انا كنت في ريلايشن مع شخص من سنتين وسبع شهور فالاول كانت هي الطرف الاكثر حماسا وانا كنت مش احسن حاجه معاها بعد شهور بدأ يبقا فيه مشاكل كتير بسبب اللبس والنزول والغيره عامة، وكنت بقول كلام مؤذي وانا مش حاسس وبسيبها لدماغها قعدنا فتره كدا لحد ما بعدنا وبعدها رجعنا تاني بس انا قبلت فولو لكذا بنت وهي اضايقت مني وبعدنا تاني كنت مفكر اني لما اعمل كدا هي هتفكر اني هروح منها كانت عقليتي وحشه كنت عيل غير مسؤل المره دي لما بعدنا استوعبت حاجات وشوفت حاجات مكنتش شايفها وندمت ولحد الان ندمان اني سبب فالاذى دا انا من الاول بحبها بس مكنتش بعرف اعبر عن مشاعري او عن اللي جوايا اخدت عهد على نفسي لو رجعت هصلح كل حاجه وفعلا رجعت تاني اعدت اصلح حاجات كانت فيا كتير بس لسه مشكله التفاهم والعصبيه بسبب الغيره كان بيحصل مشاكل كتير وهي كانت بتتأثر ومش بتعرف تعمل حاجه في حياتها ومش مرتاحه فبعدنا تاني اعدنا فتره بردو ورجعت بس المره دي كان ولد دخلها وهي ردت عليه وقعدت تتجنبه لما صارحتني كنت في حاله صدمه ازاي تدي لواحد فرصه انه ياخد منها كلمه لما كان في بنت تخشلي كنت بخليها هي الي تتعامل لانها قالتلي كله الا دا و وافقت نرجع تاني لاني فعلا كنت محتاجها معايا ومكنتش عايز غيرها بس بردو لسه مشكله التفاهم اكتر حاجه بيحصل عليها خناق فبعدنا فتره قصيره ورجعنا تاني المره دي قولت هعمل الي اقدر عليه وهجيب اخري عشان متروحش مني تاني اديت طاقتي ومشاعري كلها عشان اعوضها عن الفتره الي كنت وحش فيها واتنازلت عن حاجات مكنتش مصدق اني ممكن اتنازل عليها بس لسه فيه شويه مشاكل بردو مش قادره تتعافى من اللي حصل زمان وامي كنت مؤذي ليها ومش الهوم بس انا كنت اعدت احاول كتير عشان اصلح الي بوظته وكنت عامل حسابي اني هظبط حياتي واتقدملها لانها مكنتش موافقه بالارتباط عشان ذنبه ونا كذالك وكنت عايز احافظ عليها بس اجت قالتلي ان احنا مش هننفع لبعض هي حاجه وانا حاجه هي عايزه تعيش حياتها وتلبس الي هي عايزاه ونا بغير من اقل حاجه وان هي مش بتبقى مرتاحه وانا موجود بسبب الخناق دا عكس لما نكون بعاد بوحشها وبتزعل شويه وخلاص فاختارت البعد وبعدنا فعلا ومن يومها تايه مش عارف اعمل اي مين الصح ومين الغلط ضميري مأنبني على طول اني اذيت حد بسبب غيرتي عليه مش عارف اموڤ اون والايام الجايه دي فيه دراسه هشوفها ع طول خايف ابدأ فالدراسه واشوفها واحن ومعرفش اركز ف دراستي لو حد عنده حلول يقولي
السلام عليكم. طب خلينا نتفق على حاجه تعالوا نقيم الحاجات اللي انت بتعلق عليها او اللي انت شايفها غلط وان انت مش هتقبل بها الشخصيه اللي انت هتتقدم لها يعني انا مش من الاتجاه ده عشان خلاص انت فاهم ان موضوع الارتباط ده اصلا غلط. والغلط بتاعه على فكره الاساس انه كل اللي حصل معاك ومع البنت لانه بيحصل استهلاك واستنزاف وخلاص وبنزهق من بعض اصلا فبيبقى عادي ان احنا ناخد بعضنا ونمشي لكن لما بيبقى الموضوع رسمي الامور بتختلف عن كده. دلوقتي نقف عند النقطه اللي انت تقبلها او تقبلها برضه تقبلها او تقبلهاش وهنا نقطه ان انا في كود للبس انا شايف ان هو ينفع او ما ينفعش هل انت اوفر او انت صح او انت غلط ده نقيسه على ايه ده نقيسه بقى على الصح وغلط هل هي لبسها لبس فعلا مناسب وفضفاضه وانت بتزود على ده انك تقول لا انا عايزه اكتر لا انا عايزه ااا
تم النشر الأحد، ١٨ أغسطس ٢٠٢٤
