كنت بكلم ولد قبل كده وطلب مني حاجات وحشه وكنت صغيره جدا كان عندي 13 سنه وكنت متمسكه بمبادئ كتيره واقعد يلعب في دماغي انها حاجات عاديه ومفيش اي حاجه وحشه في الموضوع ووثقت فيه وصدقته للعلم انو اكبر مني ب 3 سنين المهم حاولت اهرب منه وبعدت عنه بطريقه غريبه جدا وفضلنا سنتين بعاد عن بعض وبجد كنت اسعد انسانه في الحياه لما بعدت عنه جه من كام يوم حاول يوصلي وراح كلم اخويا علي اساس انو واحده صحبتي واخد من اخويا رقمي الجديد وكان عندو استعداد يكلم ابويا ويقوله علي كل حاجه لو مكنتش كلمته المهم كلمته وحاولت اتفاهم معاه ووصلنا لحل شبه كويس بس هو مصمم انو مش عايز يبعد وعايز يتجوزني وانا وصلتهاله بكل الطرق اني مش عايزاه ومش عايزه اتجوزه ولا عايزه اعرفه وعايزاه يبعد عني باي طريقه وبقيت اكدب على الرغم اني مش بحب الكدب بس كدبت كذه مره عشان يبعد عني وهو برضو مش عايز يبعد مع العلم انا حاليا عندي 17 سنه وهو 20 يعني حتي جواز مينفعش بس هو عندو استعداد يستناني مع العلم تاني ان انا وهو مش شبهه بعض ف اي حاجه حتي بالطبقات انا طموحه جدا وعايزه ادخل طب وبتاع وهو مش معاه ثانويه عامه حتي ف بجد انا عايزه حل ابعد عنه بيه اعمل ايه بجد انا نفسيتي متدمره بسببه وخايفه يفضحني ف مره وانا والله متربيه تربيه مش ثاذره اقولكوا واهلي ناس متدينه ومحترمه جدا بس كانت غلطه غصب عني وانا صغيره اسفه لو طولت عليكو
من وجهه نظري ان أفضل حل يس هو صعب بس دا ميمنعش ان دا الصح انك تكلمي والدك ووالدتك لكي تتملصي من بين يدية لانك الان تتعرضين لابتزاز عنيف واستغلال وكل ما بيعدي الوقت كل ما المشكلة بتكبر اكتر واكتر وبتتعقد فا دا اسلم حل وانت اهم حاجة انك توبت امام الله وعرفت الصح واول حاجه انك تعملي اكتر حاجة بتهربي منها وهو دا الحل الاصح
تم النشر الخميس، ٣٠ مارس ٢٠٢٣
بصي النوع ده بيبقا جبان اكتر مما تتخيلي، وبيبقى عايز يبتزك بكل الطرق، علشان هو عارف انك هتخافي، وهتستسلمي. بس مش لازم اللي حصل زمان يحصل تاني. اعملي له بلوك من كل حته، وخليكي محتفظة بكل حاجة هو بعتها، علشان لو محترمش نفسه انزلي واعملي له بلاغ ... الموضوع دلوقت بيتاخد فيه اجراءات وفيه سجن كمان ... مبقاش زي زمان. خليكي جامدة كده، ومتخافيش ... هو مش هيعرف يعمل اي حاجه، واعملي له بلوك. وحتى لو اهلك عرفوا .. اهون مية مرة من واحد زي ده يبتزك.
تم النشر الخميس، ٣٠ مارس ٢٠٢٣
أضافه علي كل ال اتقالك.. لازم تسامحي نفسك وبلاش تجلديها وتقسي عليها آنتي كنتي صغيره واتعلمتي وربنا بيكفر عنك ذنبك بس أفضلي ادعي يتم ستره عليكي.. ويغفرلك ويحميكي.. آنتي كده محلوله عمليا والايجابات طمنتك أهو متخافيش بس بلاش نفسيتك تنسيها وتفضلي تجلدي ذاتك بالعكس زودي يقينك بربنا إنه حاميكي وحفظك
تم النشر الخميس، ٣٠ مارس ٢٠٢٣
أنا آسفة لما حدث لكِ عندما كنتِ صغيرة، وأنا أتفهم تمامًا الحالة التي تواجهينها الآن. ليس من السهل أن تتعاملي مع شخص يجبر عليكِ القيام بأشياء لا تريدينها، لذلك فإنني أرشح بالنسبة لكِ الاتصال بأخصائي نفسي أو مستشار للتحدث معه حول مشاعركِ ومشكلتكِ. يمكنكِ الحصول على الدعم اللازم لمساعدتكِ على تقرير ما الذي تريدين وما يمكنكِ القيام به لتحقيق ذلك والبعد عن هذا الشخص بطريقة سليمة وصحية. كوني قوية ولا تيأسي، فأنتِ تستحقين الحياة السعيدة والفرحة ولا يوجد شيء يستحق الانحناء له.
