السلام عليكم
انا تالته ثانوي وكنت عايزا نصيحه ف حاجه معينه
دلوقتي انا عايزة ابدا شغل بدري عامه يعني ف اولي او تانيه كليه اكون بشتغل بجانب دراستي وعايزه اخد courses بس في ناس بتقولي لا مش ف تالته غلط وكد عايزة بجد حل ولو هبدأ واخد كورسات انا عامه عايزة اشتغل حاجه من اللاب برمجه عامه اخد كورسات اي كتأهيل علشان مقعدش أأهل نفسي لسه بعد ثانوي مثلا
علشان عايزة برضو اشتغل علي السي في بتاعي ف اعمل اي عايزة حد يوجهني لحاجه
إذا كنتِ ستستطيعين تنظيم وقتكِ ما بين الدراسة والكورسات وتعرفين طرق المذاكرة بذكاء بحيث تذاكرين بشكل أكثر كفاءة خلال أقل وقت، لا بأس من منح بعض الوقت لدراسة أشياء أخرى غير منهج الثانوية العامة لكن انتبهي لبعض الملاحظات: يجب أن تحددي أهدافًا واقعية ولديكِ خطة مرنة وأن تتعلمي كيف تديرين وقتكِ بكفاءة. يجب أن تكوني حازمة مع نفسك لكن في نفس الوقت متسامحة معها ومدركة حجم طاقتك ولا تندفعي... حماس البدايات دائمًا خادع ومع الوقت تبدأ طاقتك بالنفاد ويبدأ الملل والتشتت يتسلل إليكِ، لذا حاولي ألا تضغطي على نفسكِ بأهداف ثقيلة أو عدد من الكورسات مرة واحدة. اختاري كورسًا محددًا واقرأي جيدًا محتوى الكورس وهل يناسبكِ أم لا... جهزي أوراقكِ أو مفكرتكِ التي ستسجلين فيها الملاحظات. لا تجعلي همكِ تجميع أكبر قدر من المعلومات النظرية دون أي تطبيق عملي، بل حاولي التطبيق مع كل درس من الكورس وإذا كان هناك كورسات تفاعلية سيكون أفضل بكثير بحيث يمكنك سؤال المدرب عن أي شيء يواجهك أو تقديم ما قمتِ بتطبيقه وطلب تصحيح ما به من أخطاء. لا تقتطعي وقتًا طويلًا من وقت دراستك، ساعة يوميًا من الكورسات ستكون كافية على نهاية العام إن شاء الله. وأخيرًا والأهم، أن تجددي نيتك من الدراسة والكورسات والعمل الذي تنوين الاشتغال فيه حتى يبارك الله في عملكِ ويرزقكِ إن شاء الله من فضله الواسع. بالتوفيق دائمًا إن شاء الله.
تم النشر الاثنين، ١٩ أغسطس ٢٠٢٤
اوعي تاخدي القرار ده مهما حصل.. تالته ثانوي بلاش ابني نفسي الاول فضي نفسك لمذاكرتك.. يوم النتيجه هيطلعلك قرايب انتي متعرفيهمش يشمتوا ف بلاش تضغطي نفسك ف الشغل وهتركني مستقبلك الحقيقي بعد الثانويه اعملي اللي عوزاه ولا حتي كورسات هي دروسك وبس وربنا يوفقك ويفرجها عليكي يارب♥✨
تم النشر السبت، ١٧ أغسطس ٢٠٢٤
وعليكم السلام يا جميلة! أول حاجة، بصراحة فكرة إنك تبدأي شغل وكورسات من دلوقتي رائعة! في ثالث ثانوي، ممكن يكون الضغط كبير مع المذاكرة، بس لو قدرتي توازني بين الدروس والكورسات، هيكون ده ميزة كبيرة ليكي. لو حابة تدخلين مجال البرمجة، ممكن تبدأي بكورسات اونلاين في لغات برمجة مثل بايثون أو جافا. الكورسات دي متاحة كتير على منصات مثل كورسيرا أو يوديمي، وكمان كتير منها مجاني. بالنسبة للشغل، لو عندك وقت، ممكن تدوري على فرص تدريب أو وظائف جزئية في المجال اللي مهتمة بيه. كده هتكتسبي خبرة وتقدري تضيفيها للسيرة الذاتية بتاعتك. من المهم كمان إنك تستغلي السنة دي في تطوير نفسك علشان تحطي قدمك في سوق العمل بعد الثانوية. ما تنسيش إن التوازن بين المذاكرة والشغل مهم علشان ما تتأثريش دراسياً. خدي الخطوة الأولى، وحاولي تنظيم وقتك بشكل كويس. إذا عاوزة أي نصائح تانية أو مساعدة في اختيار الكورسات، أنا هنا! 😊
تم النشر الجمعة، ١٦ أغسطس ٢٠٢٤
لو انتي قادره انك تجمعي بين الدراسه والكورس اوكي
تم النشر الاثنين، ١٩ أغسطس ٢٠٢٤
لا بلاش متشتيش عقلك ركزي في دراستك ودروسك واهتمي بمذاكرتك وان شاء الله تجيبي مجموع حلو وتفرحي
تم النشر الاثنين، ١٩ أغسطس ٢٠٢٤
الحياة بتحتاج تدرج اهتمي بالدراسة ثم خدي الي يكفيكي وديما كوني واثقه في الله ثم في امكانياتك وانك هتقدري تحققي اللي انتي عايزاه واهم حاجة عن خبرتي في حدود امكانياتك تحصلي علي شي ثم انتقلي الي الذي بعده وبالتوفيق
تم النشر الاثنين، ١٩ أغسطس ٢٠٢٤
طالما عندك الرغبة والطاقة ووقتك منظم ومش بياثر ع دراستك اعملي كل شي بتحبيه احسن من تضييع الوقت بالسوشيال ميديا والتوافه
تم النشر الاثنين، ١٩ أغسطس ٢٠٢٤
لعرض السؤال في فدني اضغط هنا