مشاكلى اللى حصلت واللى بتحصل واللى كمان هتحصل كلها تتعلق بوالدى. أنا قصتى ابتدت لما ماما اتجوزت بابا غصب عنها وده بسبب جدى الله يرحمه زمن ساعتها ماما دايما بتتهان من بابا ومن عيلته علشان هى الزوجة التانية وكمان عايشة فى بلد غريبة عنها أوقات كانت بتتضرب من عيلته قدامه كمان. جدو كان بيشوف ده بس كان مش بيعمل حاجة علشان ماما كانت متجوزة قبل كدة وكمان علشان الناس فخاف يطلقها. وفضلت مستحملة كل ده لغاية لما اتولدنا وبعد كدة حصل أن ابن والدى من زوجته الأولى كان عايز يقتل ماما بس ربنا ستر والسكينة جات فى دراعها الكلام ده حصل من زمان جدا وأنا فى ابتدائى ودلوقتي أنا فى رابعة كلية بس فاكرة كل حاجة زى ما يكون حصل امبارح. والدى للأسف شخصيتى ضعيفة ودايما بيكدبنا علشان احنا زى ما بيقول ولاد واحدة غريبة أنا مش بكره والدى بس بصراحة تعبت من أنى بشوف أمى بتتعب وبتتهان من والدى ومن مراته ومن عيلته واحنا مش عارفين نعمل حاجة حتى ندافع عن نفسنا لأن والدى ممكن يمنع عننا المصروف كالعادة ودلوقتي بقى يحاسبنا بالجنيه ومش بيعمل ده مع زوجته الأولى ولا ولادها. أنا حاسه أنى بموت بالبطئ ومش عارفة اعمل إيه .
حاولي تشتغلي واخواتك لو كانوا كبار هما كمان يشتغلوا علشان تبقوا مستقلين ماديا على الاقل. تاني شئ، حاولوا بقدر الامكان انكم تختصروا، يعني الكلام يبقى رسمي ما بينهم وما بينكم. علشان ميبقاش فيه مشاكل. او على الاقل تبقى قلة. ثالث شئ، حاولوا مع والدكم انكوا تكسبوه ناحيتكم .. تحببوه فيكم وتحسسوه بالحب ده من ناحيتكم، وتبروه .. ده مهما كان والدكم، ولكن لو الامر ده مستحيل، ووالدكم برضه مازال بيفتعل المشاكل، يبقى لا يبقى الا البر، وتجنبوا انكم تفتعلوا المشاكل برضه معاه. كل الكلام ده طبعا في حالة انك والدتكم مش عايزة تنفصل .. ومفيش بديل ليها. وربنا يعينكم.
تم النشر الأحد، ٢٨ يناير ٢٠٢٤
مثل هذه الحالات لا ينفع معها إلا أمران اثنان الأول الدعاء واللجوء إلى الله سبحانه وتعالى والثاني هو السعي للنجاح السعي للكسب السعي للاستقلال المادي والإستغناء وبناء الذات وتنميتها، ثم مواجهة الاب من خلال التحدث معه بلطف او عن طريق الواتساب تقولوا له هو احنا ذنبنا ايه اوجدتنا إلى هذه الحياة عشان نتعذب ولا ايه احنا لنا حق نستمتع مع بابانا ولا ايه هو اذا كنت متجوز ماما غصب ليه قررتوا الانجاب.. احنا يابابا مش عايزين من الدنيا حاجه غير شوفتك بخير واحنا نحبك كثيرا ومالناش غيرك بالدنيا دي. أيضا عليكم الاتجاه نحو الرقية الشرعية ووضع مشكلتك بمركز باسم الله الشافي ابحثي عنه فيسبوك او جوجل
تم النشر الأربعاء، ٣١ يناير ٢٠٢٤
بجد أعظم والنصايح فالموضوع ده لن تغنيك عن صلاة قيام الليل تتكلمي مع ربنا وتدعي يزول همك ويساعدك ويهدي باباك ويحذف في قلبه الحنية علي مامتك وعليك، حاجة تانية رغم جرحك الكبير معذرة لو هقولك بالرغم ال بتحكيه قربي من باباك بجد وده من وجهة نظري ليه فايدة وده لأن زي م قولتي أن شخصيته ضعيفة يعني ممكن جدت مراته الأولي وولاده هما سبب غضبه عليكم وتسخينه، ف يمكن رد فعلكم لو معاكس لفعله يتذبذب ف لهيتحاشى أصلا لإما هيهدي خالص لكن هرجع وأقول أن هيهدي وهيثور ومش هيستقر لكن علي الأقل هيكون فيه مدخل كان المفروض وأسفي ليك أن مامتك تتطلق من إيمتا وربنا بيرضي الذل والإهانة لعباده لما أحنا نرضاه علي نفسنا؟! لكن معلش ده إبتلاء وهتأجري عليه وهيتحاسب عليكم وارجع وأقولك ربنا بيهدي قلوب ناس كانت كالحجارة مش قادر أنه يهدي قلب باباك ويحننه عليكم؟ أنتِ بس صلي قيام ليل وأدعي واحكي لربنا هيحلهالك وهيصبر قلبك وقلب مامتك حتي تتهيئ الأسباب؟ بتصلي؟ صلي لو مش بتصلي ملكيش غير ربنا وصلاتك وقربك من ربنا والله العظيم تربك الظالم والقاسي
تم النشر الاثنين، ٢٩ يناير ٢٠٢٤
ادعي ربنا يصلح حال الوالد وحاولي تاخدي حقك بالادب وبكل ثقه تعملي شخصيه لنفسك وخواتك وامك وفي الاول تكوني واثقه في ربنا اهم حاجه
تم النشر الاثنين، ٢٩ يناير ٢٠٢٤
شكرا بجد لكل التعليقات الجميلة واسأل الله العظيم أن يهدى أبى وكل من الأباء الذين يعاملون أبنائهم بجفاء سواء كان ماديا أو معنويا
تم النشر الاثنين، ٥ فبراير ٢٠٢٤
أنا كمان والدي هو سبب مشاكلي في الحياة هجاوبك الإجابة إللي دايما أخويا يقولهالي لما اشتكي من والدي ( ابوكي إختيار ربنا مش اختيارك ده أمر واقع اتفرض عليكي وزي ما ربنا اختارلك ده هو عارف هيعوضك ازاي في حاجات يا بنتي مبنقدرش نتحكم فيها بطلي تتعبي في نفسيتك على حاجات إنتي ملكيش زنب فيها ) الاب والام والاخوات مش هتقدري تغيريهم حلك الوحيد إنك تصبرب لحد ما تخلصي كليه وتشتغلي ويبقي معاكي فلوس تقدري تساعدي والدتك وربنا يعوضك بالزوج الصالح اللي ينسيكي الأيام إللي عشتيها من والدك
تم النشر الأحد، ٢٨ يناير ٢٠٢٤
نصيحه اقري كتاب "ابي الذي اكرهه" هيساعدك ان تتشافي من التعب النفسي اللي جواكي الكتاب جميل و كلامه واضح باللغه العربيه متوفر ف جوجل مجانا اكتبي هو عندي بس مغرفش طريقه ابعتهولك من خلال التطبيق ابحثي عنه ف جوجل هتلاقيه باءذن الله
تم النشر الاثنين، ٢٩ يناير ٢٠٢٤
لعرض السؤال في فدني اضغط هنا