السلام عليكم ورحمة الله وبركاته
انا زوجي كان بيحكيلي ع كل حاجه ف الاول بس بدأ يخبي عني كل ما بداخله ولما انزل عند حماتي الاقيها بتقولي جوزك هايعمل كذا وكذا. بزعل وبتضايق ومش برضى اقوله اني عرفت بستنى ييجي يقولي بس للاسف مش بيقول.
المهم كان من كام يوم حصل موضوع كده وعرفت انو قايل لحماتي، انو عازم جوز اخته عشان هايعملهم مصلحه وكده ف الشغل انا بصراحه صعب عليا اوي انو مقاليش. ف وقت المصلحة جت وقالي الصبح هاتطبخي سالته عن السبب لأننا كنا طابخين قبلها بيوم، مردش عليا. اتضايقت اوي قولتله ع السبب اللي مخبيه عني وشدينا شوية قولتله انت قولت لامك واخواتك كذب عليا وقالي انا ماقلتش لحد ده اخويا اللي قالها.
قالي انتي يخصك في إيه تعرفي او ماتعرفيش مالكيش دعوه بشغلي، قلتله ده انا مراتك وأكتر واحده هاتفرحلك لما تعمل حاجه جديده، زعق وقالي خلي شياطينك تقومك. ومن ساعتها وانا مش بكلمه. حد يقولي انا غلطت في إيه؟
وفي حاجه كمان انا بقالي سنه مارحتش عند اهلي دايما بقول عشان الظروف وكده لان اهلي في محافظه تانية وبقول استنى يمكن احن عليه ويقولي تعالي اوديكي تقعدي شوية تغيري جو . بس كل ما العيال يقولو بابا احنا عايزين نروح عن جدو يزعقلهم ويقولهم احنا مش فاضيين يقولو ما عماتي وعيالهم بييجو وولاد عمي بيروحوا برضو عند ستهم وانت مش بتودينا . انا برد ع العيال وبقولهم بابا عنده شغل لما يخلص هانروح وع الحال ده بقالنا سنه نفسيتي تعبت اوي من القعدة لوحدي .وكل مااطلب فلوس عشان اجيب حاجه للبيت او العيال يقولو يا بابا ادينا المصروف يفضل يزعق و يقول مش معايا انتو مابتبطلوش طلبات .بس من جه تانيه بعرف انو بيدي لحماتي فلوس ده واجب عليه انا عمري مااتكلمتيش ف الموضوع ده . بس لما أعرف انو ماشي يفرق ع ولاد واخواتو فلوس كل مايطلبو حاجه او مايطلبوش يديلهم فلوس ويزعق لعياله ده مايباقش عدل ربنا هو عمرها مش بيديلهم قدام عيالي عشان عارف انهم هايقولي . بس ولاد واخواتو هما ال بيقولي خالي إدانا ١٠٠ او ٢٠٠ علي كده علطول انا عارفه من زمان بس عمري ماقلتلو ع الموضوع ده وفي العيد برضو بيفرق على ولاد اخواتو الصبيان والبنات برضو في الدرا من ورانا والعيال بيقولو .بيحب يدي ومايخدش من حد . وعنده استعداد يفضل يتكلم مع أمه واخواتو كل اليوم وانا وعيالي ديما معانا صامت مش بيتكلم خالص .الموضوع ده تاعب نفسيتي اوي
وعليكم السلام ورحمة الله وبركاته. من الواضح أنك تشعرين بالخيبة والقلق بسبب تغيّر سلوك زوجك وعدم مشاركته لك في تفاصيل حياته، وهذا أمر طبيعي أن تشعري به. التواصل يعد أساساً لأي علاقة ناجحة، وفقدانه يمكن أن يؤدي إلى توترات كبيرة. في هذه الحالة، من الضروري أن تتحدثي مع زوجك بصراحة، ولكن بطريقة هادئة وخصبة. يمكنك أن تعبرى له عن مشاعرك بشكل واضح ومباشر، ولكن بدون الاتهام أو اللوم. يُفضل أن تقولي له شيئًا مثل: "أشعر بالقلق عندما لا تشاركني أخبارك، كما أنني أريد أن أكون جزءاً من حياتك ومن نجاحاتك". أيضاً، يجب أن تحاولي فهم الأسباب وراء سلوكه. هل يشعر بالضغط أو يتعامل مع مشكلة معينة؟ النقاش المفتوح يمكن أن يساعد في بناء الثقة بينكما. تذكري أن التحلي بالصبر والتفهّم يُعتبران خطوات هامة في حل أي مشكلة زوجية. وأخيراً، إذا استمرت هذه المشكلة وكان التواصل صعباً، قد يكون من الجيد التفكير في استشارة متخصص في العلاقات الزوجية لمساعدتكما في تجاوز هذه التحديات. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ٢٩ أغسطس ٢٠٢٤
وعليكم السلام ورحمه الله وبركاته. طيب اولا طبعا دي حاجه صعبه ومش سهله واذا كان جوزك ما كانش ده طبعه من الاول فضروري طبعا تقفي عند الموضوع وتساليه وتعرفي ليه حصل التغيير ده وارد انه يكون التغيير ده بسبب للاسف حد. موسوس الموضوع ده وهو تجاوب مع. الروج اللي المفروض ما يعرفش امراته وكل حاجه ده بيحصل من ناس كثير وممكن من ناس عارفه وناس من اصدقائه فيبدا يشوف انه لا انا اللي كنت بعمله غلط ولازم اغير من ده. فللاسف يتبع طريقه ثانيه هي مش الطريقه الصح. حقك انك تشوفي وقت كده مناسب وقت يكون فيه الجو رايق الولد مش موجودين انتم قاعدين في جو هادي وتتكلمي معاه الاول في اي حاجه ثانيه لما تتاكدي انه هو في موت كويس للكلام الموضوع ده معاه ايه اللي اغير ايه اللي حصل ما بيننا هل انا يعني حسيت ان انا كلامك معايا بيضايقك بتحكي لي حاجه وانا خليتك تندم على انك حكيت
تم النشر الخميس، ٢٩ أغسطس ٢٠٢٤
يمكننا أن نتناقش في كل نقطة من هذه النقاط بالتفصيل التام، لكن أخبريني أولًا: ما هو سبب تغيره؟ طالما أنه لم يكن هكذا في البداية؟ وهل يمكنك سؤاله عن ذلك؟
تم النشر الخميس، ٢٩ أغسطس ٢٠٢٤
لعرض السؤال في فدني اضغط هنا