يعنى حضرتك ارتبط بيها وهى لبسها وطريقه حياتها سواء فى النزول وغيره مش عجباك وبتخليك تغير وانت ارتبط بيها وعاوز تغيرها ؟ هل هى بتنزل من البلكونه مثلا ؟ اعتقد انها بتنزل من البيت عادى قدام والدها و والدتها أو حتى اخواتها ممكن يكون لبسها مش احسن حاجه بس انت داخل ف علاقه مع حد هيتعبلك اعصابك انا مش بعاتب عليك انا بس عاوزه اقولك أن الحب مش كفايه للاسف عكس ما ممكن تكون فاكر يعنى ممكن تكون بتحبها وجدا كمان ماشي بس هل ده كل شىء معتقدش انتو شبه بعض ف التفكير ده باين من كلامك وطريقه نزولها وهكذا وانا عارفه انك خايف عليها بس انت لسه متبقاش ليها حاجه عشان تتحكم فيها فاهم ؟ ف اكيد هى طول عمرها بتنزل وبتلبس وهكذا فجأه حد يتخانق معاها ف اكيد هتفضلوا طول الوقت مش فاهمين دماغ بعض لأن انتوا اساسا داخلين العلاقه لمجرد شويه مشاعر واعجاب ملهاش علاقه هى حد مناسب ولا لاء ، وانت اهو بتقول انا اديت مشاعرى وطاقتى ف العلاقه دى تخيل تدى مشاعرك فى علاقه اكبر مشكله فيها انك قبلت فولو لبنات غيرها طب بلاش كده انت حاسس بالذنب انك مرتبط بيها منغير راسميات ما تسيبها لحد ما تكلم أهلك ؟ مانت لو شايف انها هتستناك الفتره دى يبقا هى تستاهل تكون مراتك ، طب هقولك على حاجه معرفش انت شايف طريقتى غريبه ولا لاء بس انا بتكلم بعقلانيه انت قولت جمله شدتنى بصراحه وهى أنها مكانتش موافقه على فكره الارتباط والواضح انها عارفه انو حرام بس الواحد ضعيف بقا قدام مشاعرو ف اتضطرت ترتبط بيك رغم شعورها بأن الارتباط حرام وانت عارف انها كانت شايفه انه حرام تخيل تعرف أن انسان مش حابب يدخل ف علاقه عشان شايف انها حرام تقوم تشده للفكره دى وطبعا هى اكيد ايمانها أضعف من أنها تتمسك بالفكره وتسيبك من الاخر انت ذات نفسك بتقول الدراسه جايه ف من تخميني انك لسه فى الدروس هل تتوقع حد لسه بينزل دروس يشيل مسؤوليه علاقه ؟ سألتك كذا سؤال جاوبهم بينك وبين نفسك هتلاقيك بتقول انا مش قد التجربه دى ياما ناس حبيناهم بس هما مش مناسبين معتقدش هتقدر تاخد خطوه وانت علاقتكوا لو النت فصل تكون انتهت !
تم النشر السبت، ١٧ أغسطس ٢٠٢٤
أولاً، شكراً لمشاركتك دا معاي. واضح إن السكة كانت صعبة بالنسبة لك ومررت بالكثير من المشاعر. خليني أقول لك إن العلاقات مرهقة أحياناً، خاصة لما يكون في مشاعر قوية وتاريخ مشترك. أنت عارف إن الغيرة أحيانًا بتكون سبب رئيسي في تدمير العلاقات. الموضوع مش بس عن الثقة، لكن كمان عن التفاهم والتواصل الجيد. من الواضح إنك بتحاول تصلح الأمور، ودي خطوة إيجابية، لكن يمكن تحتاج تفكر في الشيء اللي زي ما قلت إنه "تتعافى من الي حصل". حاول تكون أكثر وضوحًا مع نفسك ومعها. هل فعلاً أنت مستعد تعطيها المساحة اللي محتاجاها؟ هل ممكن تتحكم في غيرتك بطريقة صحيحة؟ العلاقة تعتمد على الثقة والإحترام، يبدو إن التواصل كان فيه مشاكل، وده مهم تصلحه. بالنسبة للدراسة، حاول تفصل بين حياتك الشخصية والدراسية. ممكن تحاول تركز على دراستك وتلاقي وقت تفكر فيه في مشاعرك وعلاقتك. إذا كانت تخليك متوتر، حدد وقت لمراجعة الأمور، وبس بعدها حاول تبعد شوية عن التفكير فيها وركز في أهدافك الشخصية. وصدقني، كل شيء بيمر بوقت. لو لقيت صعوبة، فكر في استشارة حد متخصص يساعدك في التعامل مع مشاعرك والغيرة. دير بالك على نفسك.
تم النشر الجمعة، ١٦ أغسطس ٢٠٢٤
طيب مش الأولى طالما عندك غيرة وكدة تغير عليها هي نفسها كما تغار على أختك من أنها تمشي مع واحد في علاقة محرمة ربنا سماها (متخذات أخدان) وتسمع صوت ضميرك وضميرها لحد ما تقدر تتقدم لها زي ما أنت كاتب؟
تم النشر السبت، ١٧ أغسطس ٢٠٢٤
انت راجل طبعك الغيره يعني اي تنسي طبيعتك عشان بتحبها مش هتعرف تعيش طول ما هي بتلبس اللي انت بتغير بسببه و انا كنت زايك بس ما عدا موضوع اللبس و عايز اقولك كل علاقة بدايتها لا ترضي الله نهايتها لن ترضيك
تم النشر السبت، ١٧ أغسطس ٢٠٢٤
لا تالته ثانوي
تم النشر الجمعة، ١٦ أغسطس ٢٠٢٤
هل أنت طالب جامعي؟
تم النشر الجمعة، ١٦ أغسطس ٢٠٢٤
لعرض السؤال في فدني اضغط هنا