السلام عليكم
كنت عايز اعرف ايه المشكله اللي عندي دي او انا بعاني من ايه وازاي احلها ..
ساعات لما بيحصل مثلا مشكله او بتكلم مع حد وكده فممكن يقول كلمه مثلا ما تعجبنيش او حاجه فدائما ردي بيكون صامت قوي يعني ممكن اسكت وما اتكلمش ولكن ل ..ا انا ببقى عايز ارد الكلمه بكلمتها ولكن بسكت مش عارف ليه حصل حتى مديري في الشغل كان بيتكلم معايا وكده فالمهم قال كلمه في انا سكت كده ومش عارف ارد هي الفكره ان انا ما بعرفش اخد اكشن مره واحده ممكن اقول مثلا اسيبه مره والثانيه وفي الثالثه هديهم لهم كل اجيب له القديم و الجديد مش عارف ليه
وعليكم السلام محمد, الواضح إنك بتحس بصعوبة في الرد لحظياً على الأحاديث أو المواقف الصعبة، وده طبيعي عند ناس كتير. الصمت في المواقف دي ممكن يكون نتيجة لخوف من رد الفعل، أو قلق من عدم قبول كلامك، أو حتى تعبير عن عدم الرضا عن الوضع. ممكن تحاول تعمل شوية خطوات علشان تحسن من قدرتك على الرد: التحضيرات الذهنية : حاول تتخيل مواقف مختلفة وتحضر الردود اللي ممكن تقولها، ده هيخليك أكثر استعداد. التدريب على التعبير : ممكن تتدرب مع أصحابك أو أصدقائك على النقاشات، وكون فيها صريح وصادق. التنفس العميق : قبل ما تتحدث، خد نفس عميق. ده ممكن يساعدك تقلل من التوتر. تقبل ردود الأفعال : مش كل ردود الأفعال هتكون واضحة أو مثالية. حاول تتقبل أن ممكن تحصل مواقف مش مريحة. العمل مع نفسك : حاول تفكر في المواقف اللي تخليك تتصرف بشكل مختلف، وركز على تطوير نفسك. لو الموضوع مستمر وبيأثر على حياتك بشكل كبير سواء في الشغل أو حياتك الشخصية، يمكن يكون من المفيد تتكلم مع مختص أو مدرب حياة. أتمنى لك كل التوفيق!
تم النشر الأربعاء، ٢١ أغسطس ٢٠٢٤
وعليكم السلام ورحمه الله وبركاته طب خليني اقول لك هو ده اللي بيحصل ده ممكن بيحصل يا اما علشان خاطر انت بتحسب ردود افعال اللي قدامك بشكل مكثف قوي يعني انت بتقول هو انا لو رديت عليها الرد ده هيقول لي ايه او ممكن يحصل ايه او ممكن انا اضر ازاي بسبب الرد اللي انا هرده فلذلك مخك بيوقفك عن انك تطلع اي ردود تمام او انك بيكون عندك احتمالات كثير جدا يعني انا ممكن ارد اقول كذا وممكن ارد اقول كذا وممكن ارد اقول كذا فعندك ردود كثيره جدا فمك بيحتار ايوه يعني مطلع ايه فلذلك بيقف يعني هو مش هياخد اكشن وهيسيبك ترد رد منهم طالما انت عندك اكثر من رد وما عندكش رد واحد فشوف انهي حاجه فيهم اللي بتحصل معاك يعني واحاول اساعدك
تم النشر الخميس، ٢٢ أغسطس ٢٠٢٤
فكر كدا مع نفسك شخص اللي بيقولك كلمه دي ضايقتك ليه هل مثلا شخص ده شايفك احسن منه فكلمه دي بيخرج بيها اللي جواه ولا اصل مكنش يقصد بس كلام ده مرتبط عندك بموقف سابق واخدت حاجه بمحمل شخصي وهل الشخص اللي قالك الكلام ده بتشوفه بصفة مستمره ولا قليل لو بتشوفه كل فين وفين التجاهل هو افضل حل لو بصفة مستمره لازم تحط حدود بس لما ترد ترد باسلوب لبق ومحترم لان في ناس ممكن تغلطك او ممكن يكون شخص خبيث ويقلب طرابيزة عليك.
تم النشر الخميس، ٢٢ أغسطس ٢٠٢٤
هل كان المدير على حق في كلامه أم أنه ظلمك؟ وهل تكون متوترًا عادة أم تقصد أنك تتعمد تمرير الموقف لحكمة في نفسك؟
تم النشر الأربعاء، ٢١ أغسطس ٢٠٢٤
لعرض السؤال في فدني اضغط هنا