عزيزي المستفيد من فدني!
عندما تضع سؤالا ويقوم الأعضاء بتخصيص وقت وجهد لكتابة أجوبة مفيدة فإنهم يسعون لإفادة أكبر عدد من الأعضاء الذين سيقرؤون أجوبتهم .. ولذا فإنك عندما تقوم بحذف السؤال بعد حصوله على أجوبة - كدة من غير سبب! - فإنك تدمر محتوى الفائدة الموجودة في الأجوبة التي تبقى على أي حال بعد حذف محتوى السؤال
ولذا فقد قررت رئاسة الهيئة القومية لشؤون مجلس إدارة مجتمع فدني إيقاف إمكانية وضع أسئلة جديدة للأعضاء الذين يتكرر منهم هذا الفعل
والله الموفق ،،
والمفروض كا سياسه منظمه ان من حقى امسح الاكونت خالص ودايما بيترفض ولو اى حد ع الابلكيشن حاول يمسح الاكونت بتاعه مش هايعرف مع العلم انا مش معترض ان الاسئله ماتتمسحش بس معترض على بياناتى اللى مش عايزها تكون متسجله غصب عنى هنا حتى لو عايز امسح الاكونت وادخل باكونت جديد فا ده من حقى فا ايه ردك على انى مش عارف امسح الاكونت ؟
تم النشر الاثنين، ١٠ يوليو ٢٠٢٣
اه دا حاجة حلوة تخلينا كلنا نستفاد من مجتمع فدني
تم النشر الاثنين، ١٠ يوليو ٢٠٢٣
فعلا ياريت محدش يمسح محتوى ممكن يفيد غيره بس سؤال لادارة فدنى ..هل ممكن الشخص يحذف الحساب بدون حذف الاسئلة مثلا؟ او هل ممكن يدخل يغير هوية السؤال بعد مدة ويخليها متخفى ؟
تم النشر الأحد، ٩ يوليو ٢٠٢٣
كما قالت كوتش ياسمين الأسئلة المجهولة تظهر لك في صفحتك - لكن الأعضاء الآخرين لا يرون الأسئلة المجهولة في صفحتك. إدارة فدني يمكنها معرفة أصحاب الأسئلة المجهولة كما هو موضح في سياسة الخصوصية.
تم النشر السبت، ٩ مارس ٢٠٢٤
أما بالنسبه لموضوع الخصوصيه وان محدش بيقرء اسالتي. فكده الموضوع تمام. وشكرا جزيلا علي الحفاظ علي خصوصبه العملاء كنت أجهل ذلك👍
تم النشر السبت، ٩ مارس ٢٠٢٤
ايوه انا فاهمة ده انا بشارك وانا مش بسال وده واجبي مش كمشاركه فقط. ولاكن كانسانه لان في ناس محتاجه ده فالواحدة مبتبصش أن مسالتش يبق خلاق ماشاركش الناس بس عايزة كمان حل أن أسأل هل في حل
تم النشر السبت، ٩ مارس ٢٠٢٤
كل عضو وثق فى التطبيق اللى بيوفر المساحة من التواصل مع خبراء وبيراقب كمان انه يمنع اصحاب القلوب الضعيفة من التواجد على التطبيق ...فاقل واجب على كل حد بيشارك هنا انه يساهم فى اثراء محتوى التطبيق اللى قائم على الاسئلة واجابتها
تم النشر السبت، ٩ مارس ٢٠٢٤
السؤال المجهول اعتقد بيظهر فى صفحة العضو فقط لكن ميظهرش للاخرين لو دخلوا على صفحتك
تم النشر السبت، ٩ مارس ٢٠٢٤
الحل هو أن الشخص بيسال سؤال ميتحطش في صفحته عشان متبانش هويه اللي رسال السؤال ده وده بالتالي ايه اللي هيخليه يحذف اسئلته هيخليها يستفاد منها المجتمع. لاكن انتوا اظهرتوها في الصفحه بتاعتوا وفنفس الوقت عاقبتوه لنا حذفها. طيب عايزة اسال سؤال. ايه لازمه التطبيق كده
تم النشر السبت، ٩ مارس ٢٠٢٤
حضرتكم انا طبعا ليه صفحه والصفحه دي بتظهر فيها كل اسئلتي وكل اجابتي وكل تعليقاتي فمش ذنبي أن أنا مسحت الاسئله عشان سئلتها تحت اسم مجهول والقاها موضوعه في صفحتي يعني ياللي متعرفش اعرف مين صاحب السؤال. فاضطريت امسحهم كذا مرة فالاخر يتقالي مينفعش اسال تاني طيب ليه كده. اهو دلوقت بعلق لعل وعسا اخفف عن حد حدة أمر ما وبشاركه معاناته. لاكن فنفس الوقت بكون بعاني بس مبلقاس حد يشاركني معاناتي. مش ذنبي ده. طيب اضطربت احاول اغير الاكونت خالص وادخل باكونت جديد. لعل وعسي اعمل صفحه جديدة. كل مرة يقولي انت ماسجل بحساب اخر وسعات بكون أغلقت واوقف الحساب. ىبس برضو مبيرضاش يسجلني باكونت جديد ويقولي متيجل بحساب اخر. طيب ايه الحل انا كده مش عارف كذا مرة حذفت الابلكيشن اصلا علي امل الاقي حل ومتخلش كده هتخلوا الناس يستغنواوعن التطبيق اصلا حضرتكم. فياريت تشوفوا المشكله دي. لان في غيري كتير مش انا بس اضطر يحءف التطبيق لما لقي أنه مش مستفاد حاجه. وعايش بالامه ومش لاقي اللي يشاركه بيها. وشكرا🌹🤍
تم النشر السبت، ٩ مارس ٢٠٢٤
يمكن جعل السؤال مجهول الهوية - نتفهم بالطبع أن بعض الأسئلة تكون محرجة لكن أن يمسح نفس الشخص عدة أسئلة بعد حصولها على إجابات مفيدة من الأعضاء فإن هذا سلوك يؤثر على قيمة المحتوى الموجود في فدني
تم النشر الاثنين، ١٠ يوليو ٢٠٢٣
هو فعلا غلط ان حد يمسح محتوى يفيد غيره بس اعتقد كدا مش صح في ناس بتكره السؤال او معددتش مهتمه او اكسفت من السؤال
تم النشر الاثنين، ١٠ يوليو ٢٠٢٣
لعرض السؤال في فدني اضغط هنا