السلام عليكم
انا عندي ٢٨ سنة و ام لطفل عمره ٣ سنوات مغتربة عن اهلى و عايشة ف القاهرة مع زوجي و حرفياً لوحدي مليش حد هنا .. اكتشفت مؤخرا ان ابني خلاص بيكبر و بيروح حضانة و فكرت هل اقدر اشتغل تاني بعد ما كنت سايبة الشغل ٣ سنين هل فى امكانية ان الاقي شغل اصلا نظرا ان سني يعتبر كبير إلى حد ما و خصوصا اني مش خبرة ف مجال معين انا اشتغلت قبل الولادة كذا وظيفة من اول ما كنت بقف ابيع ف صيدليه لحد ما سافرت و اشتغلت كول سنتر فى شركة معروفة ..و ف نفس الوقت خايفة ما اكونش هعرف اوفق بين الشغل و البيت و الزوج و الاسرة و فكىت انى اتعلم حاجة اونلاين و يبقي شغلي فريلانسينج بس مش عارفه انظم افكاري خالص و تعبت من كتر التفكير
سنك مش كبير ولا الموضوع صعب بس لو لقيتى شغل من البيت هيكون افضل كتير ممكن تاخدى افكار من هنا عن وظايف اون لاين https://www.linkedin.com/posts/ahmedsalah-hr_ازاي-تلقي-شغل-ريموتلي-شغل-من-البيت-activity-7025804800801865728-9jB-
تم النشر الأحد، ٩ يوليو ٢٠٢٣
وعليكُم السّلام و رحمةُ الله وبركاته. خليني أقول وجهة نظري لحضرتك وليكِ حرية الإختيار لو حضرتِك شايفة ان الشُغل مش هيأثر على حياتِك الزوجيةة او هيأثر فِ تربيةة طفلك ( والولد ده اما يكبر ممكن يلومِك او هو يخس الإحساس ده انك قصرتي فَ تربيته او حاجةة) ممكن تتجنبية لفترة مش قصيرة بحيث متأثريش على علاقتِك مع زوجِك او إبن حضرتك وحتى يكون فيه وقت إسترخاء لنفسِك بعيداً عن ضُغوطات الحياة. اما لو الشغل ده الأون لاين او غيرة هيأثر فَ إبعدي عن الموضوع وبجد مش مشكلةة انك متشتغليش او ان حضرتِك كده أقل انتاجيةة من غيرك، بالعكس حضرتك اما تهتمي ببيتك وبنفسك وبزوجك وتربية إبنك عشان تطلعي لينا نبته صالحه للمُجتمع ده إلي محتاج ده الحقيقة دي حاجةة كبيرة أوي بجد ارجو تكون وجهة نظري وضحِت لحضرتِك وربِّ يبارك فيك.
تم النشر الأحد، ٩ يوليو ٢٠٢٣
حاولي تدوري على حاجه سهل تتعلمها من المهارات الحاليه زي البرمجه والتسويق واستمري فيهم من شهرين ل ٣ وان شاء الله تجدي العمل المناسب ،ثانيا قبل كل شيء هاتي ورقه وقلم وفضي كل أفكارك جواها ورتبها كويس اوي زي م انتي تحبي
تم النشر الأحد، ٩ يوليو ٢٠٢٣
ادرسي مخاطر وأضرار كل خطوة وشوفي الاقل ضرر ليك ول أسرتك واستخيري وتوكلي على الله وادعي كتير
تم النشر الأحد، ٩ يوليو ٢٠٢٣
لعرض السؤال في فدني اضغط هنا