الامل هيفضل موجود عشان ربنا موجود. والتجارب الصح والغلط ملهاش عدد محدود طول ما احنا عايشين. بلاش القوالب والتوقعات اللى بنحطها قصاد كل محنه او حتى نجاح بنوصلة...هى بتبقي سبب تعاستنا. خدى نفس عميق ورددى جملة واحده ورددى معناها جوه عقلك وقلبك ....لا حول ولا قوة الا بالله .... احنا لا شىء بدون قدرة ربنا ..احنا مفيش فى ايدينا حاجة حرفيا و الحاجات اللى احنا بنتحكم فيها دى بردوا اساسها ربنا هو المتحكم فيها وبيوجهها بحكمته قبل اختياراتنا. معادلة بسيطة( ثقة فى نفسك + اجتهاد +ثقة فى ربنا +ايمان بكل االاحتمالات = نتيجة -اى كانت- + رضا وتقبل + حياة مستمرة مش مهم مين رأيه ايه فى اللى فات وعدى وخصوصا اللى انتى بس ليكى الحق فى الحكم عليه ...المهم تكونى قوية انك تقولى لنفسك ولغيرك انه مش مهم رأيهم لان مهم اللى انتى حاساه اكتر. لو مش قادرة تتخطى اى مرحلة صعبه ...اطلبى مساعدة
تم النشر السبت، ٥ نوفمبر ٢٠٢٢
اهلا بيكي، أتمنى تكوني بخير وبأفضل حال. إحنا بشر يعني أكيد بنغلط، أكيد بنقع، والأكيد إننا لسه كمان هنغلط. محتاجة تكوني مقتنعة بكده، إننا بنتعلم وهنفضل نتعلم، قصة تجربتك الأولى وإنها مكانتش أفضل حاجة، ومحصلش نصيب فيها، ده مش معناه إن خلاص نهاية العالم والدنيا كلها بالنسبالك، إطلاقا. ايه المشكلة لما تفشلي؟ هل الناس اللي بتجلد فيكي نفسيا دلوقت، عايزة تقوليلي إن عمرهم ما غلطلوا أو فشلوا في حياتهم؟ ايه ملائكة! أنا قادرة أتفهم برده اذا كانوا خاصةً أهلك سواء الاب أو الأم أو الأخ أنهم ممكن يقعدوا يلوموا فيكي، وكأن ده شئ صح بالنسبالهم؟ وأنهم كده بيعلموكي الصح والغلط! ولكن طريقتهم نفسها غلط، وتكاد تكون النية سليمة. ولكن، المدخل الرئيسي عندك انتي، يعني انتي اللي تقرري هتستقبلي الكلام ده ازاي؟ حد بيجلد فيا، ياترى ممكن أعمل ايه، هل هصدق أي كلام يقوله، أكيد في الاول ممكن تزعلي، بس اتعلمي أن مش اي حاجه تدخل دماغك وخلاص أيا كانت هي إيه.. لازم الاول تفهمي اللي قدامك بيقول كده ليه؟ وتحللي الكلام، وتفكري فيه، مش تاخدي كلام وكأنه مُسلم بيه من أي حد، لو حد قالك انتي مكانش ينفع تعملي كذا وكذا؟ بناءً على ايه هما اللي يقولوا ويقرروا؟ انتي اللي المفروض تحددي، وتقرري، ولكن بتفكير سليم. مش أي حد يقول كلمتين أصدقهم، خلي عندك ثقة في نفسك، واعرفي ايه اللي عليكي وايه اللي مطالبة بيه وايه اللي لأ؟ اعرفي أنك بشر، من حقك تغلطي، ومن حقك تتعلمي، من حقك تأخدي كل الفرص. حبي نفسك لأنها تستاهل أنها تتحب، تستاهل تعيش حياة أحسن من كده. أما بالنسبة للشخص اللي قال على العريس مش كويس، لازم تتحقي من الكلام ده صح ولا غلط، برده وقعتي في نفس الخطأ، أنك مصدقة كلامه من غير ما تعرفي بنفسك انتي الحقيقه فين؟ لازم انتي تعرفي كل حاجه بنفسك، أسالوا على الشخص ده من بره بره وأكتر من حد علشان تتأكدوا فعلا من كلام قريبك عنه. أتمنى أنك تكوني بخير وبأفضل حال، وانا معاكي لو فيه أي شيء.
تم النشر الثلاثاء، ٨ نوفمبر ٢٠٢٢
لعرض السؤال في فدني اضغط هنا