الفتره دي يمكن اتغيرت مع ناس كتيره او بمعني اصح مبقتش قريبه من حد زي الاول بقيت ببعد من اقل سبب نفسيتي مش كويسه عايشه بضحك و بهزر بس جوايا حزن و اكتئاب مش عارفه اخرج منه مبقتش احب احكي مالي لاني اكتر الوقت مش ببقي عارفه ايه السبب بس ببقي مخنوقه كل فتره بتيجي تغير حاجه فيا مبقتش بهتم بوجود حد حتى أقرب الناس ليا مبقاش فارق معايا مين يسأل او لا مبقاش فارق معايا ولا لا ما هو كده كده مبقتش فارقه مكتفيه بنفسي رغم ان نفسي دي اكتر حاجه تعباني في الدنيا بقيت بفضل عدم كلام عشان بيظل و بيوجع في الاخر.
السلام عليكم .. انا معرفش انت حصلك ايه خلاكي تتغيري كده بس اي كان السبب الحل واحد ، و هو انك تاخدي هُدنه من كل حاجه .. من الحاجات اللي انا عرفتها مؤخرًا و ريحتني جدًا ان احنا عندنا مفهوم غلط مترسخ في عقولنا و هو ان لازم كل ايامنا تبقي ماشية عال عال و الاحداث سلسه و جميلة و الحقيقة هي عمرها ما كانت ماشيه كده ابدًا ، احنا ساعات بنبقي يوم طاقتنا 100% و ايام تانيه بتبقي طاقتنا 70% و ايام تانيه بتبقي 5% ساعات بنحس ان احنا عايزين نشيل الدنيا فوق كتفنا و نعمل اللي كل اللي نفسنا فيه و نبدأ نحقق احلامنا و ساعات تانيه بنقوم من النوم مش قادرين نحرك جفن عنينا من كتر التعب ( وانا هنا مش بكلم عن التعب الجسدي ) اللي انا عايز اقوله ان انتي ببساطه خالص محتاجه ترتاحي شويه ، تبعدي عن الناس حبه ، تعملي حاجه بتحبيها عشان ترجع لك شغفك تاني و تبقي مُتقبله الشعور بالحزن او الخنقه حتي لو كانت بدون سبب ، و هنا انا اقصد انك تعرفي انك بني ادمه و من حقك تزعلي لكن متخليش الشعور بالخنقه يسحلك و يودي دماغك لـ افكار سلبيه سواء عن مواقف في الماضي او التفكير في المستقبل .. يعني متقاوميش الزعل بس في نفس الوقت متتماديش معاه و تخليه يكبرلك كل تفصيله سلبيه و طبعًا القرب من ربنا ده الاهم .. لو انت مسلمه فـ متفوتيش قيام الليل ، صلي قيام ليل و ادعي .. ادعي باللي انت حاسه بيه ، طلعي اللي جوا قلبك لربنا والله ما هتندمي .. قيام الليل ياما عمل معجزات ده زائد بردو الكتابه علي الورق او حتي في الشات بينك و بين نفسك علي التليفون حتي ، ساعات مبنقدرش نقول كل اللي جوانا .. بس بعد لما تكتبي اللي جواكي حتي لو انت شايفاه عبثي جدًا .. هتحسي بعدها كأن صخره و اتشالت من علي قلبك ده بالاضافه كمان ان هي بتخلينا نكتشف حاجات جديده في نفسنا سواء حلوه او وحشه ، و الوحش منها بنقدر نلاقيله حل بسهوله بإذن الله بعد الكتابه بس يعني يارب اكون قدرت اساعدك ، ربنا يريح بالك . ❤️
تم النشر الأربعاء، ١٩ مارس ٢٠٢٥
بس كل ما احاول احب حد هم يبعدوا يسيبوني كل ما انا اتعلق بيهم وهم يسيبوني اكون انسانه ناجحه في حياتي بس مش عارفه ازاي نفسي الناس كلها تحبني وتقدرني ويبقى في قبول عايزهم يفهموني واحسوا بيا ويحسوا ان انا تعبت وانما مش قادره خلاص
تم النشر الأربعاء، ١٩ مارس ٢٠٢٥
أقدر ما تشعرين به، واحساسك بالمشكلة أول خطوة لحلها اقعدي مع نفسي وفكري كويس في الأسباب وهتوصلي اختاري ناس أهل للثقة وشاركيهم مشاعرك الإنسان ميقدرش يعيش وحيد كمان غيري نمط يومك واتعلمي مهارات جديدة واعملي انشطة مسلية ولو لسة مشاعرك سيئة بلاش تتردي في طلب دعم مختص
تم النشر الأربعاء، ١٩ مارس ٢٠٢٥
عزيزتي، أشعر بما تمرين به وأتفهم تمامًا مشاعرك. من الطبيعي أن نواجه أوقاتًا صعبة والشعور بالحزن والانسحاب من الآخرين قد يكون استجابة طبيعية لضغوط الحياة والتحديات النفسية. أولًا، يجب أن تذكري أن مشاعرك صحيحة ومشروعة. لا تحملي نفسك كل هذا العبء بمفردك، فالكثير من الأشخاص يمرون بفترة قلق واكتئاب وأنت لست وحدك في ذلك. من المهم أن تحاولي التعرف على الأمور التي تزعجك، حتى لو كنت لا تعرفين السبب الدقيق في البداية. قد تكونين بحاجة إلى التحدث مع شخص تثقين به، سواء كان صديقة مقربة أو أحد أفراد الأسرة، أو حتى مختص نفسي. الفرضية هنا هي فتح دائرة الحوار والتعبير عن مشاعرك بطريقة آمنة وصادقة. في بعض الأحيان، مشاركة الألم يمكن أن تخفف منه. أخيرًا، حاولي التركيز على أنشطة تبعث على السعادة وتساعدك في استعادة الشغف، مثل ممارسة هواياتك المفضلة أو الخروج في نزهة قصيرة. بشكل عام، من المهم أن تعتني بنفسك وتتذكري أن هناك من يهتم بك. إذا استمرت مشاعر الاكتئاب والقلق، قد يكون من الجيد زيارة مختص نفسي لمساعدتك على التجاوز. لا تترددين في طلب المساعدة، فالوصول إلى المساعدة علامة من علامات القوة.
تم النشر الثلاثاء، ١٨ مارس ٢٠٢٥
قربي من ربنا صدقاً ده الحل
تم النشر الأربعاء، ١٩ مارس ٢٠٢٥
لعرض السؤال في فدني اضغط هنا