دلوقتى انا عندى مشكله ومش عارفه اكلم مع اهلي فيها لان مش عارفه رد فعلهم ايه خطيبي بقاله فتره متغير معايا اوووى بقيت احس انه مش طايقلي كلمه
لو اكلمنا ووسط الكلام قلت حاجه هبله مثلا يقولي الكلام اللي ملوش لازمه متقوليهوش فتحى دماغك لو قالي هينزل مثلا وكلمته سألته انت لسه مع صحابك يقولي لا واقف بطريقه رخمه وعصبيه اللي هو انت بتتعصب ليه دلوقتى يقولي م انتى بتسالي اسئله غبيه متنيل اعد معاهم اه واقفل وازعل منه ومش يجى يصالحنى لا ممكن بعدها بيوم يكلمنى يقولي حقك عليا لو ضايقتك واكلم معاه اقوله ان دى فتره وهتعدى لانه للاسف ساب الشغل ومش لاقي حاجه مناسبه ف بقا طول الوقت متعصب واجى أكلمه اواسيه او اساله انت احسن دلوقتى يقولي هو لازم تفكرينى انى مضايق ويتعصب ويزعقلي ويقولي اتتى بتضغطينى بكل كلامك اللي هو شيفاه كلام عادى ف قلتله طيب انا هسكت ومش هكلم اقولك انا مش همسك الفون اصلا عشان مش اكلمك ولا اقولك كلام يضايقك واعدت تقريبا يوم كامل مش بفتح او بتصل بيه ولا هو حتى اتصل بيا هو بعتلي رساله تانى يوم يقولي انتى شايفه اللي بتعمليه ده صح انتى غلط اقوله طب انت عايز ايه انا بحاول اقف جانبك بكل الطرق مش بيعجبك حاجه يقولي انتى مش بتعرفي تحتوينى ولا عارفه تعمليلى اى حاجه رغم ان الفتره اللي فاتت انا عرضت عليه انه ياخد حاجه من الدهب يبعها عشان بس يجيب مصاريفه رفض جدا وقلتله طب انا شايله فلوس ومش محتجاها خدهم واول مرتب يجي ادهملي ي سيدى بردو رقض واعدت اتحايل عليه عشان ياخدهم وف الاخر وافق وكان مبلغ عادى مش كبير وبعدها بردو كان مضايق كنت بنزل اجيب حاجه بيحبها سناكس حاجات حلو واقوله انزل خدهم واكتبله مسدج حلوه كنت بحاول طول الوقت اكون جانبه بس هو كان شايف انى مش بعمل حاجه عشان وهو يقولي سبينى لوحدى اقوله لا خلينى معاك نكلم يقولي عايزه تقولي ايه اقوله نقول اى حاجه يقولي احنا اكلمنا ف كل حاجه سبينى ولنا اسيبه شويه ساعتين تلاته مثلا يجى واجى اكلمه يقولي انتى عايزه ايه مش انتى سيبانى طول الوقت عايزه ايه منى دلوقتى بقينا كده بقالنا شهرين بنلف ف نفس الدايره ودى اول مره انا احب وفعلا بحبه وهو حقيقي محترم جدا وبيحبنى بس بيقولي انتى مش هارفه تتعاملي معايا وتحتوينى وانا عارفه اعمل ايه ولا حتى مواضيع افتحها عشان نكلم فيها من شويه بكلمه بيقولي اها الاسئله المعتاده انا حفظتهم اه اعد مع صحابي والجو حلو وهتسبينى اقعد معاهم خلاص اسطوانه حفظتها بقوله لا خلينا نكلم قولي يومك مشى ازاى يقولي مشي عادى طب صحيت امتى قالي هتفرق ف ايه وقالي بصى اقعدى مع نفسك وقت محترم كده شوفي طريقتك وطربقه تتعاملي معايا بيها
بصي الراجل بيحب الاهتمام و لكن مش بيحب حد يخنق عليه اللي هو روحت فين و جيت منين و بتكلم مين و مش بتكلم مين و يحب اللي قدامه يكون واثقه فيه ف انتي جربي كمان تقللي اهتمام شويه و بطلي سؤال هتلاقيه هو اللي بدأ بالكلام
