السلام عليكم ورحمة الله وبركاته
من فترة وجيزة كان ليا مشكلة مع صحابي خناقه وانا فيا طبع شويه ضعف شخصيه علطول بداريه بالصوت العالي في الكلام واني اغطي على اللي قدامي بس فيه حاجه مبعرفش ارد على الحاجه في وقتها وده اللي يمكن بيخليني قدامهم لا انا اللي غلطانه وده بالتالي بيؤدي إلى اني اتعصب جامد عليهم وبالتالي بردو بيغلطوني اكتر بسبب اسلوبي مع اني صاحبة حق.
انا ممكن حد يقولي كلام وانا عندي الرد المؤكد ليه بس وسط الانفعالات والتوترالرد بيتوه من بالي فبالتالي اللي قدامي بيغطي عليا في الكلام ويغلطني وبردو باخد من الغلط جانب لما ابدأ اواجه الموضوع من نقطه تانيه وهي الانفعال
انا عندي 22 سنه والموضوع اصبح مزعج نفسيا ليا من كلام اللي حواليا الموضوع شويه سايب أثر لأن من ورا المشكله دي أنا نهيت علاقة صداقه متغلطه فيها مع اني عندي الرد لكل حاجه حصلت بس اوقات بحس اني بضيع حقي بنفسي لما مبقدرش اتكلم والموضوع كتير بيتكرر حتى لو في مواقف حديث عاديه يبقى على لساني حاجه مناسبه انها تتقال او عاوزة اقولها واقول لأ بلاش.. لي بيحصل كدا واقدر اعدل ازاي من ضعف شخصيتي خصوصا قدام ناس عارفه عني اني طيبه وللأسف هذه صفه مذمومه في العصر الحالي وده بجد محدش بيقدر ويفتكر المعروف آه بنعمل الخير ونرميه في الحر انما مؤكد بتفرق في نفسيتنا اننا كنا مستنيين رد فعل من اللي قدامنا ومعملهوش مع اني عملت كتير! فممكن يتم الاستهتار بيا بشكل غير مباشر ومفهمش الكلام الا بعد ما الوقت المناسب للرد يعدي!
ساعدوني وشكرا
فكرة انك بتنسى كلام إلى كنتى المفروض تردى بيه وتفتكريه بعد ماالموضوع يخلص دة عند الاغلبيا مننا بصى الزمن إلى احنا فيه دة للاسف لو لاقو إلى قدمهم طيب بيكلو بمعنى كلمة لاكن لما توقفى كل واحد عند حدو وتخدى موقف لما حد يزعلك اوكدا سعتها هايعملك حساب ويخاف لاكن ردك يبقى بكل أدب تردى متغلطيش نفسك انا زيك كدا بس قعدو يقولولي الزمن مش محتاج الطيبة او بمعنى مش كل الناس ينفع معها الطيبة لانى بيشوفها ضعف ولو عرفو ضعفك يبقا خلاص هما عرفوك وهايتمادو
تم النشر الاثنين، ١ أبريل ٢٠٢٤
وعليكم السلام ورحمه الله وبركاته بصي يا قمرايه يعني. لما يكون في دلوقتي موقف انت عارفه انك غلطانه فيه في اقصر الطرق هي الاعتراف بالغلط. طيب لو انت عندك مشكله انك تعترفي بغلطك بهدي المشكله الاساسيه هو انا ليه متضايقه ان انا دلوقتي بيغلطوني هل علشان انا بس عايزه ابرر الغلط ده لا هو الغلط غلط خلاص حتى لو له سبب او لو كان انا عندي دافع خلاني اقع في الغلطه دي ولكن اقصر الطرق اللي بتنهي الخناقات اللي بتودينا للسكه الافضل هو لو انا عارفه ان انا دلوقتي غلطان في الموقف ده في اول حاجه ابدا بها الكلام عشان اهدى انا شخصيا واللي قدامي كمان يكونوا اهدى ويقدروا يسمعوني. اني اقول انا عارفه ان انا غلطانه بس انا محتاج ان انتم تسمعوني. لان اللي قدامك مش هيقدر يسمعك لو هو عارف انك بس بتتكلمي علشان تقولي انا مش غلطانه فده بيصعب جدا الموضوع.
تم النشر الاثنين، ١ أبريل ٢٠٢٤
طب اعمل ايه ما انا ممكن فعلا يبقى عندي مشكلة او محتاج مساعدة لكن مش عايز افتي في حاجة ومش عايز اكتب اجابة زي دي عشان مزعجش صاحب السؤال
تم النشر الأربعاء، ٣ أبريل ٢٠٢٤
اسف اني بخرج عن الموضوع لكن انا مش عارف انشر سؤال على التطبيق وبيقوللي لازم اكتب اجابة على سؤال احد الاعضاء هو ده عند الكل واعمل ايه لو معنديش اجابة ؟
تم النشر الثلاثاء، ٢ أبريل ٢٠٢٤
عليك بكثرة الذكر كل ما تذكري ربنا كتير كل ماتبقي أهدى،ولما تيجي تتكلمي متاخديش الموضوع على أعصابك واعرفي انه مش نهاية العالم متديش الناس اكبر من حجمها ولا تدي المواضيع اي اهتمام،حطي فدماغك انه اهم حاجة نفسك وروقانك مش مهم يفهموا اي كده كده رأيهم فيكي مش هيزودك ولت هينقصك فخليكي هادية وريلاكس وزي ماقولتلك قربي من ربنا اكتر هتلاقي نفسك هادية اكتر ومزاجك رايق واقرأي قرآن كتير بجد القرآن دع اكتر حاجة هتهديكي وتهدي أعصابك وهتخلي اسلوبك جميل مع الناس تلقائيا واستغفري ربنا كتير وفي حيلة حلوة لما تيجي تدافعي عن نفسك عدي واحد اتنين تلاتة فمخكوابدأي اتكلمي براحة عشان تبقي مستوعبة اللي بتقوليه وانت زي القمررر متزعليش نفسك بإذن الله تتحل❤️❤️🥰
تم النشر الاثنين، ١ أبريل ٢٠٢٤
لعرض السؤال في فدني اضغط هنا