انا عندي 17سنه بحب من سنتين واحد من طرف واحد بس هو عرف بسبب مشكله حصلت وحد راح قاله ولسه بحبو لحد دلوقتي وانا عارفه انو مش بيحبني .انا بعاني من مشكله ثقه في النفس وكمان انا مش اجتماعيه ومش بعرف اكلم الناس بحس اني وحشه ومستهلش حد يحبني هو انا فعلا محدش بيحبني بخاف انزل من البيت علشان نظرات الناس . بنزل ببان اني قويه بس انا من جوا ببقا عاوزه اعيط عمري ما اتحبيت مش مستنيه حب ولا اني ارتبط انا اصلا مش هرتبط حتي لو حد جيه بس نفسي اتحب حتي الي بحبو عمرو محبني ولا هيحبني كل يوم ابص لنفسي في المرتبه احس اني شكلي وحش وفعلا الشكل ده عمر ما حد هيحبه وعلتي مش عارفه اني عندي مشاكل في الثقه بالنفس سعات أو معظم الوقت اتخانق معاهم من غير سبب ومش ببقا طائفه نفسي وماما سعات بتقولي مين هيبصلك وانتي تخينه وببين قدامها اني عادي واقولها الف مين يتمناني ببقا عاوزه اكلم حد أو اكون صداقه نزلت برنامج عل الموبايل بكلم فيه ناس من برا البلد كل ما اكلم حد يبقي عاوز يشوف جسمي أو يتكلم في حجات وحشه وكرهت الموضوع ده محدش كان عاوز يكون صداقه معايه لحد ما يوم زهقت وواحد طلب صوره وقولت في سري طب ما لو بعتلو ممكن يبقي صحبي وفعلا بعتلو صوره لجسمي وابتديننا نتكلم في الحاجات دي بس انا كدا عملت حاجه غلط وانا عارفه انو ده غلط وندمانه ومش عارفه اعمل ايه عاوزه انتحر بس عارفه انو حرام ومستحيل اعمل كدا بس عاوزه اموت ومشكلتي انب بفكر كتير اوي بالذات قبل ما انام وومكن اعمل اي سيناريوهات في مخي علشان اهرب من الحياه اي أن كانت ايه هي السيناريوهات وبفكر كمان هل حد هيحبني أو هل حد هيرضي يتجوزني ولو اتجوزت هكون كافيه ليه ولا لا ولو الي اتجوزت ده اتجوز عليا أو كدا هيبقي ليه حق علشان انا مش كافيه انا عمري مكنت كافيه لحد او في الحياه انا مستهلش حاجه الي زيي ميستهلوش حاجه زهقت من كتر التفكير والسناريوهات الي بعملها كل يوم
السلام عليكم انا حاسه بيكى 🤍 هتكلم معاكى فى كل حاجه بصي يبنتى انا هقولك حاجه الحب من طرف واحد من اصدق أنواع الحب انك تتعلقي بحد وبالرغم من كده يكون من طرف واحد انا مريت بالتجربة دى واكيد غيرنا كتير انا برضو حبيت من طرف واحد بس هو محبنيش بالعكس ارتبط بصاحبتى وكانت عارفه انى بحبو بس يمكن تقولي هى كانت احلا بصراحه واحلا اوى كمان بس انا قولت زيك بالظبط أن العيب فيا مع أن الحقيقه ان مينفعش نفضل مجلد فى ذاتنا كده يبنتى انتى عند نفسك غاليه اوى لو فضلتى تقولي كل الكلام المؤذى ده لنفسك هتتعبي اكتر واكيد غظب عنك عيبان قدام الناس ويلاهوى لو حد عرف أن عندك قلة ثقه هياخد دى نقطة ضعف لكن لما تكونى قويه وواثقه فى نفسك مفيش حاجه هتعرف توقفك بالنسبة للولد الي فى الأول لازم تكونى مقتنعه أن مش لازم كل الي بنحبهم يحبونا وده شىء طبيعي مش لازم عشان الي قدامك حب غيرك ومحبكيش يبقا غيرك احسن منك ملهاش علاقه طب ليه الي بنحبهم مبيحبوناش ؟ عشان ربنا مخلي كل واحد بتفكير مختلف وقبل عملية الحب ما تحصل بيحصل عملية اعجاب وعملية الإعجاب دى محتاجه أن الشخص ينجذب لحد معين شايف فيه حجات مميزه الحجات المميزه الي فيكى غير الي فيا غير الي عند اى حد عشان كده كل واحد بيبقا حاطط فى دماغو حجات معينه مش لازم تكون فيكى وده مش عيب فيكى يعنى ممكن حد يكون عاوز واحده تقيله عليه يمكن انتى كنتى مركزه معاه بطريقه هو حس انك ممكن تكونى باينه اوى انك بتحبيه والولاد بيحبوا البنات الي كارفالهم انا شايفه أن موضوع الحب فى حياتك واخد مساحه كبيره وده اكيد بسبب انك فاقده حب من حد فى أهلك لان مفيش حد بيدور علي الحب كده من برا الي أن كان فقده وده اسوأ حاجه ممكن تحصل أننا ندور علي الحب من اى حد اى حد يحبنا نحبو طب ما يمكن مش خير لينا ؟ انا عارفه أن فيديوهات الحب والبنات الي حواليكى والاغاني الرومانسيه كل ده بيخلي عندك شعور انك تحبي وتتحبي لكن ربنا كاتب لكل واحد النصيب والله بدل ما تراقبي كل الناس وتقارنيهم بيكى استغلي علي تطوير نفسك انتى عارفه الولاد بتموت علي مين ؟ البنت النضيفه الي واخده بالها من نفسها الي واثقه جدا هيكون بيتجنن عليها عشان عارف انها صعبه عليه ومحتاج يعافر عشانها يبنتى لو كل الي حبيناهم حبنا مكنش ربنا قال إن الحب من طرف واحد ده شقاء لأن احنا بنتعب ارواحنا فيه حبي نفسك يبنتى واهتمى بيها خليكى حنينه وعوضي نفسك عن كل حاجه انتى عامله زى الي بيركز علي حبايه ويسيب باقي وشو المنور اهو انتى مركزه فى الحب وسايبه نعم كتير انتى تتحبي بس الي حواليكى مش فاهمين ده عشان محدش بيحب الناس الي بتفرض نفسها وبالنسبه للتطبيق الكلام امسحييييه وقريب من ربنا وبالنسبه لصورة جسمك أن الله غفور رحيم إنشاءالله متتكررش تانى مهما حصل لا انتحار ولا حاجه المنتحر خسران دنيا واخره وانشاء الله يارب تكسبي خير الدنيا والآخرة بالتوفيق يحبيبتى 🤍
تم النشر السبت، ٢ ديسمبر ٢٠٢٣
لا متقلقيش انتي محبتيش ولا حاجه ..وهقولك ازاي! انتي عندك مشكلة .. اللي هي ثقتك في نفسك المتدنية، لما ثقة الواحد بتكون بالشكل ده، مش بيكون حابب نفسه اصلا، ومش شايف ان اصلا ممكن حد يحبه، ممكن جدا يحاول يقنع نفسه بحب انسان تاني، ممكن يكون اساسا عمره ما كلمه، ولا حصل اساسا حوار. ولكن اقنع نفسه بانه بيحبه، قولتلك انك محبتيش لان مفيش حاجه بتتولد كده، مفيش حاجه اسمها حب من طرف واحد، فيه نقص لدى الشخص فيه مشاكل لدى الشخص، علشان كده بيكون عنده حاجه انه يتحب ويحب. ولا اكتر ولا اقل.. وده اللي دخلك في الدوامة اللي بعدها وهي الاختيارات العشوائية، زي ما يكون الواحد جعان ودخل السوبر ماركت وبياكل اي حاجه قدامه. انتي كنتي ف حالة جوع للحب والاهتمام، ف اختارتي انك تكلمي اي حد، لمجرد انه يقولك كلمه حلوة لمجرد انه يحسسك احساس حلو، ولا اكتر ولا اقل .. طيب بعد ما ابتدينا نفسر كل ده ... انتي هتعملي ايه؟ اول حاجه نفهم وندرك فعلا، تاني حاجه متكرهيش نفسك، اللي حصل حصل خلاص .. انتي غلطي .. اتعلمي بقى من اللي حصل .. اطلعي من الجو اللي انتي حابسه نفسك فيه، لانك حابسه نفسك في قوقعة مش عايزة تطلعي منها!
تم النشر السبت، ٢ ديسمبر ٢٠٢٣
شوفي مسألة الحب من طرف واحد لازم تنسيها لأنك كده بتعذبي نفسك، ومسألة الإنتحار كمان، وإنك تكوني صداقات مع ولاد!! من امتى وفيه صداقة بين ولد وبنت! قاعدتين عند الولاد: مبنتجوزش اللي بنصاحبها، ومفيش صداقة فيه صحوبية. سيبك من موضوع أصل أنا وحشة وأنا حلوة، في الزمن ده كلنا بندور على المحترمة المتدينة فقط، لأن جمالك مش هيفتح بيت! بالإضافة مين قال إن التخن عيب؟ متعرفيش الرجالة بتفكر إزاي إحنا معظمنا بيميل للمليانة أكتر من الرفيعة. سيبك من كل الأفكار دي إنتي صغيرة على التفكير في الجواز والكلام ده، ومتقلقيش لما يجي النصيب مش هيبص للي انتي فاكراه عيوب.
تم النشر الجمعة، ٨ ديسمبر ٢٠٢٣
لعرض السؤال في فدني اضغط هنا