاكى علفكرا ممكن فى ابتدائى حاسه بشهوه واكيد هتفضلي فاكره لأن الحجات دى بتعلم فى الدماغ هو الي شجعك وانتى كنتى طفله متعرفيش الصح من الغلط ازاى تعاتبى نفسك ؟ خليكى حنينه عوضي نفسك عن كل الناس الي اذوكى انتى محتاجه لنفسك تطبطبى علي نفسك وربنا معاكى وربنا يقبل وتلك إنشاءالله 🤍
تم النشر الأحد، ١٧ ديسمبر ٢٠٢٣
اوعي تفكري في الانتحار لأنه مش حل خلي عندك اصرار ع التوبة وحاولي وابعدي عن اي طريق ممكن الشيطان يدخلك منه و من رأيي لو مش بتشتغلي اشتغلي لان دا هيلهيكي عن التفكير في المعاصي وابعدي عن جوز اختك ولا حتى مجرد كلام عادي وحاولي تطلعي صدقات بنية التكفير عن ذنوبك وبنية التوبة وربنا يهديكي ويهدينا جميعا
تم النشر السبت، ١٦ ديسمبر ٢٠٢٣
تعالي نتفق اتفاق بسيط تعالي نتخيل سوا الاخطاء و الذنوب دي اوضة كنتي محبوسة فيها و ان الفضفضة دي و صراحتك مع نفسك و بأخطاءك هي باب للتوبة و خلاص وصلتي للباب ده هتفتحي الباب و تخرجي من ذنوبك من باب التوبة سليمة و نبدأ حياة جديدة و سليمة ولا هترمي نفسك من الشباك تتكسري و ميكونش فيه امل تاني تتصلحي ؟؟ لو ربنا مش عايزك ولا هيسامحك مكنش زرع في دماغك انك ماشية غلط ، ربنا لو مش بيحبك مش هيدلك علي طريق الباب اللي هيخرجك من ذنوبك سليمة و افتكري دايما ان ربنا رحيم بعباده حاولي تتقربي منه بس
تم النشر السبت، ١٦ ديسمبر ٢٠٢٣
مرحبا اختي اولا الانتحار لا يغير شئ ثانيا عادي الانسان يخطئ ماهو الا بشر و التوبة ليست سهلة و هذا معلوم انت الان تتوبين ثم تعودين و هكذا داواليك الى ان يأتي يوم تقررين فيه التوبة النصوح ثيقي بان ذالك اليوم سيأتي و تتغيرين فيه تغيير جذري احدثك عن تجارب حقيقية وليس كلام فقط
تم النشر السبت، ١٦ ديسمبر ٢٠٢٣
أولا ابعدي عن موضوع الانتحار ده تمام لانه مش هيفيد في حاجة يوم القيامة ثانياً خودي صفحة جديدة لنفسك وابدأي تحاولي تتخلصي من اي حاجه توقعك في الغلط مره اخرى وخلي عندك ارادة وتقولي لنفسك أنا خلاص بطلت ومش هرجع للغلط ده تاني من غير ما ترجعيله واكثري من الاستغفار والتوبة وفعل الخير ومساعدة المحتاجين واعملي خير على قد ما تقدري وان شاء الله ربنا يغفرلك الذنوب دي ومتخفيش أنا مش هدعي عليكي لاء بالعكس أنا هدعيلك لان احنا كلنا اخوات في الاخر وكلنا بشر وطبيعي الكل بيغلط بس الفكرة نتعلم من غلطنا ومنكررهوش تاني.
تم النشر الجمعة، ١٥ ديسمبر ٢٠٢٣
شوفي صحبة صالحة قربي منهم.... وانسي الماضي السلبي بعد ماتتعلمي منه، وتوبي الاول بالصلاة او الدعاء والنية وربنا غفور تواب، واعملي حسنات كتير تصدقي اشتركي ف مؤسسات تطوعية، روحي كتّاب اتعلمي أو علمي غيرك قرآن .. انا مش بقول تفصيل او بحصر، بس بحاول اعرفك لو عايزة تتغيري . وربنا يحفظنا جميعا
تم النشر السبت، ١٦ ديسمبر ٢٠٢٣
حد قالك انى مدايقه من كلامنا ؟ وبعدين هو الناس الاشرار بس فى المكان الي كنتى عايشه فيه زمان ؟اكيد هتلاقي ناس اسوء من كده لان مفيش مكان كلو كويسين وبعدين المشكله انك ضعيفه وبتهربى بدل ما تواجهى متسمعيش كلام حد وتعالي خلينا نتكلم وانا هحاول اساعدك
تم النشر الاثنين، ١٨ ديسمبر ٢٠٢٣
قفلته عشان مش عايزة ازعجك وانا مسحته مبسوطة بمعرفتك والله وتسلمى على شعورك الطيب وتربيتك الحسنة .. انا قررت اسيب البيت واروح حتة محدش يعرفنى فيها.
