السلام عليكم
انا بنت مسلمه عمؤي ١٤ سنه
زمان وانا صغيره كنت بمسك تليفون ماما او بابا وكنت بشوف حاجات اباحيه من وانا طفله بس مكنتش بالحاجات الكبيره اوي فا سنه ورا سنه الحال وصل للادمان علي الحاجات دس ولحاجات اكبر وحاجات من قوم لود كل ما ازعل بروح للحاجات دس وانا مش عارفه ابطلها دي عاده من الطفوله انا في ١٢ سنه بطلت اشوفها شهر وده كان رقم قياسي كنت بحاول اتوب منها بس رجعت تاني انا دلوقتي الحوار ده بقيت مدمنه فيه بشكل مش طبيعي وانا عارفه انه غلط وبحاول وربنا شاهد انا قد ايه بحاول بس فعلا انا مش قادره انا مش بنت وحشه ولا بنت مش محترمه بالعكس انا محترمه ب مكنش في حد يراقب عليا وانا صغيره ساعتها كنت مش عارفه الصح من الغلط ماما وبابا مكنوش بيتابعوني ولا يعرفوا انا بشوف ايه ولا بعمل ايه لحد ما وصل للادمان وتفكيري كلو حاليا حرفيا بقي وحش اوي مينفعش مراهقه تفكر فيه
واللي محيرني اكتر ان ربنا بيقف جمبي في حاجات كتيره اوي ويسترها معايا ملحوظه انا متقطعه في الصلاه
فا ليه ربنا بيعمل معايا كل حلو وانا مش استحق
وعليكم السلام ورحمه الله وبركاته البنوته الجميله المحترمه انا عايزه الاول اجاوبك هو ليه ربنا بيعمل معك كده ربنا حتى وان كان في ايده ان هو يعاقبنا والعقاب يكون من اول مره ولكن ربنا من صفاته انه الرحيم فالرحيم مش بيعاقب من اول مره. الرحيم بيكون عقاب وحق وفي الاخره العقاب هيبقى حق لانه اي حد هيتعاقب فهو اكيد قبلها فرص كتير جدا جدا جدا وربنا اداله نعم يقدر ان هو يوقف بها الغلط وما يعملش الغلط وبعت له انذارات وبعت له حاجات تساعده وقف جنبه بكل الطرق فلما يكون الشخص برضو كمل الغلط خلاص ساعتها يستحق العقاب فعلا ومش هيقدروا يقول اي كلمه. فشوفتي بقى ربنا دلوقتي بيعمل معك ايه ربنا بيشملك برحمته؟ وعشان انت كمان لسه صغيره ومش عايز انك تتعاقبي بالذنب اللي انت فيه جزء من الاسباب تقصير في حقك زي ما انت بتقولي بس انت ما شاء الله جميله عارفه ان ربنا مراقبك حتى لو انا ما فيش بابا وماما مراقبني بس ربنا مراقبني ربنا شايف انا بعمل ايه فانا لازم احترم مراقبه ربنا قبل ما احترم مراقبه ماما وبابا. احنا نحترم صفات ربنا ونعظمها صفه الرحمه القدره على العذاب نقدر الصفتين دول كويس قوي قوي قوي ونبدا ناخذ بالنا بقى من الخطوات اللي احنا هنعملها عشان نوقف الغلطه دي. طيب هنعمل ايه بقى اولا هنعمل لنفسنا احنا نظام مراقبه يعني مش هنسمح لنفسنا نكون قاعدين لوحدنا وما فيش حد جنبنا باصص علينا. حتى لو انا ماسكه التليفون خاص بي حتى لو انا ماسكه تليفون خاص به. انا اللي اكون عامله الرقابه على نفسي باني احط نفسي في وضع انا ابقى قلقانه فيه.
