يا جماعه اناكنت خارج من مشكله عاطفيه خطوبه يعنى المهم حبته جدا بس للاسف مكملناش المهم قبلت واحده قريبتى واهلى كانو عايزين يجوزهالى بس انا مكنتش حاسس الموضع بس فى النهايه وافقة بس محصلش نصيب المهم لاقيته بعد فتره بتكلمنى واتس معرفش جابت رقمى منين المهم حبته ازاى معرفش بس لما اعترفلها احس انها مترداد اوى وساعات القيها بتغير مش عارف هى بتحبنى ولا لا مجنني وكل فتره اخش فى فتره واحشه وحزن عشان الموضوع ده المشكله هنا اننا مش فاهم ولما افتحه تقولي انا الى هقولك بحبك بس مش دلوقتي بس مبتقوليش علي اى حاجه تطمنى اعمل اى عشان اعرف انها بتحبني ولا لا
طيب ممكن نضع الحب على جمب شوية دلوقتي.. هي رجعت ليه؟ عايزة ترجع؟ طيب الاسباب اللي انتوا سبتوا بعض علشانها لسه موجودة؟ لو لسه موجوده المشاكل ديه يبقى الموضوع مش هيحصل فيه جديد. وياريت تكنسل الموضوع ده من حياتك لو الدنيا لسه زي ماهي .. وبعدين هي راجعة مش بتقول اي حاجه، فعايزة ايه برضه؟ كلمها بصراحه ... بلاش لعب المشاعر ده. لو سبتها هتتمادي، ف ياريت تخلص من الموضوع ده وتشوف اخرته.
تم النشر الخميس، ١٦ نوفمبر ٢٠٢٣
ده كده لعب بالمشاعر وخلاص وموقف غير واضح انت مع نفسك كده قرر لو شايفها الشخص المناسب قولها انا هاجى اتقدم تانى لو حاسس انها مش مناسبة لاسباب كتير او حتى لانها مش واضحه ومحيراك ..اقفل معاها كلام خالص لما تاخد انت موقف واضح هتلاقى اللى قدامك اختصر معاك بردوا وقال اللى عنده ع طول
تم النشر الخميس، ١٦ نوفمبر ٢٠٢٣
اعطي لنفسك فرصه دايما لما تخرج من اي علاقه متجريش بسرعه علي اللي بعدها لازم تقف مع نفسك وتسالها كان اي سبب فشل علاقتي دي وخد وقتك وعلي فكره مش لازم البنت تكون جريئه وتصارح بمشاعرها لااي حد لو فعلا بتحبها وجاد اطلب منها مقابله أهلها وهي هتبقي ساعتها تعرفك موافقه ولالا وده هيعرفك بتحبك ولالا بس اتأكد من نفسك الأول وان مش ارتباط عابر زي المرتين اللي قبله
تم النشر الأربعاء، ١٥ نوفمبر ٢٠٢٣
خلاص ديها وقتها يمكن مثلا مش عايزه تعترف دلوقتي بحبها بسب ظروف معينه عندها او مثلا عايزه تقولها في وقت معين ، فا احسن حاجه نك تديها وقتها و ان شاء الله تعترف
تم النشر الخميس، ١٦ نوفمبر ٢٠٢٣
هي شكلها توكسك بصراحه بس لو عايز تعرف هي بتحبك أو لا شوف غلوتك عندها يعني شوف لما تبقي في وضع مالي وحش مثلا هتقف معاك أو أو وهكذا يعني
تم النشر الأربعاء، ١٥ نوفمبر ٢٠٢٣
قولها عايز اتقدملك ...جايز هي خايفه او مكسوفه منك وفعلا روح اتقدم ....واتو البيوت من ابوابها
تم النشر الأربعاء، ١٥ نوفمبر ٢٠٢٣
واضح اكتر
تم النشر الخميس، ١٦ نوفمبر ٢٠٢٣
لعرض السؤال في فدني اضغط هنا