مش قادره اتعايش مع فكرة موت ولدتي ولا بعد اقرب صحبه ليا مش قادره اتعايش مش عارفه اتخطي عدم وجودهم انا حقيقي حزينه ومفيش حاجه عاوزه تتصلح (بقيت مش عاوزه اتجوز خوف لحسن اخلف وبعدين اموت واسيب عيالي الدنيا تبهدلهم مش عاوزه اخليهم يشوفو اللي بعيش فيه بجد)
خدي وقتك في الزعل ولكن تأكدي انها في الاخر فترة وهتعدي .. لأن الموت ده قانون بيمشي على الكل .. ولو فكرتي في الموت بشكل تاني بأنه حياة اخرى .. وان اساسا هي ديه الحياة الحقيقية اللي موجودة في حياتنا واننا في الاخر كلنا ماشين .. القناعات ديه لما بتكون موجودة عند الواحد بتريحه شوية. بعد ما تاخدي وقتك في الزعل .. لازم تتحركي وتحاولي تعملي الاشياء بطريقة طبيعية من تاني في حياتك، ويستحسن لو تدخلي في حياتك اشياء جديدة تعمليها.
تم النشر السبت، ٨ يوليو ٢٠٢٣
و مش هتعدي و هتفضل توحشك بس هتعيشي عادي هتروحي وتيجي مينفعش الحياة تقف هي دي الدُنيا كُلها شقاء و الراحة في الجنة خدي وقتك فالزعل عادي لما تقرري تفوقي اقعدي فكري مع نفسك كده هل لو هي دلوقتي معاكِ هتكون مبسوطة بالحالة اللي انتِ فيها دي! اكيد لا فـ اقعدي جاهدي نفسك و اخرجي و لو لسه بتدرسي ذاكري عشان تحققي وتعملي انجازات وتكون فخورة بيكِ و خليكِ عارفة إنها في مكان احسن ان شاء الله تكون في الجنة اللي هو انتِ متخيلة ماما في مكان جميـل اوي محدش يقدر يوصفه ادعيلها واتكلمي عنها علطول دي ماما كانت بتعمل كذا وكذا و في الأخر كُلنا ربنا هيجمعنا مع اللي فارقونا كده كده هنشوفهم و برضو ده خيـر لـ مامتك يعني تخيلي كده لو كان جالها مرض مثلًا او هي كان عندها مرض اصلًا كنتِ هتستحملي تشوفيها وهي بتتوجع؟ كل اللي بيحصل خيـر، ربنا يربط على قلبك ويرحم مامتك ويغفر لها ويسكنها فسيح جناته آمين يا رب 🤍
تم النشر السبت، ٨ يوليو ٢٠٢٣
الموت علينا حق ودي من ثنن الحياه ادعيلهم كتير وان شاءالله تتجمعوا ف الفردوس الأعلى بعد عمر طويل ليكي بس متوقفيش حياتك هنا كملي علشان اكيد والدتك كدا مش هتكون مرتاحه
تم النشر السبت، ٨ يوليو ٢٠٢٣
عزيزتي، أنا آسفة جدا لسماع هذا الخبر المحزن. إن الموت وفقدان الأحباء من أصعب التجارب التي يمر بها الإنسان. لكن لا تيأسي، فالحياة لا تتوقف. أنتِ لستِ وحدك، فهناك من يحبك ويقف معك. خذي وقتك للحزن والبكاء، فهذا طبيعي وضروري للشفاء. ولكن لا تسمحي للحزن أن يسيطر على حياتك. أما بالنسبة للزواج والأولاد، فلا تخافي. فالحياة مليئة بالمفاجآت، وربما يرزقك الله بزوج يحبك ويقف معك، وأولاد يسعدون قلبك. لا تيأسي، بل افتحي قلبك للحياة من جديد. كوني قوية، فأنتِ امرأة قادرة. وتذكري أن الأيام ستمر، والجراح ستلتئم، وستجدي السلام من جديد. آمل أن تشعري بالأفضل قريبا. أنا معكِ.
تم النشر السبت، ٨ يوليو ٢٠٢٣
لعرض السؤال في فدني اضغط هنا