السلام عليكم ورحمه الله وبركاته
انا كان في واحد بيبعتلي بقاله خمس سنين وانا مكنتش برد ولا بهتم اصلا وهوا كان بيحاول عمري ما رديت عليه وكان بيروح الاماكن اللي بروحها وكنت بكتشف دا في آخر لحظة وبمشي من المكان اللي هوا فيه هوا عمرة ما شافني غير مرة واحدة من ساعتها وبقي بيبعت وحرفيا كان مفهم الدنيا كلها أنه هيتجوزني بدون مبالغه بس برضو مكنتش بهتم لحد ما من سنة ونص حصل موقف ساعتها بدأت فعلا اهتم بس من بعيد وكان بيبعت برضو بس مكنتش برد بس غصب عني حبيته جدا وكنت بدعي بيه بس كنت برضو محافظة علي نفسي والله ما رديت عليه ابدا ودائما بلوك..أخته بقي معايا من ايام المدرسة الثانوية وكانت بتلمح كتير أنه بيحبني وساعات كانت تقولها بشكل مباشر كده أنه مش هيتجوز غيري وكانت بتوريني الشات بتاعهم دايما بيتكلم عني معاها لانه دائما مسافر فطبيعي اي بنت بعد دا كله تتعشم فأنا كان ليا صاحبه مقربه جدا كنت بحكيلها عنه واللي بيعمله وهيا عارفه القصة هيا صاحبتنا برضو حتي أخته كانت حاكيه لصحبتنا دي بس حاجات بسيطه يعني كانت بتقولها أنه بيغير عليا المهم من شهر ونص كده أخته رنت عليا بتسالني علي صاحبتنا التالته اللي نا حكيالها انهها ممكن تتخطب دلوقتي قعدت اقولها لو مرتاحه وكده هتوافق قولتلها لي هتخطبيها لمين قالتلي لاخويا ساعتها انا كنت بموت حرفيا بس مبينتش ليها اي حاجه وقعدت اقولها مبروك وبالفعل بعد شهر كلمت صحبتنا دي أنه اخوها عايز يتقدم ليها للعلم اخوها مسافر يشتغل وللعلم برضو احنا التلاته صحاب لكن هما الاتنين علاقتهم سطحيه جدا انا اقرب واحده لأخته واقرب واحده لصحبتنا التالته صحبتنا بقي بتفكر أنها توافق بتصلي استخارة وعايزة أنها توافق نا مش بلومها دا حقها لكن اي اللي حصل لي يكسروني كده ونا والله معملتش حاجه تغضب ربنا حبيته من بعيد وكمان في الاول مكنتش مهتمه طاب أخته اللي انا أقرب واحده ليها مفرقش معاها احساسي مع اني دايما كنت ببين ليها أنه عادي مش في دماغي بس والله بقالي سنتين بفكر فيه واخر شهر ونص لما كلمتني أنه هيخطب صحبتنا من ساعتها مش بنام الليل اعمل اي بجد هوا اصلا ميعرفهاش😥
المفروض لما حبيتيه من الأول كنتي تعرفي أخته انك معندكيش مانع و مرحبة بالفكرة يعني بس ييجي يتقدم او لو مسافر يبقى فيه قراءة فاتحة لحد ما ينزل هي غالباً خدت انطباع عنك انك مش موافقة لما لمحتلك اكتر من مرة و ملقتكيش قابلة الفكرة
تم النشر السبت، ٢٩ يونيو ٢٠٢٤
وعليكم السلام ورحمة الله وبركاته. أسفة جدًا اللي حصل لك، وأقدر مشاعرك تمامًا. اللي مريتي بيه مش سهل أبدًا، وبيحتاج وقت عشان تفهمي مشاعرك وتتعافي. خليني أقولك كام حاجة ممكن تساعدك: تعبير عن مشاعرك : من حقك تحسي بالحزن والخذلان، إتكلمي مع حد تثقي فيه عن اللي جوة قلبك، ممكن يساعدك تفرغي الشحنة اللي جواك. وقتك لنفسك : خلي لنفسك وقت تستريحي وتمسكي شوية بعيد عن الموضوع ده. اعملي نشاطات بتحبيها وبتدخل البهجة على قلبك. اكتشاف ذاتك : فكري في الأمور اللي بتحبينها وتدفعك للأمام. اشتغلي على تحقيق أهدافك الشخصية والمهنية. النظرة لنفسك : افتكري إنك انسانة رائعة ويستاهل حد يهتم بيك ويقدرك. مش معنى إن حد مغلق في حياته أنتي مش مهمة. الدعاء واستخارة الله : خلي علاقتك بربنا قوية، ادعي واستعيني بالله في كل شيء. ربنا أكيد عنده الأحسن ليك. حدود العلاقات : خدي بالك إنك لازم تحطي حدود واضحه مع الناس اللي حوالينك عشان تحمي مشاعرك. حظر الماضي : حاولي تجنبي التعامل مع أي شخص أو مكان بيرجع لك ذكريات بتوجعك. أنتي في فترة صعبة، خدي وقتك وكوني لطيفة مع نفسك. كلنا بنمر بفترات صعبة وبرضه بنعدي منها ونقوم أقوى. خلي بالك من نفسك ولو حسيتي إنك محتاجة مساعدة أكتر، مفيش مانع تستشيري محترف في الصحة النفسية. ربنا معاك ويقدرك على تخطي المحنة دي! 🌸💪
تم النشر السبت، ٢٩ يونيو ٢٠٢٤
اه هيا عارفه كل حاجه بخصوص الموضوع دا من زمان
تم النشر الاثنين، ١ يوليو ٢٠٢٤
صحبتك التالته اللي بتفكر توافق هل حكيتي ليها عن مشاعرك تجاه الشب ده أو إنك معجبه بي؟
تم النشر الاثنين، ١ يوليو ٢٠٢٤
لعرض السؤال في فدني اضغط هنا