تم النشر السبت، ٢٣ مارس ٢٠٢٤
انا بقرأ التعليقات 😂 كفيلة انك تقومى تفسخى ودا معناه حاجة متشاركيش مشاكلك مع اى حد
تم النشر الجمعة، ٢٢ مارس ٢٠٢٤
وشوفى هو بيحب ايه واعملية يعنى هو بيحب مثلا نوع حلويات معينه قوليلة عارفة انك بتحب الأكلة دى قولت اعملهالك فى يوم هانيه واقعدى قاعدة كدا افضلى مجدى فيه وقوليلة أن هو اجدع حد دخل حياتك وان هو وقف جمبك كتير وقد ايه هو شخص حنين وجميل ومسئول ودا اكتر حاجة بتحبيها فيه طبلى كتير لية الفترة وافضلى امدحى فية قدام اهلك ولو هو مثلا بيحب الحظاظات أو اى حاجة بسيطة هاتيهالو اعملى حركات نغشة كدا خلى الواد يطمن ليكى لان الفترة دى هو تايهة جداا
تم النشر الجمعة، ٢٢ مارس ٢٠٢٤
بصراحة وجودك هو بيبقى ضاغط علية لان ساب الشغل واكيد ملتزم بكلام وف وقت معين غير أن كمان الحياه صعبة ع الشباب وع الكل حاولى تخففى بمعنى بطلى تسالى شوية لما يكلمك حاولى تهونى بمعنى خليكى دمك خفيف هزرى ولما يكلمك قوليله ولا يهمك اكيد الشغل دا مش خير ليك وهتلاقى الاحسن حاولى تطمنية وكدا
تم النشر الجمعة، ٢٢ مارس ٢٠٢٤
بصي انا مدركه الموقف اللي انتي فيه اول حاجه انتي بتقولي ان التغير ده حصل بعد ما ساب الشغل فمن الاكيد والمحتمل ان هو يكون متضايق من الموضوع ده بس وي مش عاوزه يتكلم معاكي زي الاول او بيتهرب منك لانه يمكن يكون هو انسان مش بيحب يكون اقل من حد وي هو دلوقتي حاسس انك احسن منه ودليل علي ده انك انتي اللي بتعرض عليه الفلوس علشان تساعدي بس هو رفض وي يمكن عشان كده بيتهرب منك علشان ما تعرضي الفلوس عليه مره تانيه هو ممكن كان عاوز يشوف منك السند بس مش بطريقه دي مش بقول انك غلطانه لا بس كل ما في الامر ان يكون ده طبع في الانسان ده مش اكتر تمام دي حاجه تاني حاجه انتي لما تكوني عاوزه حد يهتم بكي متقوليش لحد او الشخص ده انت مش مهتم بيه لي لان هو اكيد عارف ده وي عارف انه مقصر معاكي الحل انك تعملي زي ما بيعمل معاكي عارفه انك عشان بتحبي وي خايفه علي زعلاه منك مش بتقدري تعملي ده بس الحل الوحيد انك تعملي اللي انا هقولك عليه بنفس الخطوات دي 1/لما يكون مع اصحابه ما ترنيش عليه تمام سوا اتاخر او لا تمام وي لو سالك متقوليش عشان انت بتزعل من ده عشان كده انا مرنتش عليك لا قولي اسفه كنت تعبانه اوي او التلفون فاصل شحن او النت قطع مش عارفه ليه من الصبح مش راضي بشتغل وي الرجل جه عمل النت الحمدلله وي او لما اتعمل قولت اكلمك علي طول دي حاجه 2/لما يغيب عنك يوم وي التاني انتي مش اول لما يرد عليكي تقولي انا كنت عامله ابعتلك رسايل وي بالي مشغول عليك وانت مش بترد عليا لا لانك كده كانك بتقولي انت ليه مش مهتم بيه هو من طريقه كلامك ان هو مش مقدر اي حاجه انتي بتعمليها وي دايما بيحسسك انك غلطانه لان هو انسان جدي وي ده اللي انا قدرت افهمو من كلامك فبكده هو بيحس انك انسانه مش ناضجة وي مش قادره تفهمي ولا