تم النشر الثلاثاء، ٢٨ مايو ٢٠٢٤
راقبى حياتك الدينية واستغفري ربنا كتير و راقبى صلاتك وبالتدريج ابتعدى
تم النشر الثلاثاء، ٢٨ مايو ٢٠٢٤
وعليكم السلام يا حبيبتي. أول حاجة حابة أقولك إنها شجاعة منك إنك اتكلمتي وصارحتي نفسك وطلبتي المساعدة. كلنا بنمر بمشاكل ونحتاج حد يسمعنا ويدعمنا. بدايةً، لازم تعرفي إن الله رحيم وغفور وبيحب عباده جدًا، ويمكن اللي بتشوفيه إنه ربنا بيساعدك وبيقف جنبك إشارة إنك تستحقي الأفضل وإنه في أمل دايمًا. طبعا الإدمان على المحتوى الإباحي مشكلة كتير بيواجهوها ومش بالساهل التغلب عليها، لكن مافيش حاجة مستحيلة بإرادتك وبمساعدة ربنا. هقولك على شوية خطوات هتساعدك: ١. خطوة بخطوة: مش لازم تتوقفي مرة واحدة، ممكن تخفي المعدل تدريجيًا. ولو قاومتي يوم كامل، افتخري بنفسك. ٢. غيري العادات اليومية: وقت ما تحسين إنك عاوزة تشوفي المحتوى ده، حاولي تعملي حاجة تانية. زي القراءة، الرسم، الرياضة أو أي هواية بتحبيها. ٣. ابحثي عن دعم: لو بتحسي إنك مش قادرة لوحدك، ممكن تتكلمي مع حد تثقي فيه؛ زي صديقة، أخت، أو حتى ممكن تستفسري من مستشار نفسي. ٤. قربي من ربنا: الصلاة والدعاء بيكونوا شكل من أشكال العلاج الروحي. مش لازم تبدأي فجأة تخلي صلاتك كاملة، ابدأي بخطوات بسيطة وذبطي وقت معين كل يوم للصلاة. ٥. تجنبي المحفزات: حاولي تبتعدي عن أي محتوى أو مواقع ممكن توصلك للحاجات اللي بتشوفيها. وضبطي الموبايل أو الكمبيوتر اللي بتستخدميه عشان تصعبي الفرصة على نفسك للوصول للمحتويات دي. تقدري ذاتك: ماتشعريش بالذنب على طول، انتي بتعملي الأفضل اللي تقدري عليه. وإنك بتحاولي دي بحد ذاتها خطوة كبيرة. خليك مؤمنة أنك إنسانة محترمة وطيبة وبإرادتك ورغبتك إنك تغيري هتقدري توصلي لمكان أحسن. وأنا متأكدة إن ربنا هيوفقك ويعينك على تعديل حياتك. 🌸
تم النشر الثلاثاء، ٢٨ مايو ٢٠٢٤
من الحاجات إلي فرقت معايا إنك تغضي بصرك يعني متتبعيش نظرة بنظرة وما تطوليش في النظر برضو يعني جتي في النظرة الأولة متبحلقيش وبرضو فرق معايا صلاة في وقتها ،،صلي صلاة بهدوء يعني وانت واقفة تستحضري إنك واقفة قدام ربنا،، وَسِعَ كُرْسِيُّهُ السَّمَوَاتِ وَالأَرْضَ ،،يعني عرش موضع ربنا بس قد سموات والأرض ووانتي بتركعي برضو بتسبحي براحة مش بسرعة وبرضو في سجود بتسبحي براحة وتتوضئ وضوء صحيح عشان صلاة لازم تتديها حقها عشان تطهر قلبك وبرضو متسيبيش نفسك يعني ظهرلك حاجة إباحية متفضليش بقا عندك فضول تعرفي ايه ده وتعرفي إن نفس أمارة بسوء يعني نفسك ديه بتحب تتبع شهواته يعني مثلا إنتي نايمة والفجر أذن نفسك أمارة بسوء هتقولك ايه ؟! اكيد هي بتحب نوم فهتقولك كملي نوم وشيطان يجي يكمل دوره ويقولك طب نامي بس شوية وهنبقي نصحي ﴿ وَقَالَ الشَّيْطَانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ ۖ وَمَا كَانَ لِيَ عَلَيْكُم مِّن سُلْطَانٍ إِلَّا أَن دَعَوْتُكُمْ فَاسْتَجَبْتُمْ لِي ۖ فَلَا تَلُومُونِي وَلُومُوا أَنفُسَكُم ۖ مَّا أَنَا بِمُصْرِخِكُمْ وَمَا أَنتُم بِمُصْرِخِيَّ ۖ إِنِّي كَفَرْتُ بِمَا أَشْرَكْتُمُونِ مِن قَبْلُ ۗ إِنَّ الظَّالِمِينَ لَهُمْ عَذَابٌ أَلِيمٌ﴾ الشيطان وهوه في نار بيقولك لأهل نار إلي أتبعوا شهواتهم وحبو الدنيا بفلوسها ونومها وأكلها ونظر للحرام وهي الشهوات ،بيقولهم ربنا وعدكم قالكم في جنة وفي نار وبين ليكم الصح من الغلط وانا وعدتكم فأخلفتكم بعدين