ازاي اثبت علي التوبه من ذنب معين
كل ما ابطلو واعاهد ربنا برجع فيه تاني بس بزعل جدا من نفسي....
بس عمري ميئست من رحمه ربنا....
من الجيد أنّك لا تيأس من رحمة الله. التوبة واجب على المسلم ومهما كان عدد المرات التي تقع فيها بالذنب وتندم وتستغفر لا تتوقف عن التوبة ولا تيأس من قبولها ولا تيأس من نفسك. *حاول أن تعرف السبب الذي يجعلك عاجزًا عن الإقلاع عن هذا الذنب. *أكثر من الصلاة وقدر الإمكان حاول أن تحقق الخشوع فيها وادع الله كثيرًا وتقرب بالنوافل إن استطعت وقيام الليل. *اجعل لك وردًا من قراءة القرآن بتدبر فالقرآن شفاء لما في الصدور... القرآن يشفي ويطهر ويسمو بنا إن أعطيناه حقه وتدبرناه أثناء تلاوته وحاولنا القيام بما فيه من أوامر وتجنبنا ما فيه من نواهي وليس مجرد تلاوة بلا قلب ولا تدبر. *املأ وقتك بالأعمال المفيدة وتجنب الفراغ والأشياء التي تدفعك إلى الوقوع في الذنب. *عندما تفكر في فعل هذا الذنب حاول أن تُذكر نفسك بعظمة الله الذي توسوس لك نفسك أن تعصيه وبعهدك له ألا تعود لهذا الذنب. *وإن حدث وانهزمت بسبب طبيعتك البشرية كما قلنا لا تيأس ولا تدع الشيطان يوسوس لك أنّك ضعيف وعاصي ولا فائدة من محاولة التوبة لأنّك لا تستحق أو ستعاود الذنب. هدانا الله وإياك لما يحب ويرضى.
تم النشر الخميس، ٢٠ يونيو ٢٠٢٤
أولاً، كويس جداً إنك مش ميئست من رحمة ربنا، وده فعلاً شيء مهم ويدل إن جواك أمل وخير. عشان تثبت على التوبة لازم أول حاجة تكون واضحة مع نفسك وتحدد السبب اللي بيخليك ترجع للذنب ده. تحديد الأسباب : فكر في الأوقات والظروف اللي بتخليك ترجع للذنب ده. هل في صحبة معينة، مواقف معينة، ولا ظروف نفسية زي الاكتئاب أو التوتر؟ تغيير البيئة : حاول تبتعد عن أي حاجة بتفكرك بالذنب وتشجعك عليه، زي الصحبة السيئة أو المواقف المزعجة. قوة الإرادة : بناء الإرادة القوية بياخد وقت. حاول تمارس التقوى خطوة بخطوة واعمل جدولة للأهداف الصغيرة اللي ممكن تحققها. طلب المساعدة : ممكن تدور على أصدقاء أو أشخاص موثوق فيهم يساعدوك ويوجهوك للطريق الصح. الأنشطة الإيجابية : اشغل نفسك بأشياء إيجابية زي ممارسة الرياضة، القراءة، أو أي هواية بتحبها. الدعاء والاستغفار : ما تنساش تقرب لربنا بالدعاء والاستغفار بشكل مستمر، وربنا رحيم وقريب من اللي يطلبه بصدق. تذكر إن التغيير محتاج وقت وصبر. خليك دايماً عندك أمل وثقة في نفسك وفي رحمة ربنا.
تم النشر الأربعاء، ١٩ يونيو ٢٠٢٤
استعيني بالله وابعدي عن كل ما يساعدك على فعل الذنب ،، واعلمي أن أعظم الجهاد جهاد النفس ،، لا ياس من رحمه الله أبدا ،، ادعي دوما في صلاتك بالثبات على الطاعة ،، واجعل الصلاة على النبي دوما في لسانك تحياتي
تم النشر الخميس، ٤ يوليو ٢٠٢٤
لو تحول الذنب لطريق التوبه اعلى الشيطان ونفسك هيبطلوا لان كدا كدا دا بيزود ايمانك بمعنى بعد الذنب استغفر حصل تاني ورد استفعار اكبر حصل تالت استغفار وصلاه حصل رابع صيام واستغفار وصلاه هتبطل باذن الله اجتنب الفراغ +استمع للعلم +استمع لاهل الدين تصبح آمن وسعيد ان شاء الله
تم النشر الأربعاء، ١٩ يونيو ٢٠٢٤
"اللهم اني استغفرك لكل ذنب يعقب الحسره أو يورث الندامه او يرد الدعاء او يحبس الرزق اللهم اني استغفرك من كل ذنب تبت منه ثم عدت إليه اللهم اني استغفرك من كل الذنوب التي لا يطلع عليها أحد سواك ولا يعلمها أحد غيرك فأغفر لي انه لا يغفر الذنوب إلا انت " وفي "سبحان الله وبحمده سبحان الله العظيم " من قالها 100 مره غفرت له ذنوبه ولو كانت مثل زبد البحر .. ربنا يثبتك علي دينه ويهديك ويرشدك لطريق النور ويغفرلك ما تقدم وما تأخر من ذنبك ادعي دايما ان ربنا يثبتك ويعينك انه ميرجعكش للذنب دا تاني وفي دعاء برضه قوي ( اللهم أغفر لي ذنبي كله دقه وجله ما علمت منه وما لم أعلم ) تقبل الله بإذن الله وهداك
تم النشر الجمعة، ٢١ يونيو ٢٠٢٤
دايما يبقا لك ورد يومي فاليوم وصلاة القيام صلاة القيام سحر بجد ودايما تدعي ربنا ومهما اذنبت اوعي تنسي طريق العوده لربنا ومتخليش الشيطان يضحك عليك ويقنعك ان ربنا مش هيغفرلك وانه مش بيحبك لو كان مش بيحبك كان خدك علي الذنب اللي انت بتعمله لكن طول ما مديك الفرصه انك عايش وممتش عالذنب دا اعرف انه بيفتحلك طريق عشان خاطر تتوب وربنا غفور رحيم .. وفكر دايما ان ربنا دايما شايفك مهما استخبيت من الناس مش هتستخبي من ربنا وهو خالقك تحبه يشوفك علي ذنب طب لو بعد الشر مت عالذنب دا هيبقا الوضع اي عشان كدا سايبلك الفرصه تتوبله ف دايما ادعيه انه يقربك من لذة طاعته ويبعدك عن لذة معصيته
تم النشر الجمعة، ٢١ يونيو ٢٠٢٤
لعرض السؤال في فدني اضغط هنا