حتي تحتوي لانك بتزعلي من حاجه زي كده وي بنسبه له دي حاجه تافهه جدا مش بقول ان ده مش من حقك ولا انتي غلطانه 3/لو عاوز يهتم بكي اول حاجه تحولي انتي تهتمي بي بس حولي انك ما تتكلميش في موضوع الشغل او حتي تذكري بي موضوع الشغل ده هقولك مثال : انتي دلوقتي انسانه جاهله وي انا عاوزك تتعلمي مش من المنطق اني اقولك اتعلمي بقا عشان متكونيش جاهله لا انا اقولك اتعلمي عشان تكوني احسن بس لو جيتي في يوم تعبتي مينفعش اقولك قومي اتعلمي عشان متكونيش جاهله لا لان انا عارفه انك ما فيش في ايدك حل هحاول اغير الموضوع وي انسيكي الموضوع شويه بس انا في نفس الوقت عارفه انك بتعملي اللي عليكي علشان تخفي بس مش عارفه كمثل شيلي كلمه جاهله وي حتى مش بتشتغل وي شيلي كلمه تعبانه وي حتى مش لاقي شغل اتمنى انك قدرت افهمك انا عاوزه اوصلك اي لو عندك اي سوال ممكن تسالي وانا جهاز اجوبك في اي وقت
تم النشر الجمعة، ٢٢ مارس ٢٠٢٤
معلش هو اكيد في فترة صعبة .. ولو هي طريقته معاكي كده بس الفترة دي علشان شغله .. معلش اعذريه واتحمليه. وحاولي تعرفي منه هو محتاج ايه بالظبط؟ افضل شئ تقدري تعمليه له انك تحاولي تدوري معاه على حلول .. يعني تشوفي له شغل .. ولو فيه حاجه محتاج يطور نفسه فيها ممكن تدعميه بكورسات او تدريبات وهكذا .
تم النشر السبت، ٢٣ مارس ٢٠٢٤
اساس الارتباط المودة والرحمة والتفاهم من البداية هي فترة خطوبة لماذا لكي يتعرف كلا علي الآخر فإن كان هناك توافق روحي وعلمي وثقافي كانت الزيجة ناجحة وغير ذلك صعب استمرار نصيحتي قرارك بيدك افضل لكي أن تفسخي الخطوبة لانه علي الأقل ليس هناك توافق في الحوار بعد الزواج هايحصل ايه
تم النشر الجمعة، ٢٢ مارس ٢٠٢٤
الرجل التحبي حد يخاف على زعلك يقدرك في غيابك قبل وجودك هو دي رجل لي تحبي يبقي شخص طيبة يكون بيصلي عرف ربنا
تم النشر الجمعة، ٢٢ مارس ٢٠٢٤
بصى يا قمرايه هوا كده لا مقدرك ولا بيحبك لان اللى بيحب حد بيحترمه ويحترم مشاعره زى مانتي بتعملى كده عماله تجيبى فيه شمال ويمين عشان تقفى جمبه تشاركيه همه وهو ولا الهوا فزى ما قلتلك اسألى نفسك السؤال ده هل هتحبى تعملى حياتك مش شخص بتعاملك بالاسلوب ده هل هتبقى حياتك كويسه هل هيبقى فى تفاهم وشوفى ردك هيبقى اى
تم النشر الجمعة، ٢٢ مارس ٢٠٢٤
يمكن حلاوه البدايات او يمكن هو كان كويس بس لما جيت مشكله بدل ما يتصرف بعقلانية بقى بيحاول يطلع همو فيكى مش مهم انتى اى ولا بتقفى جمبه ولا لا المهم انو يجى عليكى وده برده مش حل لو اتجوزتيه وحصل ازمه بدل ما يحاول يحل يطلع غلبه فيكى انتى المفرود لو هو إنسان كويس كان شاف مجهودك ده فى انك تحتويه وتقفل جمبه بس هوا بيحاول يقلل من اى انتى بتعملها ويطلعك غلط ولا انتى شايفه حاجه تانيه
تم النشر الجمعة، ٢٢ مارس ٢٠٢٤