قالهم مكنش ليا عليكم سلطان إلا إني وسوست ليكم بإقتراح بس مش أكتر وأنتم الي ختو برأيي يعني الشيطان مثلا مجبش عفريت وغصبك تعملي معصية لا هوه قالك إقتراح بس فتخيلي بقا لو حطيتي نفسك مكان ناس دية مع شيطان ومتفتحيش باب للشيطان يعني غضي بصرك علي طول متفكريش كتير طب نشوف بس عبارة عن ايه طب بصة واحدة بس الشهوة لما بتيجي خلاص مبتقدريش هتلاقيكي نسيتي كل حاجة ووقعتي في الذنب ووالله الي بيقرب من ربنا بجد ولما بيسمع نصيحة أو لو عرف ربنا بيغضب من كذا وانت تركتي ذنب ده هتلاقي حلاوة الإيمان يعني تلاقي بقا السعادة وتحسي إنك فرحانة ده بقا النور الحقيقي ،،، الر ۚ كِتَابٌ أَنزَلْنَاهُ إِلَيْكَ لِتُخْرِجَ النَّاسَ مِنَ الظُّلُمَاتِ إِلَى النُّورِ بِإِذْنِ رَبِّهِمْ إِلَىٰ صِرَاطِ الْعَزِيزِ الْحَمِيدِ﴾ القرآن ربنا أنزله من سبع سموات مع سيدنا جبريل عشان يخرج الناس من الظلمات إلي هي فيها من الذنوب والمعاصي وإنها بتتبع شهواتها للنور إلي بجد وبإذن ربنا الأول إلي طريق ربنا العزيز القوي إلي ناس بتحمده أو خلقه يعني فالقرآن بيخرج من الظلمات إلي نور بإنك تتبعي تشريعات ربنا، ربنا بيقول ده حرام يبقا من غير نقاش حرام ربنا أمرك بصلاة أو غض بصر يبقي سمعنا وأطعنا ومينفعش نقعد نقول أشمعنا وانا مش مقتنع ،،أحنا عبيد لربنا بنسمع كلامه ومملوكين له فمستسلمين له وأخر حاجة وَذَكِّرْهُم بِأَيَّامِ اللَّهِ ،،، ذكري نفسك بربنا من نعمه عليكي وحصل ايه للأقوام أو الناس الي اتبعت شهواتها ربنا عاملهم ايه وتحطي نفسك مكانهم
تم النشر الجمعة، ١٢ يوليو ٢٠٢٤
سلوك اي فرد بيتم تشكيله من خلال البيئة المتواجد بها سواء كانت الأسرة او الاصدقاء او وسائل الاعلام وكل هذا يعمل على تشكيل وعي وسلوك الفرد مما يؤثر على أفعاله وبما انك بدون وعي منذ الطفولة قمت بمشاهدة بعض الأشياء التي تنتهك طفولتك ومع تكرارها تم التعود عليها الا انها بالطفولة كانت مجرد مناظر تثير بداخلك التطفل للتعرف على ما لا تعلمه ولانها اشياء غير اعتيادية ولكن مع وصولك سن البلوغ أصبح الامر له رغبة بداخلك للشعور بمتعة المشاعدة ولكن مع تكرار ذلك وعلمك انه مجرد سلوك سيئ ولأنك بنت جميلة من أسرة طيبة كان يراودك صراع بداخلك بين الاستمرار في رغباتك وبين الامتناع عنها تقربآ إلى الله ولأن الله يحبك ويعلم انك ضحية أسرة لم تهتم بمتابعة أمرك منذ الطفولة فكان الله يدعمك بالستر والجبر وأنت تعلم انها رسائل حب من الله فأصبح الأمر مخجل بداخلك لأنك تريد الابتعاد وترى دعم الله لك إلا أن ضعف نفسك لا يساعدك على ذلك ولجل أن تتعافي من تلك السلوك لابد من اتباع بعض الارشادات الاتيه ١/ تجنب الانطواء والوحدة وعدم اللجوء أكبر وقت ان تكوني بمفردك ولابد من التواصل مع صديقات للتخلص من اللجوء للوحدة والتي تكون مصدر للمشاهدة ٢/ ممارسة رياضة او مهارة مفيدة تستثمر بها طاقتك حتى لا يتم استغلال طاقتك في مجهود ونشاط سلبي من مشاهدة تلك الاباحيات ٣/ تجنب اي مثيرات خارجية من كلام او صور او افلام او افكار او بعض الاصدقاء الغير أسوياء ٤/ الاستمرار في التقرب إلى الله بالذكر والصلاة ومهما كان تواصلك ضعيف او متقطع إلا أن الله يساعدك ولم يخذلك أخيرآ لو كانت تلك الارشادات لا تستطعي ان تستمري عليها بمفردك وفي احتياج إلى دعم فأنا تحت أمرك ومجانآ بدون اي رسوم وربنا يحفظك ويبارك فيكي
تم النشر الأربعاء، ٢٩ مايو ٢٠٢٤
لعرض السؤال في فدني اضغط هنا