تم النشر الاثنين، ١٨ ديسمبر ٢٠٢٣
انتى قفلتى انستا ليه ؟؟؟؟
تم النشر الاثنين، ١٨ ديسمبر ٢٠٢٣
ليه ممكن منتواصلش خارج التطبيق ؟
تم النشر الاثنين، ١٨ ديسمبر ٢٠٢٣
حرصا على سلامتكم، يرجي عدم التواصل خارج التطبيق.
تم النشر الاثنين، ١٨ ديسمبر ٢٠٢٣
بعتلك علي الانستا علفكرا شوفي كده
تم النشر الاثنين، ١٨ ديسمبر ٢٠٢٣
انا نزلت اللينك بتاعى ممكن تبعتيلي
تم النشر الاثنين، ١٨ ديسمبر ٢٠٢٣
يا شهد احنا ممكن نكون قاسيين فى كلامنا معاها لو لقينا أن هى بتتفاخر بالذنب ده او أن هى مش عاوزه تتوب ساعتها هتكون قاسيين معاها لكن هى فى كل كلامها بتقول أن هى ندمانه وشعور تأنيب الضمير مسيطر جدا عليها عشان كده انا بقولك مينفعش نتكلم معاها بالطريقه دى ده غير كمان أن الكلام اكتره فى موضوع الدين وازاى تتوب والكلام ده محتاج حد فاهم من الدين عشان يقدر يقولها وبعدين لما نشوف حد منهار لازم نقف جمبو حتى لو عمل كبائر ف كما تدين تدان يعنى زى ما كلامك كان قاسي عليها ممكن حد كلامو يقسا عليكى
تم النشر الاثنين، ١٨ ديسمبر ٢٠٢٣
ياريت تردي عشان امسحه بعدها
تم النشر الاثنين، ١٨ ديسمبر ٢٠٢٣
ولايهمك
تم النشر الاثنين، ١٨ ديسمبر ٢٠٢٣
ايوه اعملي واسفه علي التاخير 🤍
تم النشر الاثنين، ١٨ ديسمبر ٢٠٢٣
منة حسام مش هينفع انزل رقمى هنا 🫣 اعمل انستا وابعتهولك؟!
تم النشر الاثنين، ١٨ ديسمبر ٢٠٢٣
شهد محمد حضرتك مع احترامي ليكي يعني انتى لايف كوتش وخبيرة علاقات اسم بس لان انا شخصيا كومنتك كان غريب بالنسبالى وللعلم انا بحفظ قرآن وبعمل حاجات خير وبدرس ف مجال التخاطب وبساعد اطفال وبعمل حاجات بيني وبين ربنا خير مش هقولها اكيد وربنا يبعد عنا الرياء وقلبي لين الحمدلله وبصلي وبيجي عليا فترات بصلي قيام وبصوم يعنى بحتسب كل دا باب بيني وبين ربنا يمكن ارجع منه واتوب وهو ربنا رحيم عليا من اى حد + هو انا مش داخله اقول ان معملتش حاجه انا داخله اقول حد يساعد وتقولى لاحد ان بيعمل غلط لما يكون هو بيجادل مش لما يكون هو معترف ومحتاج حد يدله ع الطريق الصح .. الرسول عليه أفضل الصلاة والسلام كان بيهدى وبيرشد كفار وكان بالين وفيه اللى قتل ٩٩ شخص ولما راح لشيخ قاله تتوب اى وقفل ف وشه باب التوبه راح قتله وبقا ١٠٠ وكان بيدور ع حد يدله وتاب وربنا غفور رحيم ربنا نفسه بيغفر الكبائر ماعدا الشرك بالله خصوصا انى مش بصر علي الغلط والذنب انا بجاهد نفسي لكن فيه ظروف بتخليني ارجع لورا تانى وشكرا لنصيحتك بردو ونصيحه ليكي يبقا اقولى اللهم عفينا لنا تلاقى حد واقع ف ذنب عشان ممكن ربنا يعافي الشخص من ذنبه ولاقدر الله يبتلى بيها الشخص اللى اغرته طاعته لربنا وربنا يهدينا جميعاً
