أنا شاب عندي 19 من صغري و انا كنت بصلي و بحفظ قران و كان عندي مبادئ لا يمكن كسره مهم كان الأمر لكن عندما كبرت و دخلت فتره المراهقه و بدت اشتغل و اصرف علي نفسي في أمور كتير انكسرت من مبادئ و بقيت شخص سئ في نظر نفسي اوي و الموضوع ده مش مخليني مرتاح و مش عارف ابطل الذنوب اللي بعمله حاليا حتي لما يرجع تاني اصلي و اقرأ القرآن بحس إن كل اللي أنا بعمله ده صفر علشان مش ابطل الذنوب فبقيت مستسلم للأمر الواقع و مش عارف اغير حاجه من شخصيتي للاحسن أو اشوف نفسي كويس الموضوع ده اثر عليا جامد و علي معاملتي مع الناس و اهلي و بقيت دائما مضغوط و شايف نفسي اني قليل و مش لاقي لحد دلوقتي حاجه تحل الموضوع و حاسس بذنب كبير جدا و حاسس اني شايل حاجه فوق طاقتي و زاد كمان عليه مشاكلي النفسية اللي موجود معايا من صغري و مش عارف اتخلص منه و ده بسبب أن الناس اللي حواليا مش فهمني و محدش قرب مني و ساعدني دائما شايفني في احسن حال حتي اهلي شايفني كده
من صغرك محطوط فى صورة انت مش مقتنع بيها بالشكل االكافى ...او ما اخدتش مساحة كافية للخطأ والتصليح وانت صغير ده خلاك مع اول متنفس تغلط ...وده فى الاصل الطبيعى فى فطرة الانسان ...يغلط ويرجع يصلح انت بشكل لا واعى متمسك بالغلط لان ده اللى بيثبتلك انك بقيت طبيعى لان محدش من اللى حواليك مديلك مساحتك الطبيعية فى انك تكون بتغلط او تعبان او عندك سقطات عموما فى اى وقت . لازم تكون فخور بطبيعتك وميهمكش حد ابدأ عبر عن احساسك بكل حالة انت فيها ....واللى ينكرها عليك وقفه وارفض انه يعمل كده ...قول انا اللى اتكلم عن احساسى بنفسى وبس انا تعبان ...انا محتاج ..انا غلطت ...انا وقعت ( كلها حاجات طبيعية ومش وصمة عار ) انا بخير ....انا مكتفى ....انا صلحت ...انا قومت ( كلها افعال طبيعية تخلى الانسان ثقته بنفسة تزيد ورد فعل تفخر بيه قصاد كل سقطة طبيعية بردوا )
تم النشر الاثنين، ١١ سبتمبر ٢٠٢٣
ممكن تحكي باستفاضة اكتر ايه هي المشاكل ديه بالظبط؟ يعني ايه سبب ده كله معاك وايه هي المشاكل اللي من صغرك؟
تم النشر الأحد، ١٠ سبتمبر ٢٠٢٣
انتكست وعملت ذنوب لا يمكن تتخيل انك تعملها ؟ بطلت صلاة ؟ -طيب ما ترجع ؟! ارجع تاني لربنا طول ما فيك عُمر ، طول ما فيه فرصة💚 ربنا قال" يَا ابْنَ آدَمَ إِنَّكَ مَا دَعَوْتَنِي وَرَجَوْتَنِي غَفَرْتُ لَكَ عَلَى مَا كَانَ فِيكَ وَلَا أُبَالِي يَا ابْنَ آدَمَ لَوْ بَلَغَتْ ذُنُوبُكَ عَنَانَ السَّمَاءِ ثُمَّ اسْتَغْفَرْتَنِي غَفَرْتُ لَكَ وَلَا أُبَالِي ."! هيقبلك مهما كانت ذنوبك وهيغفرلك ولايبالي لانه هو التواب وهو غافر الذنب وقابل التوب والتوب جمع توبه يعني مهما وقعت ورجعت هيقبلك 💚"!
تم النشر الثلاثاء، ١٢ سبتمبر ٢٠٢٣
لا لا ايك تستسلم اتت قوي وتكدر عله اي حاجه وانت عارف كويس مين الي بيكولك استسلم
تم النشر الاثنين، ١١ سبتمبر ٢٠٢٣
بص اول حاجه لازم تعرفها انك تقدر ع اي حاجه بس اول خطوه انك تاخد قرار بينك وبين نفسك خد قرار واوعد ربنا عشان تجبر نفسك انك خلاص وعدت ربنا وخلي عندك امل ويقين انك هتنجح وصدقني هتتغير خد القرار + لو الموضوع صعب اوي عليك ممكن تتابع مع دكتور نفسي الموضوع جميل جدا وهيساعدك والتعب النفسي زي اي تعب لا هو عيب ولا هو حرام
تم النشر الأحد، ١٠ سبتمبر ٢٠٢٣
لعرض السؤال في فدني اضغط هنا