انا اخدت خطيبي عن حب وعافرت كتير اوووي لحد ما وصلنا للمرحلة دي كان الاول بيتمنالي الرضا وكان بيحاول يفرحني بعد موت بابا فقدت شغف ودخلت ف اكتئاب وسبنا بعض سنة ورجعنا واتخطبنا علي طول لما جينا ف الاتفاق خالي مقالش حاجة قالهم مش عايزين بعض علي البركة حصلت مشكلة علي الشبكة وعديناها وقرينا فتحة واتخطبنا بعد الخطوبة ماما عرفته الي المفروض يجيبه بدا يتغير معايا جدااا بقي بيجيلي كل 3 شهور بعد ما كان بيجيلي علي طول كل خروجة معاه لازم نتخانق بيتلكك ليا علي اي حاجة بقي بيبخل عليا وانا معاه في موقف حصل مش قادرة اتخطاه الجذمة بتاعتي اتقطعت سابني ماشية ف المول وهيا مقطوعة ويقولي اسندي عليا قربنا نطلع برة ونركب ونروح مكنش كدة مش عارفة دا طبعة من الاول ولا انا مصدومة دلوقتي الاجهزة راح اشتراها لرحدة مخدش رأيي في حاجة خالص وحصل مشكلة كبيرة وماما وقفتله وقالي العفش زي مانتي عايزة هجيبهولك اختارت العفش وانهاردة بيفاجئني انة مش هيجيب العفش دا مش في امكانياته انا مشفتهوش بقالي 4 شهور حاسة ان مش دا الي اختارته تعبت اووووي في العلاقة دي صعبان عليا للسنين دي كلها انا اختارته وسايبة ماما وانا بنت وحيدة عشانه ورايحة بلد تانية حاسة اني خايفة مش دي الحياه الي بتمناها مش عارفة اختارت غلط ولا هوا كان كدة من الاول من ساعة ما اتخطبنا بقي شخص تاني خالص 💔كل الي حواليا لاحظ دا حتي في الزعل مبقاش يهمة زعلي ولا بقي بيحاول يصلح اي حاجة بقيت احس اني مش مالية عينة دلوفتي اتخنقت معاه قلتلو اني مش هقبل الا بالعفش الي اختارته قالي دا الي ف امكانياتي قلتلو وانا مش هتنازل تاني عن اي حاجة كفايا تنازل ضحك باستهزاء قالي تمام قلتلو شوف واحدة تقبل بالعفش دا قالي حاضر هشوف وقفلت ف وشه ومسحت كل حاجة ليا فيس وواتس حاسة اني تعبانة اووووووووووي كنا كويسيين اوي قبل خطوبتنا كان اي حد بيحلف بحبه ليا حاسة ان قلبي اتكسر اووي حتي بقالة 4 شهور مجاش ولسة قايلي انة مقصر معايا وانا مستحملة دا بس انا استحملت كتير ابسط حقوقي انه يجي ليا مبقاش يجي حاسة اني مش مخطوبة وطول الوقت لوحدي مش عارفة اعمل اي اكمل ولا ابعد كل حاجة معايا بقت لوي دراع حاسة اني اتهنت اوووووي مش عارفة انا غلط ولا اختياري هوا الي غلط ولا اني اتنازلت وسامحت كتير غلط
آسفة على اللى هقوله بس أولا العلاقة اللى مترضيش ربنا مش بيبارك فيها انتى بتقولى انكو أخدتو بعض عن حب .. معنى كدا انكو اتكلمتو بدون رابط شرعى ثانيا العلاقة اللى تخليكى كل شوية تقدمى تنازلات وبتهينك وتقلل منك متلزمناش لما كل دا حصل ف الخطوبة أومال بعد الجواز هيحصل اى هو ف الاول بينلك انه أحسن حد بس بعد كدا بانت عيوبه .. فترة الخطوبة عشان كدا كل واحد يعرف عيوب التانى ولو مش مرتاحة انسحبى وكل شئ قسمة ونصيب
تم النشر الأحد، ٢٥ أغسطس ٢٠٢٤
