بقالي فتره عصبيه جدا برغم ان بحس جوايا مش حاسه بأي حاجه لا فرح ولا حزن ولا عاد فارق معايا حاجه بس عصبيه جدا مش عارفه اتحكم فإنفعلاتي برغم اني شخص يعني طبعه هادي لحد ما بعرف اتحكم فأعصابي بس بقالي فتره حساني بخزن جوايا وبمجرد علي اتفه موقف اتعصب مش عارفه اتعامل مع حد حاسه الناس كلها حمل عليا مش عارفه اتعامل معاها أحيانا بحسني مش قادره اواجهم ولما بواجهم انهم مقصرين معايا بيقلبوا الطربيزه عليا ودا بيخليني مش عاوزه اعاتبهم ولا اتكلم معاهم مش عارفه انا فإي بس الفكره ان حتي وانا مش حاسه بأي حاجه مش حساني مبسوطه عشان برضه حساني لوحدي ولو حكيت محدش هيفهمني واكتر حاجه هتتقلي لما احكي ما كلنا كدا او حد احكيله حاجه يقولي دا انا كمان عندي المشكله وهنركز علي مشكلته وانسي انا كنت جايه احكي واتكلم فإي فبقيت بختار السكوت والاختفاء عن الناس يمكن بحس براحه بعيد عنهم برغم اني شخص اجتماعي ولما بقابل اي حد فالواقع بنسي كل دا وبضحك وبهزر ولا كإن في حاجه بس مش عارفه جوايا جزء كبير مش مرتاح مش عارفه اعمل اي ومش عارفه انا فإي برضه بس محدش فاهمني ويمكن دا الجزء الاكبر اللي بيخليني اختفي ومش عاوزه اكلم حد لان محدش بيفهم او محدش عاوز يفهم
فى البداية كده.من الواضح أن حضرتك شخصيه اجتماعيه ولكن فى فتره مرت عليكى سببت التوتر وحالة العصبيه وانك بتحاولى انك متتكلميش مع حد ده برضوا ممكن من آثارها .انتى اكتر حد ممكن يعرف ايه اللى وصلك لكده. ولو مش قادرة تتكلمى مع حد ممكن تكتبى كل اللى جواكى باستمرار واكيد لما هتعملى الخطوة دى هتفرق معاكى جدا . اكتبى انتى متضايقة ليه وايه المواقف اللى بتزعلك وايه الحاجات اللى لما بتعمليها بتهدى وبتكون نفسيتك احسن لازم تخرجى من الحاله اللى وصلتى ليها لكن تخرجى وتكونى قويه . لو ليكى أحد من أقاربك أو صديقه مقربه اتكلمى دايما معاها ده هيخفف عنك كتير. لو مارستى رياضه هتخرجى فيها طاقتك وكمان حالتك النفسية هتكون افضل ودايما افتكرى أن ربنا معاكى فى كل خطواتك وبيساعدك .المهم تكونى قوية وواثقة من نفسك وتتأكدى انك هتقدرى🌷
تم النشر الخميس، ٢٠ يونيو ٢٠٢٤
السلام عليكم ورحمه الله اهلا بيكي من الواضح انك بتمري بضغوطات و تراكمات انفعاليه، و دا اللي مسبب ليكي العصبيه الزياده الفتره دي. و عندك حق لما تقولي مشكله انتي حياه و تلاقي قلب ترابيزه عليكي بس ممكن تتواصلي معاهم تواصل فعال بدون انفعال و بدون تتكلمي بشكل غير لائق لأن ساعتها الترابيزه هنتقلب عليكي و مش هتوصلي لحد غير المزيد من المعاناه ممكن تكتبي الكلام اللي جواكي في ورقه لتتخلصي من الاحزان بداخلك. ممكن تمارسين تمارين الاسترخاء و التنفس العميق هتلاقيه علي اليوتيوب هيساعدك انك تكوني اهدأ و حجم الاستثاره الانفعالية يقل مارسي رياضه ستساعدك ف إفراز هرمونات السعاده و هطلع كل الطاقه السلبيه اللي جواكي. و تواصلي مع مختص لو عملتي دا كله و لسه حزينه ، هيساعدك اكتر في الخروج من هذه المحنة. اهم شئ إياكي و العزله لأنها هتزود المعاناه، اعملي حاجات بتحبيها في يومك و تواصلي مع أشخاص تاني و ابني علاقات أخري. الله يوفقك و ييسر لكي امرك.
تم النشر الجمعة، ٢١ يونيو ٢٠٢٤
تم النشر الجمعة، ٢١ يونيو ٢٠٢٤
يا حبيبتي، باين عليك إنك بتمرّي بفترة صعبة ومشاعر معقدة. دي حالة مش سهلة، ومتطلبة منك شوية وقت واهتمام بنفسك. خلينا نجرب نفكر مع بعض شويتين: أفهم مشاعرك: واضح إنك تحت ضغط كبير وممكن يكون السبب تراكم مشاعر وحاجات مأسورة جواكي من فترة طويلة. ممكن تكتبي مشاعرك على ورقة، دا بيساعد كتير في ترتيب الأفكار. التنفس العميق والتأمل: جربي تقعدي في مكان هادي، وتعملي تمرينات تنفس عميق. دا ممكن يكون له تأثير كبير في تقليل العصبية والتوتر. الرياضة والحركة: حاولي تخصصي وقت يومي للمشي أو القيام بأي نشاط بدني. الرياضة فعلاً بتساعد في تقليل التوتر والتخفيف من المشاعر السلبية. التواصل: لو حاسة إنك مش قادرة تتكلمي مع الناس اللي حواليكي، ممكن تفكّري في التحدث مع مختص نفسي. أحياناً يكون خبير مستقل هو أفضل حد يفهم ويديك نصائح مفيدة. الدعم: اتواصلي مع حد تثقي فيه، مش بالضرورة تحكي له كل حاجة، بس مجرد وجود حد بيهتم وبيسمعك بشكل منفصل ممكن يكون له تأثير إيجابي. خصصي وقت لنفسك: خدي وقتك بعيد عن الناس، اعملي حاجات بتحبيها، زي القراءة، أو مشاهدة فيلم بتحبيه، أو حتى ممارسة الهوايات اللي تسعدك. قومي بعمل جدول يومي: تنظيم وقتك وجدول يومي ممكن يقلل من الشعور بالفوضى والتوتر. تفهمي إنك مش لوحدك، وكتر من الناس بيمرّوا بحاجات مشابهة، والمهم إنك تدي لنفسك الوقت والراحة اللي تحتاجيها. كلمني في أي وقت لو حسيتي إنك محتاجة نصيحة أو دعم. خليك قوية وإحنا معاكِ. 💜
تم النشر الخميس، ٢٠ يونيو ٢٠٢٤
دا اكتئاب
تم النشر الجمعة، ٢١ يونيو ٢٠٢٤
انا قريت قبل كدة ان دي اعراض اكتئاب فا لازم تشوف/ي دكتور يقدر يساعدك اكتر
تم النشر الجمعة، ٢١ يونيو ٢٠٢٤
اعملي يوجا وجلسات تامل وعندما تغضبين او تنفعلين استغفري ربكي كثيرا و احضري ورقه وقلم خططي جدول لاسبوع وحاولي ان لا تنفعلي خلال هذا الاسبوع وضعي لنفسكي مكافاه اذا ما اتممتي الجدول
تم النشر الجمعة، ٢١ يونيو ٢٠٢٤
ربنا يبشركم يجماعه 😂😂
تم النشر السبت، ٢٢ يونيو ٢٠٢٤
لعرض السؤال في فدني اضغط هنا