خطيبي عاوزني اتنقب، احنا قاريين فاتحة وانا الحمد لله لبسي واسع ومحترم جدا ومش ببين شعري خالص ومقبلة كمان اني البس الخمار بس النقاب مش مقتنعة بيه خالص وهو بيقولي لا لا هتلبسيه هقنعك ونا مضايقة هو محترم وكويس بس دي الحاجة الوحيدة اللي مضيقاني
اسيبه ولا اتنقب وخلاص
السلام عليكم ورحمه الله وبركاته. خلينا هنا يعني نبص للموضوع من كل الاتجاهات عشان تقدري تاخذي قرارك لانه ما حدش فينا هياخذ القرار مكانك ولا ينفع حد يقول لك تسيبيه ولا اتنقبي. اولا زي ما انت بتقولي هو شخص محترم وكويس. ممكن يكون بالنسبه له النقاب شرط اساسي في زوجته يعني هو ما يتحملش ان زوجته تكون غير منتقبه تمام فلو ده شرط اساسي بالنسبه له. فكان الاولى ان هو يشوف ااا بنت تكون منتقبه بس مفيش مشكله هو يعني شعر بقبول ناحيتك وحب ان هو يحقق الشرط ده اللي عنده بان هو يقول لك هاقنعك بيه ده احتمال وارد لان احنا ما نعرفش هل بالنسبه له النقاب ده شرط اساسي ولا يتحمل انه زوج تكون مش منتقبه ولا لا فدي نقطه يا ريت تبقي تستوضحيها منه علشان دي هتفرق بالنسبه لك. لانه لو شرط فاعرفي ان هو فعلا فعلا مش هيسيبك الا لما تنتقبي ومش هيستكمل الزواج الا لما تكوني منتقبه لو ده من جواه في نيته شرط اساسي ان زوجته ضروري تكون منتقبه ومش هينفع تكون مشقه. اعرفي انه هيبذل كل الجهد ويعني ممكن ياخدك الاول شويه بالاقناع وبعد كده الموضوع يقلب لا هو يا اما كده يا اما مش هكمل معاكي. فكري انت في الموضوع لو الموضوع كده انت هتقبلي ولا لا يعني لو دلوقتي الشاب المحترم الكويس لغايه يتقدم لك يقول لك انا عندي شرطه اساسي يعني انا بالنسبه لي احنا. عندنا قبول تجاه بعض وكل حاجه تمام ومناسبين لبعض بس يعني انا عندي شرط في زوجتي ان هي لازم تنطق فانت موافقه ولا لا ولو خدنا الموضوع من ناحيه ان هو اشتراط ها ايه رايك فكري كده معايا توافقي ولا ما توافقيش لو ده شرط عند الشخص اللي قدامك. تعالي ناخذ مع بعض الاحتمال التاني ان هو مش شرط بالنسبه له ولا حاجه. هو تقدم ليكي وحصل ما بينهم قبول وانتوا مناسبين لبعض ولكن هو مقتنع النقاب عفه وستر او هو ده الفرد ايا كانت قنعته ايه فهو حابب ان هو يعني يدفعك للافضل فلذلك بكل قوته هيحاول يقنعك علشان نفسه انك يعني تاخذي المنزله الافضل في مساله الحجاب والاحتشام وازاي الشرعي؟ فهنا هنقول انه. لو هو دلوقتي عاوزلك ااا الافضل وبيدفعك للمنزله الاحسن انت عندك استعداد دلوقتي نفسك وتروحي للمكانه دي ولا ما عندكيش استعداد خليني اقول لك لو عندك استعداد توكلي على الله ويعني اشكري الشخص ده ان هو اساعدك وااا اندفعت انك تاخدي الخطوه الجميله دي وان شاء الله تكون مقبوله وتاخدي بيها منزله مكرمه عند الله. ولكن لو انت مش متقبلاها وعندك شكوك وعندك من جواكي شويه لسه شهوه تجاه انه لا انا احب اكون بوشي مش محتاجه اخبيه ايا كان الحاجات اللي جواكي او بتدور في راسك فمنصحكيش انك تاخدي الخطوه دي دلوقتي وتقدري انت تقولي لا يعني انا معاك في ان هي خطوه جميله ولكن انا مش هقدر اخدها دلوقتي خليها لما انا اكون مستعده ليها. وان شاء الله لو هو بس عاوز يدفعك للاحسن يعني هيستنى عليك وهيفضل معاكي واا واحده واحده يكون جنبك وبيدعمك لحد ما ربنا يكرمك وتاخذي خطوه او كل خطوه وكل حاجه تقدروا تعملوها يعني تخليكم صحبه في الجنه ان شاء الله لكن لو شفتيه مش متقبل ان هو يستنى انك تقتنعي وتعملي الموضوع ده بقى ريحيه ولما انت تقدري تاخدي الخطوه هرجعك ثاني لانه غالبا هيكون الاحتمال الاولاني ان هو لا يقبل ان زوجته تكون غير منتقبه وهنا القرار معاك هل انت عندك استعداد تعملي حاجه ووقتها. وانت لسه ما عندكيش القناه الكامله بيها ولا لا؟
تم النشر الاثنين، ٤ نوفمبر ٢٠٢٤
