انا عندي صديقه نقدر نقول سامه فضلت معاها حوالي سنه و نص و كنت بحبها جدا و بهتم بيها جدا و بدون مقابل للاهتمام او الحب دا و كنت كل لما اسأل ليه بتعمل كده تتحجج بالبيت و الظروف و الوقت و كده و انا ديما كنت اجي علي نفسي و احيانا منامش علشان اكلمها دا غير اني معنديش واي فاي بس هي عندها و انا لسه صغيره ف كنت باخد فلوس من اهلي و اجيب كروت شحن علشان اكلمها احيانا اهلي بتبقي الحاله الماديه مش احسن حاجه كنت ازعق و مسكتش غير لما اخد و اجيب و اكلمها
المهم انا بقالي حوالي شهر بعيده. عنها بعد ما خلاص مبقتش قادره
حاليا هي مش سيباني ف حالي يعني انا تالته ثانوي دلوقتي و هي معايا بس ديما تبين نفسها تعبانه قدامي و انا طبعا بروح و بسألها انت كويسه او لا محتاجه حاجه و كده
امبارح كانت هي تعبانه انا روحت قولتلها انت كويسه قالت اه و سكتت بعدين سألتني معاكي ارقام اهلي لسه انا قولتلها لا ليه محتاجه حاجه عايزه ترني عليهم قالت لا بس كنت عايزه لو حصلي حاجه او كده ترني عليهم تقوليلهم قولت خلاص هاتي اسجله تاني قالت لا و زعقت و عيطت
فانا دلوقتي مبقتش فاهمه حاجه هي عايزه مني ايه زمان كانت ديما تلمح انها عايزه تبعد بكل الطرق سواء معامله مش كويسه او كلام مش كويسه كانت ديما تقولي اني بقلدها و مع اول مشكله تدعي عليا و تقول لا سامحك الله و مره قالت حسبي الله و نعم الوكيل و كنت باجي اصالحها حتي لو كانت مشكله عاديه اقعد بالاسبوع بس انا كنت من كلمه بتصالح عادي
دلوقتي انا مش عارفه المفروض اتصرف ازاي انا مبخاصمش حد و ديما بسأل الكل اخبارك قريب او بعيد وانا قولتلها هعاملك علي اساس كده بس هي بتستغل دا انا مش عارفه هي عايزه مني ايه بجد و تعبت و مبقتش عارفه اذاكر و ديما سرحانه و ماما حكتلها شويه حاجات بس مش عارفه اتصرف
ممكن بجد تردوا عليا علشان انا لسه اول شهر ثانويه عامه و عايزه الحق الموضوع علشان اروح لدراستي و اشتغل عليها
ده خبيثه وعايزه تعطلك ابعدي عنها واقطعي علاقتك بيها تماما وهما تعمل افتكري انها بتعمل كده عمدا علشان تعطلك وعلى فكره دي هي الي شايفكي احسن منها ذي عقده نقص عندها ابعدي تماما ولو حاولت تتعامل معاكي لا تسمحيلها عامليها معامله وحشه وتكبر لحد تخلصي منها وركزي في صلاتك ومذاكرتك انا لسه طالعه من ٣ ث وبقولك هي عايزه التزام وحل كتير ومحاوله اشتغلي وقتك بيكي بس انت مش فاضيه وانت اهم وأهلك في الكليه هتلاقي ناس محترمه مش الأشكال دي
تم النشر الأحد، ١٨ أغسطس ٢٠٢٤
السلام عليكم ورحمه الله. بخليني اقول لك يعني من اول جمله كده انا صديقتك هي شخصيه سامه هي ما قصدتش تكون شخصيه سامه ولكن للاسف اوقات كثير بنبقى يعني احنا كده. اللي صنعنا البابا وبعد كده نخاف منه. فانت باهتمامك ازاي بالجوع الزياده اللي انت فيها لها وبتلهفك انتي عليها هي بطبيعتها البشريه استحلت وشافت ان هي مش محتاجه تنزل اي مجهود تجاهك عشان خاطر انت تكوني مهتمه او ان يكون الموضوع متبادل خلاص فهي يعني تفضل مجهود تجاهك ليه ما انت بتعملي كل حاجه بتعملي كل حاجه حرفيا بتعملي بزياده كمان زي ما انت بتوصفي وانتي كل اللي هي محتاجه وقت. فلذلك هي خلاص استثاغت الموضوع.
تم النشر الأحد، ١٨ أغسطس ٢٠٢٤
يا حبيتي، واضح إنك في موقف صعب جدًا وبيشغلك كتير. العلاقات أحيانًا ممكن تكون معقدة، خصوصًا لو كانت مش متكافئة. أنتي بذلتي مجهود كبير وحب كبير، لكن واضح إن الصديقة دي مش مقدرة كل اللي عملتيه. كأنها بتستغلك أو بتخبي عنك مشاعرها الحقيقية، ودا طبعًا مش صحي. أول حاجة، حاولي تلاقي وقت لنفسك. تركزي شوية في دراستك، لأنك في مرحلة مهمة في حياتك. دراستك أولى، ولازم تدي لنفسك المساحة تدرسي وتنجحي. أما بالنسبة لصديقتك، حاولي تبقي واضح مع نفسك. إذا حسيت إن العلاقة دي مش مفيدة ليكي أو بتخليك مضغوطة، يمكن يكون من الأفضل تبتعدي عنها شوية. مش غلط إنك تحطي حدود. إسألي نفسك: "هل العلاقة دي بتجعلني سعيدة، ولا بتحملني هموم أكتر؟" إذا كانت الإجابة تاني، حاولي تبعدي شويه. حاولي تكلمها وتقوليلها إنك ما عادتش قادرة تتحملي الضغط سواء بسببها أو غيرها. وإذا كانت محتاجة مساعدة فعلًا، شجعيها على طلب الدعم من حد تاني. أنتِ مش مسئولة عن مشاكلها، ولازم تفكري في صحتك النفسية كمان. خدي نفس عميق وركزي على نفسك، وكوني قوية. الأمور هتنحل مع الوقت، إن شاء الله.
تم النشر الأحد، ١٨ أغسطس ٢٠٢٤
هي مش بتحبك ولا عاوزاكي صحبتها واللي بتعمله ده اتنشن ، لما انتي بعدتي عنها فقدت اهتمامك الجميل ده ف هي بتحاول تشوفه تاني ف انها تعمل حاجات قدامك عشان تحاول انها تشوف اهتمامك ده تاني عارفه ان صعب في انسانه قلبها أبيض زيك انك تسيبيها لو اتألمت قدامك او عملت اي حركه تخليكي عاوزه تروحي تساعديها بس لما تعمل كدا حاولي متبصيش ومتركزيش ويستحسن لو تاخدي دروسك واي حاجه دراسيه بعيد عن الأماكن اللي هي فيها ومتشغليش بالك بأي حاجه غير دراستك لإن اي حاجه تانيه هتوقعك وخصوصا في حته الصحاب دي لإن ف السنه دي بالذات المصلحجيه هيظهروا كتير اوي ...ربنا يبعد شرها عنك وخدي بالك من نفسك كويس يا حبيبتي وربنا يوفقك ♥️
تم النشر الثلاثاء، ٢٠ أغسطس ٢٠٢٤
لعرض السؤال في فدني اضغط هنا