تم النشر الخميس، ٣٠ مارس ٢٠٢٣
النوع دا مريض طالما دخل ف سكة ابتزاز هو مش ناوي خير وهو لو عاوزك بجد عمره م يبتزك وهيطلبك بأدب ولو رفضتي يحترم رأيك طالما هو عامل فيها بيحبك بلوكات وقبلها تعرفيه يبعد عنك عشان متبلغيش مباحث الانترنت ولو هدد تاني قولي له اعمل اللي انت عايزه انا عندي استعداد اقولهم انا كل حاجه اكيد هيخلع ولو قريبة من والدك أو اخوكي حاولي تعرفيه الموضوع عشان يبقو سند ليكي وقولي لهم انك كنت صغيره ومش ناضجه كفاية واتضحك عليا وندمانة واتعلمت من الغلط دا وهتكوني خلصتي من حمل كبير ع كتافك ربنا يهدينا جميعا
تم النشر الجمعة، ٣١ مارس ٢٠٢٣
حبيبتي هو ولا هيجى يتقدملك ولا حاجه.. هو بيحاول يرجعك عشان يمسك عليكى حاجه تانى ويذلك تانى وتبقي ف ايده زى ما عمل زمان خلاكى تثقي فيه عشان تعملي اللي يطلبه هو بيكرر ده بس انتى كبرتى وفهمتى .. حبيبتي اللى بيعمل كده مش بيتجوز ولا ف دماغه هو بيثبتك وانتى حاطه نفسك ف حته انه اهلك هيرفضوه وخايفه يرفضوا ايه بس مفيش موضوع حبيبتي هو بيجر رجلك بوعود جواز على اساس انه لما بوعدك يبقي كده انتي خلاص بتعته ويكرر اللي عمله بلوكات حبيبتي مفيش موضوع اصلا
تم النشر الجمعة، ٣١ مارس ٢٠٢٣
اول حاجه انتي محتاجه تكوني قويه ومتماسكه جدا جدا ومتبينيش ليه انك خايفه منه وامنعي كلام معاه ولو هددك بأي حاجه اول حاجه تاخدي اسكرين للتهديد او تسجيل صوتي وتبلغي عنه او ف صفحه قاوم ابعتيلهم تاني حاجه فهميه انك مش خايفه وانك اصلا من وقتها قلتي لأهلك انك كنتي عرفاه ف براحتك روح كلمهم هم اصلا لو شافوك هيبهدلوك بس وانتي تفكيرك صح جدا ومبسوطه قوي ان ده تفكير بنت ١٧ سنه ماشاءالله عليكي تفكيرك اكبر من سنك ركزي ع دراستك وع حلمك الي توصليله واستغفري ربنا وادعيله كتير يحميكي من الشخص ده
تم النشر الجمعة، ٣١ مارس ٢٠٢٣
هو ممكن يوصل لوالدك ازاي غير أنه يقابله بنفسه مثلا ولا أعتقد أنه هيجرؤ يعمل كدة فاعملي له بلوك في كل حتة زي ما محمد نصحك وانسيه نهائيا وادعي ربنا يكفيك شره وما تحاوليش معاه تاني - اعملي له بلوك مباشرة وفي أسوأ الظروف لو تجرأ ووصل كلامه لحد من أهلك وأهلك عرفوا اعملي له مباشرة محضر ابتزاز إلكتروني واسجنيه https://almalnews.com/تعرف-على-عقوبة-جرائم-الابتزاز-الألكتر/
تم النشر الخميس، ٣٠ مارس ٢٠٢٣
بصي هو انا شايف انك مهما عملتي هو اي حاجة نفسه فيها حيعملها عشان هو يعتبر ماسكك من أيدك البتوجعك عشان معاه رقم اخوكي زي مقولتي وممكن يتكلم في اي لحظة لو معملتيش الهو عايزه حلك انك تبلغي حد قريب منك سواء اخوكي او والدتك او ابن خالتك اي حد قريب منك في العيلة هو يتعامل معاه وتقوليله اعمل الأنت عايزه وان عيلتك عرفه الحوار وبكدة هو ميقدرش يزلك او يمسك حاجة عليكي اتمني تكون فهمتي وجهة نظري وأكون قدرت اساعدك
تم النشر الخميس، ٣٠ مارس ٢٠٢٣