طب احب اقولك انك كده حرفيا عملت اللى عليكى وزياده كتير كمان هنا بقى السؤال مش لحد غير ليكى انتى هل انتى هتقبلى او هتبقى مبسوطه ومرتاحه مع حد بيعاملك بالطريقه دى لو كملتوا واتجوزتيه طول حياتك تتعاملي بالاسلوب ده ومش هتقف على كده على فكره الأسلوب ده كل ماده هيتطور للأسوء
تم النشر الجمعة، ٢٢ مارس ٢٠٢٤
وبعدين مش طايقلك كلمه ومش مستحملك ولا عاوز يكلمك ويشارك تفاصيله معاكى يعنى مكمله ليه اى الميزه اللى انتى شايفاها مثلا
تم النشر الجمعة، ٢٢ مارس ٢٠٢٤
مفيش فايده ومعرفتيش توصلي معاه لحاجه مفيده اعتقد كده وانتوا مش متفقين مش هتعرف تكملوا مع بعض
تم النشر الجمعة، ٢٢ مارس ٢٠٢٤
كون انى فى الاول قولتلك اتكلمى معاه واساليه انتا عاوزني اعمل ايه عشان اكون كده بحتويك كان عشان لو هو عاوزه حاجه وانتى مثلا مش واخده بالك من النقطه دى فيقولك فتاخدى بالك بعد كده عشان برده مظلمهوش والله حطى الحلو قصاد الوحش وشوفى كفه اى اللى هتطب الحلو ولا الوحش ولو الوحش طبت يبقى الاجابه معروفه ولو الحلو طبت يبقى تشوفى هل هتقدرى تستحمل الحاجات الوحشه دى واقولك برده صلى استخاره وشوفى ربنا رايدلك اى بس لما تيجى تفكرى فكرى بعقلك قبل قلبك ولما تحطى فى دماغك مواقف حطى الحلو والوحش
تم النشر الجمعة، ٢٢ مارس ٢٠٢٤
طبيعى فى اى علاقه الطرفين بيقفوا جمب بعض بس الفكره مش عشان هوا عملك حاجه حلوه يبقى نغمى عينا عن الوحش ونبص للحلو بس وبعدين هوا وقف جمبك وعملك حاجات جميله هل انتى كان رد فعلك زى رد فعله لما انتى وقفتى جمبه هل انتى مقدرتيش ده زى ما هوا عمل
تم النشر الجمعة، ٢٢ مارس ٢٠٢٤
شوفى هو محتاج ايه وادهولة بمعنى ممكن يكون محتاج معين وكل واحد وشخصيته بتبقى متغيرة بمعنى
تم النشر الجمعة، ٢٢ مارس ٢٠٢٤
أصلن هو كدة قبل جوز تبقى هيعمل ايه بعد جوزي ومعاش هو مش محترمك قدام صحاب
تم النشر الجمعة، ٢٢ مارس ٢٠٢٤
هقولك على حاجه انتي كلامي وعرفي لو اسلوب متغيرش سبي خوف انك هتسبي لو خاف على زعلك يبقى هو بيحبك
تم النشر الجمعة، ٢٢ مارس ٢٠٢٤
بصي هو اصلا اسلوبه مش لطيف خالص انتى جربتى تقفى جمبه بكل الطرق وحاولت كذا مره وبكذا طريقه وهو يقولك اسلوبك ومش اسلوبك ومعرفش اى فأنتى ممكن تتكلمي معاه وتقوليله انا اسلوبى مش عاجبك ومش عارفه احتويك والكلام اللى هوا بيقوله ده وقوليله قولى انتا بقى عاوزني احتويك ازاى واتعامل معاك ازاى يمكن يكون فى حاجه انتى مش واخده بالك منها فهو يلفت نظرك ليها
تم النشر الجمعة، ٢٢ مارس ٢٠٢٤
بس هو عمل عشانى حاجات كتير ووقف جانبي ف كل المواقف الوحشه
تم النشر الجمعة، ٢٢ مارس ٢٠٢٤
بص هو كدة مش مقدرك وبيعك انتي اتكلامي معي لقتي اسلوب وحشي لي ابدي عنو
تم النشر الجمعة، ٢٢ مارس ٢٠٢٤
الميزه انه مكنش كده معايا احنا كنا زمايل كليه واتخطبنا هو بجد مكنش كده خالص ف الاول
تم النشر الجمعة، ٢٢ مارس ٢٠٢٤
اتكلمت معاه وقالي مش انا اللي هقولك تعاملي ازاى انتى عرفانى كويس ومش بوصل معاه لحل
تم النشر الجمعة، ٢٢ مارس ٢٠٢٤
لعرض السؤال في فدني اضغط هنا