أسيبه ولا أنتقب وخلاص في فرق ان يكون في نقطة خلافيه بيني وبين شريك الحياة ممكن نتناقش فيها وان يكون اما تواجهني صعوبه فالتواصل اسيب او اخسر الحوار او الشخص النقاب او اي عبادة بتتعمل لله خالصه لوجهه الكريم مش عشان شخص اما الشخص اللي بيعرض الأمر ممكن اوصلله وجهة نظري بهدوء مرة واتنين واوضحله ان الامر لله والأفضل يكون من جوايا وان في نقاط كتير زي كذا وكذا مثلا أنا بعملها تقرّبني من الله أكثر واني اما احاول فخطوة تقربا لله تكون خالصة لله في نقطة مهمة وهي الحوار والتواصل بينكم مش فالموضوع ده فقط ممكن تقرأي اكثر عن النقطه دي 🌷
تم النشر الاثنين، ٤ نوفمبر ٢٠٢٤
هو يريد لكي الستر في الدنيا كي يسترك الله في الاخرة نحسبه علي خير حاولي ان تستخيري ربك مادام لم يأمركي بمعصيه فمن الاحري ان تطيعيه ولا تبدأي حياتك بعصيان امره حتي يرضي عنك ربك اما بالنسبه للنقاب فان كشف الوجه ليس حراما لو إلتزمت الفتاه بما جاء في السنه عن وجه المرأه فإن إستطعتي ان تستقيمي علي ما أمر به الدين من عدم وضع مساحيق الوجه وتنميص الحاجب وغيرها من الامور المخالفه للدين وأغلب النساء لا يستطعن ان يتركن الميك آب ولا يخرجن إلا به فإن استطاعت المرأه ترك وجهها كما هو بدون زينه فلها ان تكشفه وإلا فالنقاب وسيله جميله لسد زرائع الفتن وستر جمال المرأه لزوجها وتذكري دائما انه من فعل شئا يبتغي به رضوان الله ارضاه الله عز وجل وما اجمل من ان ترضي الزوجه زوجها فذوجك بوابه العبور لكي للجنه كما قال النبي واطاعت زوجها قيل لها دخلي من اي ابواب الجنه شئتي اسأل الله العظيم ان يصلح بينكم ويجمعكم في الخير
تم النشر الاثنين، ٤ نوفمبر ٢٠٢٤
النقاب ، ليس مجرد لباس، بل هو حجاب إضافي من الحماية والخصوصية التي قد ترغبين في تجربتها، لتزداد مشاعرك بالأمان والطمأنينة في حياتك اليومية. سترين أنه قد يمنحك شعورًا خاصًا من الهدوء والتركيز بعيدًا عن أعين الآخرين، ويقربك أكثر من الله ومن حياتك الروحية. ارتداء النقاب ليس سهلاً، وأتفهّم أن فيه بعض التحديات. ولكنه قد يكون طريقاً يمنحك راحة داخلية وسكينة، ويزيد من ثقتك بنفسك، وأتمنى من قلبي أن تأخذي بعض الوقت للتفكير في الأمر، وتقرئي عنه، وتستمعي لقصص من جربوه وكيف أثر على حياتهم بشكل إيجابي
تم النشر الاثنين، ٤ نوفمبر ٢٠٢٤
هو النقاب بيكون للمرأه عفاف اكتر وقيمه اغلي بحيث انه ما حد يفدر يشوفها الا زوجها والمحارم ودي معتقد خطيبك ولي كل الاحترام حاجه تانيه النقاب ده كان بيلبسه أمهات المؤمنين يعني كمان عايزك تتشبه بخير نساء الأرض ده لو هو ما قالك النقط دي حبيت اوضحلك نواياه اللي المفروض تتقالك طيب هل النقاب ده ينفع يتأخد بالعافيه هقولك لا طبعا لا هو ولا أي إنسان يقدر يجبرك على طاعه زي دي انتي لو محجبه حجاب شرعي زي ما قلتي فكدا انت على حق من دينك طيب انا حابب اقولك انه هو لو بيحاول معاك ويقنعك لانه عايزك اغلى «وبيقنع فيك بكل هدوء ولين ومن غير اصرار» ففكري أيوا فكري لانه حقك تفكري وتقدري خطيبك لو الموضوع ارتحت لي تمام حاجه تانيه لو هو بيحاول يقنعك عافيه وعايزك بيه مثلا عشان يكون شبه صحابه المتدينين أو عاوز عشان منظره في العيله فلا تطيعي كراهيه لمصلحته ودي نصيحه لان بعد كده الشيطان هيدخلك من المدخل ده فبلاش لازم تتأكدي انه هين لين معاك خايف عليكي والقرار بيدك بردو وكمان افهمي عقليه خطيبك في حاجات تانيه كتير واتأكدي انه ما عندوش جمود فكري وبعد كده تقدري تقرري المصير ليك وبكامل عقلك وحريتك وبالتوفيق
تم النشر الاثنين، ٤ نوفمبر ٢٠٢٤
احلي شي النقاب
تم النشر السبت، ٩ نوفمبر ٢٠٢٤
انا كارتير شخصي النقاب جميل وكل حاجه وحاجه جميل جدا جدا كمان بس دا ممكن يكون يدل علي عيب فيه أنه متحكم لانه ممكن بعد الزواج يتحكم في حجات تانيه ذي ماتخرجيش متروحيش لا لا في حجات عاديه ممكن دا يدل علي شخصيته معاكي بعد الزواج فانتبهي منه كويس
تم النشر الاثنين، ٤ نوفمبر ٢٠٢٤
جربي ما دام هوا كويس وصفاته حلوه واستخيري ربنا قبل كل حاجه وربك عمره ما هيختارلك الوحش
تم النشر الاثنين، ٤ نوفمبر ٢٠٢٤
نصيحه اتنقبي ده كده بيحبك والله ومش عايز حد يشوافك غيره فهمتي هوه خلي بالك لو مش بيحبك كان سابك كده ولا نقاب ولا حاجه
تم النشر الاثنين، ٤ نوفمبر ٢٠٢٤
لعرض السؤال في فدني اضغط هنا