شوفي النوع الطفيلي من الناس دة جبان وهو غالبا كان بيكذب عليكي لما قال لك كان هيكلم والدك .. وطالما هو مش شبهك فأكيد والدك مش هيخليه يدخل البيت يتقدم لك من الأصل ولو قال كلمة واحدة في حقك والدك هيتصرف معاه
تم النشر الخميس، ٣٠ مارس ٢٠٢٣
اعمليله بلوكات علي اي حاجة علي السوشيال ميديا كلها متخليش حاجة يقدر يوصلك منها وامسحي اي حاجة ليها علاقة بيه علي فونك وطلام ماهو دليل او اي حاجة انه كلمك ومسحها يبقا خلاص لو كلم حد اكيد محدش عندك حيصدقه بسهولة
تم النشر الخميس، ٣٠ مارس ٢٠٢٣
ده غير انا قربت من ربنا جدا جدا الحمدلله وبسببه برجع لنقطه الصفر وانا مش عايزه كده انا عايزه افضل قريبه من ربنا
تم النشر الخميس، ٣٠ مارس ٢٠٢٣
طب مفيش حد بتثقي فيه يكون من قرايبك مثلا يكلمه ويخلص معاه الحوار سواء بالذوق او بالعافية وفي نفس الوقت يفهمه بالطريقه ان أهلك عرفوا والعنده يعمله عشان ميلويش دراعك مرة تانية
تم النشر الخميس، ٣٠ مارس ٢٠٢٣
اولا الكلام مش بفلوس ده عايز يستغلك ولا هيتقدم ولا غيرو ولا ده شخص يتقبل بتصرفه ابتزيه زاي مابيبتزك بس بذكاء كدا وتحسسي انك قولتي لي اهلك وردة فعلك القويه وثباتك هيحس انك وراكي حد متبينيش ضعفك وهددي انك هتبلغي عنه
تم النشر الجمعة، ٣١ مارس ٢٠٢٣
ده غير يا محمد ساعت ما قطعت معاه ده عملتله بلوك فاجأه ومكنتش محذراه ولا معرفاه ان في بلوك او حاجه وساعتها قعد طول السنتين بيدور عليا وبيحاول يوصلي ولولا ما انا كلمته لما عرفت انو كلو اخويا قالي انو كان هيكلم بابا وكده
تم النشر الخميس، ٣٠ مارس ٢٠٢٣
ده غير مش هيقابل والدي لانو معندهوش الجرأه بس ممكن يكلمه علي النت
تم النشر الخميس، ٣٠ مارس ٢٠٢٣
هو معندهوش الجرأه انو يوصل حاجه لحد من اهلي بس انا خايفه لو جه يتقدم واهلي موافقوش وده الي انا متاكده منو ان محدش هيوافق عليه لانو مش شبهنا خالص ف يتكلم او يقول حاجه او يقول كلام وحش عليا للناس واي حد يجي يتقدملي يبقي عليا كلام وحش وانا والله ما كده
تم النشر الخميس، ٣٠ مارس ٢٠٢٣
قلت اخر مره هحاول معاه النهارده
تم النشر الخميس، ٣٠ مارس ٢٠٢٣
اها
تم النشر الخميس، ٣٠ مارس ٢٠٢٣
ياعني مشكلتك دلوقتي في إنك تبعدي عنه وميكلمش أهلك بأي طريقة صح؟
تم النشر الخميس، ٣٠ مارس ٢٠٢٣
ده غير بالنسبه لحد بثق فيه ف لا خالص
تم النشر الخميس، ٣٠ مارس ٢٠٢٣
انا اصلا معرفاه ان اهلي عرفوا اني بكلمه وبتاع وبهدلوني وكده بس انا خلاص اتصرفت في الموضوع وبقي مش معاه حاجه يلوي دراعي بيها ولا صور ولا حاجه بس هو متمسك بيا اوي وعايزني معاه ومصمم يتجوزني وانا مش عايزه ونسيت اقول ان دي حاجه من الي كدبت عليه فيها واهلي معرفوش حاجه وانا بقوله كده عشان يبعد وبس
تم النشر الخميس، ٣٠ مارس ٢٠٢٣
مبدايا اخويا ده مش كبير خالص اخويا ده اصغر مني اصلا وعندو 10 سنين بس هو استغل ده انو ياخد منو رقم تلفوني مش اكتر ده اولا ثانيا انا مش قادره اتكلم عشان لو اتكلمت هيقتلوني بجد
تم النشر الخميس، ٣٠ مارس ٢٠٢٣
لعرض السؤال في فدني اضغط هنا