السلام عليكم، هحاول أجاوب على أسئلتك لكن طبعًا الأفضل إذا عندك أي سؤال محتاجة تعرفي فيه حكم الشرع القطعي بحلال أو حرام تتواصلي مع دار الإفتاء، بإمكانك تبعتي سؤالك لهم على موقعهم عن طريق البريد أو الهاتف، وهيقدروا يجاوبوا بتفصيل أكبر. https://www.dar-alifta.org/ar/services *** 1- بالنسبة للسؤال الأول فمش لازم تكذبي، ممكن تتوهي في الكلام أو تتجنبي الرد عمومًا أو لو حسيتِ إن الحوار متجه للمسألة اللي مش عاوزة تتكلمي عنها تغيريه أو تنهي الحوار بأي عذر. ** 2- بلاش عطر، مش بس عشان نقطة الحرمانية... أصلا لو وضعتِ عطر على شيء رائحته عرق أو كريهة النتيجة هتكون سيئة للغاية، الرائحتين بيختلطوا وبينتج رائحة منفرة أكثر فبلاش عشان السببين... وعشان ميحصلش لخبطة وتضطري تغيبي أو تحتاري تعملي إيه، يبقى تعملي حسابك في جدول منظم لأسبوعك وتخصصي يوم لغسيل ملابس المدرسة.. اعملي تنبيه عشان يفكرك... التخطيط بيوفر عليكِ كتير. ** 3_ بالنسبة لموضوع التأمين، فبلاش مقدرش أفتي بحرمانية... لكن فيه كذب في الموضوع وفيه فلوس مش من حق الشخص التاني ياخدها فالأفضل تنأي بنفسك عن الشبهات. حاولي تتحملي أيام المدرسة، حتى لو شايفاها تضييع للوقت فأنتِ ممكن تغيري ده وتستفيدي من الوقت ده لو عرفتِ تديري وقتك كويس وتضعي خطة للاستفادة من الوقت اللي بتقضيه وانتِ في طريقك للمدرسة وانتِ هناك وكمان وانتِ مروحة منها. *** 4- يجوز على فكرة صلاة المرأة في مكان عام مكشوف حتى لو الناس بتعدي فيه ومش بتصلي وانتِ قاعدة لأن القيام ركن واجب في الصلاة.. بتصلي عادي والذنب على الشخص اللي هيعدي ومش هيغض بصره عنك. ممكن تقرأي الفتوى دي: https://www.islamweb.net/ar/fatwa/14234/صلاة-المرأة-في-الأماكن-العامة ** بالنسبة لوالدك، ممكن تتكلمي معه إنك بتخافي عليه وعلى صحته وممكن تنبهيه إنه لو عاوزك تحافظي على وعدك فلازم هو الأول يكون قدوة ويحافظ على وعده لوالدتك. *** بالنسبة لأصدقائك ونصحهم إذا رأيتِ سلوك خطأ أو حرام، فاختاري أسلوب لطيف في النصيحة بحيث لا يبدو إنك تتعالي عليهم أو بتحسسيهم إنك أفضل منهم. لو نصحتِ مرة خلاص، أنتِ بلغتِهم وخلصتِ ضميرك ويرجعوا لهم هم الأخذ بالنصيحة أو لأ، أنتِ غير مسؤولة بعد كده. *****
شكراً لحضرتك
تم النشر الأحد، ٢٣ مارس ٢٠٢٥
لعرض الإجابة في فدني اضغط هنا