فيه واحد جه اتقدملي رسمي المهم كان فيه رفض ف الاول علشان هو مش حابب يكمل تعليم حالا علشان ميدخلش الجيش ويخسر شغله اللي بيبني فيه من صغره المهم فضلنا نتكلم ع امل اننا نحل المواضيع سوا واتعلقت بيه حقيقي ويمكن دي اول مره فعلا احس ان حد فارق معايا المهم اهلي رفضو رفض تام ف قولتله خلاص كل واحد يروح لحاله طالما انت مش حابب تحل ولا حابب تكمل قعدنا شهر متكلمناش وجينا اتقابلنا صدفه بعتلي تاني وبعد ما كنت بموڤ اون خلاص رجعت لنقطه الصفر اتكلمنا وقالي هنشوف حل ومش هسيبك وكدا تمام فضلنا نتكلم بردو مده وكانت مده امتحاناتي فكل شويه يقولي اكلم اهلك انا اللي كنت باخر الدنيا شويه علشان اكون خلصت امتحانات المهم جيت مهدت الموضوع لمامتي وكدا ف قولتله ان ماما بدات شويه تسهل الموضوع وكدا تاني يوم كلمني وقالي بابا رافض الموضوع قولتله من حيث اي قالي اني اتقدمت مره واترفضت فين كرامتك وفين وفين واخوه الكبير سخن الحوار اكتر ف انا قولتله خلاص خير هو ربنا بيقفلها من كل حته بس انا مش عارفه انساه ولا اتخطاه حرفيا وكل شويه ادخل عنده ومش عارفه اتخطي المره دي مع اني عارفه انه مش.مناسبني نهائي من كل حاجه بس هو كويس معايا وعارفه ان دا غلط بس اعمل ايه ؟
غالبا بيكون الاهل عندهم حق في كل حاجه وبيبقى ليهم وجهه نظر من حيث خبرتهم احنا مش بنكون شايفينها وانت شكلك صغيره فزي ما جاء حد مش مناسب اكيد هيجي حد مناسب وزي ما ارتحت مره اكيد هترتاحي مره واثنين وثلاثه المهم المستقبل فحاولي فكري في مستقبلك وحطي دائما ان ربنا مخير لك الاحسن ان احنا نتعلق بحاجه ربنا مش كاتبها بالواقع ولو علمتم الغيب لاخترتم الواقع
تم النشر الأربعاء، ٢٤ يوليو ٢٠٢٤
تأكدي إن والدك لو شايف فيه خير كان وافق عليه لأنهم بيكون شايفينهم من وجهة نظر رجالة وهل هينفع ولا لأ والتخطيط صعب الله يكون في العون بس حاولي بقدر الإمكان استعيني بالله وتشيلي الموضع من دماغك خالص وتقطيع أي وسيلة إتصال بينك وبينه أو أي حاجة ممكن يوصلك بيها ولو فيه خير هيتقدم ولو هو نصيبك ربنا هيتملكم بخير
تم النشر السبت، ٢٠ يوليو ٢٠٢٤
أفهم انه الموضوع صعب عليكي ومليء بالتحديات والمشاعر المختلطة. خليني اساعدك في تفكيره شويه: التقبيل والرفض من الأهل: لما الأهل بيرفضوا موضوع، بيكون عندهم أسبابهم ومعايشاتهم. حاولي تفهمي الأسباب وتحترمي مشاعرهم. التعلق بالمشاعر: التعلق بشخص ممكن يكون ناتج عن احتياجك لمشاعره ومعاملته الطيبة معاكي. لكن لازم تسألي نفسك: هل هذه المشاعر مبنية على أساس قوي ومستقبل مشترك؟ التوازن بين القلب والعقل: القلب بيقول حاجة والعقل بيقول حاجة تانية. حاولي تمزجي بين الاثنين وتأخذي قرارات متوازنة. الاعتراف بعدم التناسب: انتي وعارفة انه هو مش مناسب من كل النواحي. فدي علامة قوية تحتاجي تركزي عليها. التوافق الكامل مهم جدا لأي علاقة تدوم. التخطِّي والشغل على نفسك: المخروج من هذه الدايرة ممكن ياخد وقت. اشتغلي على نفسك، اهتمي بهواياتك وانتاجيتك، اجمعي حولك صحاب وعيلة تدعموكي. كل لما تشتغلي على نفسك، هشعري بقوتك وبعزيمتك. القبول: أحيانا ربنا بيقفل باب بيفتح باب تاني. تقبلي انه يمكن كان فيه شيء مصلحتك مش شايفاه دلوقتي. إذا احتجتي شخص تتكلمي معاه او تتناقشي معاه، انا دايما هنا عشان اسمعك وادعمك. انتي اقوى مما تتخيلي، ودا كله مجرد خطوة في مشوار حياتك.💪❤️
تم النشر الخميس، ١٨ يوليو ٢٠٢٤
هوه عاوزه الخلاصه مفيش نجاح بدون تضحيات بس التضحيات الي انتي هتسويها هيكون تضحيه غاليه جداا
تم النشر السبت، ٢٠ يوليو ٢٠٢٤
لعرض السؤال في فدني اضغط هنا