أفهم تمامًا ما تمرين به، وأشعر بمعاناتك وصعوبة الوضع الذي تواجهينه. العلاقات العاطفية تتطلب التفاهم والاحترام المتبادل، وعندما تشعرين بتغير في سلوك شريكك بهذه الطريقة، فإن ذلك يمكن أن يكون محبطًا ومؤلمًا. عليكِ أولاً أن تراجعي مشاعرك وتفكري في الأمور التالية: التواصل المفتوح : حاولي التحدث معه بصراحة عن مشاعرك. اشرحي له ما تشعرين به وما تريديه من العلاقة. التواصل هو المفتاح لفهم كل منكما لاحتياجات الآخر. تحديد الحدود : إذا كنتِ تشعرين بأنكِ قد تنازلتِ كثيرًا، حددي لنفسك ما هي الحدود التي ترغبين في عدم تجاوزها. من المهم أن تكوني واضحة بشأن توقعاتك. قيم العلاقة : فكري في القيم الأساسية التي تودينها في شريك حياتك. هل هذه القيم متوافقة معه؟ هل يشعر بالاهتمام تجاهك؟ استشارة الأهل أو الأصدقاء : في بعض الأحيان، قد يكون من المفيد التحدث إلى شخص تثقين به للحصول على نصيحة خارجية. ربما يمكنهم تقديم وجهة نظر جديدة. مراجعة العلاقة : إذا استمر الوضع على ما هو عليه دون تحسن، ربما عليك أن تعيدي التفكير في مستقبلكما معًا. هل يمكنك الاستمرار في علاقة لا تحقق لكِ السعادة والراحة؟ في النهاية، علاقات الحب تحتاج إلى جهد من كلا الطرفين، فإذا لم يكن هناك هذا الجهد أو الرغبة في تحسين الأمور، ربما يكون من الصعب المضي قدمًا. استمعي إلى نفسك، وتأكدي من أنكِ تستحقي علاقة تحترم مشاعرك واحتياجاتك.
تم النشر الأحد، ٢٥ أغسطس ٢٠٢٤
طيب وليه الهم ده كله؟ يعني ما زلتِ على البر وبتسألي تعملي إيه؟ مش شايفة كل الإشارات اللي بتقولك تلحقي نفسك قبل ما تتورطي أكثر؟ حتى لو كنتم بتحبوا بعض زمان فواضح إنه يا إما مكنش بيحبك يا إما الحب ده تبخر بعد ما انفصلتم أو هو تغير. أيًا كان السبب فهو دلوقتي تغير ومش بيحب... اللي بيحب مش هيعذب اللي بيحبها ويعاملها زي ما انتي كاتبة كده. كمان انتي بتقولي بيقعد شهور مش بيزورك... فأنا مش عارفة ليه الخطوبة مطولة قوي كده. من الآخر في علامات إنذار كتير وإشارات خطر بتقولي وقفي هنا قبل ما تتورطي أكثر وتندمي بعد فوات الأوان. العلاقة المؤذية مفيش فايدة إني أفضل متمسكة بها... عززي نفسك وحافظي على الباقي من كرامتك وانقذي مستقبلك. إن شاء الله ربنا يكتب لك الخير ويرضيك به.
تم النشر الأحد، ٢٥ أغسطس ٢٠٢٤
محدش يقدر يقولك استحملي انتي علي البر والخطوبة فتره تعارف عشان نشوف هنعرف نتأقلم مع بعض ولا لا هعرف اتأقلم مع عيوبه زي ما هيبقا متأقلم مع عيوبي وبنكمل بعض ولا لا كمان بتقولي الحاجه بقيت معاه لوي دراع وانك بتتنازلي كتير وحاسه انك اتهنتي طيب بالله هتكملوا ازاي العلاقه محتاجه تضحيه وتنازل من الإتنين مش منك بس واساس العلاقه الحب والاحترام والتقدير يبقا مقدر اللي بتعمليه واحترامكم لبعض متبادل كمان انتي هتكوني شريكه حياته يعني ياخد رأيك ويشاركك افكاره مش تتناقشوا ويعمل اللي عايزه وبلوي الدراع كمان بصي محدش برضو هيقدر يقولك سبيه انا هقولك راجعي حساباتك لان اختيار واحد غلط بنندم عليه عمر كامل والعكس
تم النشر الأحد، ٢٥ أغسطس ٢٠٢٤
لعرض السؤال في فدني اضغط هنا