لو أنا شخصية انطوائيه ونفس الوقت اجتماعية يعني محدش يعرف عني حاجه ومبحبش ان حد يعرف عني حاجه ونفس الوقت ممكن لو اتكلمت مع حد وحسيت انه فاهمني احكيله ع كل حاجه عادي مش بحب الاختلاط ودايما بحاول اني متقابلش مع حد اعرفه خاصه لو اصحابي وممكن لو اتعرفت ع ناس جديده وحبيت تعاملهم ابقا عاوزه اتكلم معاهم دايما شخصيه منعكسه جدا واوقات مش بكون فاهمه عاوزه اي بس انا بحب الطب النفسي اوووي ونفسي ابقا دكتورة نفساني لاني بفهم في الحاجات دي اوووي ومن أمتع الحاجات اللي بحب اقري عنها واتكلم فيها مع العلم انا بكتب خواطر واشعار ودا اوقات بيكون سبب في اني اتعب بسبب اللي بكتبه فهل هناك فرصه ان اكون فعلا دكتورة نفساني اما شخصيتي المنافسه تمنعني ..
سنك قد ايه طيب؟ بصي انتي لو في سن ما قبل العشرينات ده طبيعي جدا .. ثم احنا بطبيعتنا خليط ما بين الشخصية الاجتماعية والانطوائية .. بس بتبقى فيه حاجه ازيد من حاجه.. وده العادي والطبيعي. والشخصية الانطوائية والاجتماعية هما مش مشكلة. المشكلة في اي شخصية ان يكون فيها عيب معين بتعوقه عن تأدية اي شئ في حياته، هنا بتكون المشكلة. جزء بقى انك مش بتحبي حديعرف عن حاجه.. ده جانب من شخصيتك ولا هو عيب ولا اي حاجه. انتي شخص مش حابب يظهر حاجه من حياته وده شئ انتي حره فيه. وفي نفس الوقت انتي بتتكلمي امتى؟ لما بتحسي ان الشخص اللي قدامك ده فاهمك اوي، بتحسي بالامان اتجاهه، علشان كده بتحكي، وبتحكي وانتي مبسوطة كمان، بان الشخص ده فاهم، وبتبقى مستمتعه. ف ده شئ طبيعي ومش مشكلة ابدا. والناس الجديدة بالنسبالك ممكن يكونوا بالنسبة ليكي اشخاص غامضين ف الاول، ف بتحبي بس تتعرفي عليهم اكتر، يعني مش بيبقوا زي مثلا ناس اتعرفتي عليهم من 5 ،6 سنيين ف خلاص حفظتيهم. مفيش اي حاجه من اللي ذكرتيها تعتبر شئ مخيف، او يمنعك من شئ .. وشخصيتك هتبان مع الوقت.
تم النشر الاثنين، ٦ نوفمبر ٢٠٢٣
شخصيتك طبيعية جدا بجد و واحدة واحدة هتفهمي نفسك و تعرفي انتي بتحبي ايه و انهي ناس ال بترتاحي معاهم و امتى تكوني حابة التجمع ده و امتى لا فمتقلقيش و طبعا تقدري تكوني دكتورة ان شاء الله و حتى لو مش دكتورة نفسية فلو مهتمة بالمجال ابدأي اقري فيه و ممكن تبقي life coacher المهم تكوني حاجة حباها ربنا يوفقك
تم النشر الثلاثاء، ٧ نوفمبر ٢٠٢٣
لو انتى شاكه انك محتاجه دكتور نفسانى مفيش مشكله لو روحتى أما انا شايفه أن معظم الناس لما بياخدوا على حد بيحكولوا كل حاجه بس بجد لازم تكونى واعيه وحاولى تكونى بشخصيه واحده عشان متشتتيش تفكيرك وبالتوفيق 💖
تم النشر الثلاثاء، ٧ نوفمبر ٢٠٢٣
اولا انتي مش شخصيه منعكسه كل موقف وليه سبب في الماضي حل الموضوع ده تفهمي نفسك الهدف من المجال النفسي اي يكن انك تتدرسيه او تتخصصي فيه انك تفهمي نفسك الاول عشان تعرفي تفهمي الناس لكل فعل مخزي واثر كان في الماضي بتاعك او بتحمي نفسك في عقلك الاوعي من غير ما تحسي او عقلك الاوعي اصلا بيخليكي تتصرفي بالشكل ده وبيقنعك لااراديه اسعي انك تفهمي بتعملي كدا ليه يعني خاطري وجربي تعملي عكس الي انتي متعوده عليه وشوفي هيحصل اي وف الاغلب بيكون الواقع ابسط من تخيلتنا ومن مخاوف عقلنا يعني مثلا في حاله نفسيه كدا بتخلي الواحد بيحط زاي لوح ازاز بينه وبين الناس متخيل انو كدا بيحمي نفسه هو ده بيحسسه انو في منطقه امان او اتعود مش يدخل الناس دايرته ف حاولي تدريجي تعملي ده مع الناس الصح وتحفظي علي الزون بتاعك وخصوصيتك الي مش حباه تتكلمي فيها عادي جدا او انه مش عارف يعمل حدوده الخاصه مع الناس فا معا التعامل هتبدأي تعرفي تحطي حدودك معاهم
تم النشر الثلاثاء، ٧ نوفمبر ٢٠٢٣
لعرض السؤال في فدني اضغط هنا