تم النشر الاثنين، ١٨ ديسمبر ٢٠٢٣
منه حسام الكلام ال قولته لا ردود غبيه ولا قله ذوق دا منطق يا سكر اولا مينفعش يكون حد عمل كبيرة من الكبائر ونقوله طمن قلبك انت في امان احنا كدا يبقي بنستعبط ال عمل غلط بنقول انت عملت غلط ولازم يتصلح مش هقول مبررات لغلطه ده بلص أنا مكلمتهاش جامد دا انا قولتلها توبي تد وأديتها خطوات عمليه لكدا وبعدين قولتلها اتكلمي مع حد عارف في الدين هيفيدك اكتر عشان الموضوع عندها بقا مرض هيفدوها اكتر الانو اتكرر اكتر من مرة بلص أنا لايف كوتش وخبيرة بالعلاقات وفاهمه كل كلمه قولتها اقصد بيها اي
تم النشر الاثنين، ١٨ ديسمبر ٢٠٢٣
اكيييييد يعنى ابعتيلي رقمك
تم النشر الاثنين، ١٨ ديسمبر ٢٠٢٣
منة حسام ممكن اتواصل معاكى لو ينفع ومش هتدايقى🥺
تم النشر الاثنين، ١٨ ديسمبر ٢٠٢٣
ده علي أساس أن هى مش عارفه انها عكت ف حضرتك بتنبهيها ؟ حاجه غريبه والله
تم النشر الأحد، ١٧ ديسمبر ٢٠٢٣
اقعدي مع حد أمام مسجد مثلا لانك دخلتي نفسك في حوارات كبيرة و صعبه في ز.ن.ا في الموضوع باين فتكلمي مع حد في الدين تثقي فيه عشان يبقا معاكي وتوبي وتوبي
تم النشر السبت، ١٦ ديسمبر ٢٠٢٣
معلش الكلام لاي حد هيقراء مشكله البنت دي ...بص الموضوع بدأ بس انها كلمت واحد الموضوع بدأ بحاجه في نظرنا بسيطه وانتهي بحاجه بشعه انتهي يإنها خسرت دينها وقلبها وحياؤها وخسرت صحابها واختها والأهم خسرت دينها ال أن شاء الله هترجعه ... فيعني متستهونش بالغلط البدايه خطوه والنهايه كارثه ... ولاتتبعوا خطوات الشيطان.... ولا تقربوا الزنا ... ربنا قال ولا تتبعوا خطوات وقال ولا تقربوا يعني القرب بس لأ فنتبه بقا واثلا لما بنسيب الحبل لنفس البشريه بتعمل حاجات محدش يتوقعا وانتكسات رهيبه فاتقوا الله وربنا يهدينا جميعا
تم النشر السبت، ١٦ ديسمبر ٢٠٢٣
ابدايها بركعتين توبه ونيه خالصه لله ابدايها بقران وصيام وقيام ليل ابدائيها بالحجاب الشرعي ابدايها بذكر طول الوقت ابدايها بعمره ايديها بصدقه ابدايها بسم الله ربنا ممكن يتقبلك بس توبي قبل فوات الاوان اسمعي قران ابعدي عن الاغاني التزمي بدين و متبصيش لنفسك ولا تهتمي هي عايزه اي قد ما تهتمي ربنا امرك بأيه
تم النشر السبت، ١٦ ديسمبر ٢٠٢٣
يخربيت كدا بجد 🙂 انتي عكه الدنيا خالص يا بنتي علي الاخر بجد انا خفت عليكي من عذاب ربنا ليكي ربنا يهديكي .... لسان عاجز عن الكلام بجد مش عارفه اقولك تعملي اي جاي في بالي ايات من القران بس دلوقتي ،وَاللَّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمًا ..توبي توبي توبي يابنتي توبي انت ممكن تموتي في اي لحظه توبي توبي اظبطي نفسك
تم النشر السبت، ١٦ ديسمبر ٢٠٢٣
لعرض السؤال في فدني اضغط هنا