بقالي اكتر من ٣٠ يوم بفكر كل يوم في الانتحار .. انا اخر تلات سنين في عمرى مفيش حاجه بتحصل في حياتي غير اني بخسر الحاجات الي بحبها اولها كانت امي و دخلت في حاله اكتئاب بعد وافتها و حاولت اتأقلم بالذات اني البنت الوحيده و عايشه مع بابا و اخواتي الولاد يعني انا الي بخدمهم جنب دارستي
اهملت دراستي عشان اقدر اتعلم ازاي اني اساعد في البيت عشان انا كنت البنت الوحيده المدلله لامي و بعد ما هي ماتت انا الي شيلت مسوليه كل حاجه فجاه .. ضيعت وقتي كله في البيت عشانهم و في الاخر فشلت في دراستي و جالي جواب فصل من الكليه بعد اربع سنين فيها بحاول اني انجح بس معرفتش .. مش عارفه اعمل ايه الاول خسرت امي و بعده خسرت دراستي كل يوم بفكر انا عايشه ليه لحد دلوقتي انا مبقتش عايزة اي حاجه من الدنيا مبقاش عندي امل اعيش ولا قادره اكل ولا اشرب حاسه انه خساره فيا اي اكل و اي شرب مش قادره اتصالح مع قدرى غير اني لسه مقولتش لبابا علي موضوع فصلي من الكليه مش عارفه اقوله ازاي اذا كان انا مكسوره من خبر زى دا هو بقي هيحصله ايه بعد ما بعرف خبر زي دا .. انا مش عايزة اعيش
هو ايه اللى بيحصل بعد الكوارث الطبيعية زلزال او سيول او بركان البلد جزء منها بيتساوى بالارض ...بيتكتبله انه يتهد ....بنسيبه كده ونقرر ان البلد كلها خلاص ملهاش لازمه وجودها بالكامل باسمها وتفاصيلها وبنروح مثلا مكان تانى نعمل بلد تانيه باسم جديد لا طبعا على نفس الوضع بنبنى البلد من اول وجديد .. الحياه بيتكتبلها تنتهى واسم الحاجة ينتهى بالموت اللى محدد وقته ربنا وبس. طيب انتى بقالك ٣ او ٤ سنين فى ابتلاء ملهوش نهاية زى ما وصفتى . قرأتى قصة سيدنا ايوب؟ تعالى كده اقرأيها https://suwaidan.com/ايوب-عليه-السلام/ قوليلى ايه اللى صدمك فى القصة؟
تم النشر السبت، ٢٥ مارس ٢٠٢٣
ازاي ممكن تقولي كده وانا بجد من كلامك حسيت انك ماشاء الله شخصيه قويه ومش اي حد يتحمل اللي مريتي بيه ولا يقف واقفه زي دي جنب اهله عشان يكون مكان امه.. انتي في ابتلاء ولازم تعرفي ان ده اختبار من ربنا حطم ليه لسبب معين ومش شرط تعرفيه دلوقتي ومش شرط تعرفي حكمه ربنا ..ربنا ابتلاكي عشان بيحبك عشان شايف انك قدها اه اللي حصلك صعب وموت مامتك صعب وحاسه بيكي بس عمرها ما هتكون النهايه يعني بتقولي لربنا انا ضعيفه وهكفر وهموت نفسي ؟؟ ازاي تقولي كده لو محتاجه مساعده روحي therapist واتكلمي مع حد متخصص لا عيب ولا حرام انتي بتمري بمرحله صعبه والكليه مش نهايه العالم مش هي اللي هتعملك انسانه بالعكس موقفك دلوقتي وانتي شايله مسئوليه كبيره علي سنك هو اللي بيعمل منك حاجة كبيره وبكرا تعرفي..احمدي ربنا ف السراء والضراء وصلي كتير واطلبي من ربنا انه يقويكي وابعدي عنك شيطانك اللي بيوسوسلك تنهي حياتك لان اكيد لو مامتك عايشه عمرها ما كانت هتحب تشوفك كده اعملي دايما اللي كان هيخليها مبسوطه وراضيه وزي ما قولتلك لو تعبانه روحي متخصص يساعدك.. ربنا يقويكي
تم النشر السبت، ٢٥ مارس ٢٠٢٣
متقلقيش انتي مش اول واحدة تتفصل ودي مش نهاية العالم. انتي عملتي اللي عليكي وشيلتي مسؤولية بيتك وبريتي ابوكي وعلي فكرة مش اي حد كان يقدر يعمل اللي انتي عملتيه. ووالله ربنا هيجازيكي علي صبرك. إن الله لا يضيع أجر المحسنين. إن الله مع الصابرين
تم النشر السبت، ٢٥ مارس ٢٠٢٣
الله يرحمها يارب ويصبر قلبك.. لازم تقولي ل بباكي وتراعى زعله وتفهميه إنك حاولتي بكل طاقتك وانك زعلانه وغصب عنك وانك قدها المره الجايه ومحتاجه احتوائه ويقف جمبك و يشجعك.. يا حببتي ربنا بيختبر صبرنا ويعلم قلوبنا منتعلقش غير به ونناجيه نستنجد به ومن الحاجات ال بتساعدنا ع الرضا إنك تشوف غيرك إسمها مرققات القلوب إنك تشوف إنه فعلا ربنا لا يكلف نفسا إلا وسعها وإنه ده انسب ليكي ولكن لسه مش فهمتي حكمته وشايل ليكي العوض والاحسن ولكن اصبري.. كل مشكله وليها حل وباباكي بس ف البداية هيزعل ويتعصب بس هيحل معاكي بعد كده و هيقدر محاولتك واحتياجك ليها.. والموت ده أساسنا أصلا والدنيا هي ال مؤقته ومجاهدتنا واستمرارنا فيها يعلي مكانتنا فالجنه.. اصبري حببتي وادعي ربنا يربط علي قلبك بالسكينه
تم النشر الخميس، ٢٣ مارس ٢٠٢٣
البقاء لله طبعا، وربنا يغفر لها ويصبرك في الحقيقة انا مقدرة جدا الوضع اللي انتي فيه، الوضع اللي انتي فيه بمثابة ان كل حاجة اتغيرت في يوم وليله. ولكن انتي لازم تقولي لوالدك، ولازم تعرفيه ده سببه ايه، وانك طول المدة ديه وانتي بتعاني مع نفسك، وتعرفيه الحرب النفسية اللي انتي بتمري بيها. مينفعش تمشي الطريق ده لوحدك، لازم تعرفيهم في البيت. اما مسؤولية البيت مينفعش تشيليها لوحدك، لازم كل حاجة ما بينك وما بين اخواتك تكون بالمشاركة، حتى لو حاجات بسيطة هما هيعملوها ولكن ممكن تفرق معاكي وتشيل عنك. لحد ما تعدي الفترة ديه، وتبتدي تستعيدي نفسك من تاني. وكمان انتي ليه بتقولي مفيش امل؟ ليه شايفة نفسك خسارة؟ انتي بعد كل اللي عملتيه في البيت لاخواتك ووالدك وشايفة نفسك خسارة؟ انتي شيلتي البيت، في وقت اساسا انتي كنتي فيه مش عارفه تعملي ده، لازم تبقى فخورة بنفسك وبقوتك. ومن فضلك الجأي لمختص نفسي لانك محتاجة تتكلمي مع حد، ولازم نتقولي لوالدك على كل ده.
تم النشر الخميس، ٢٣ مارس ٢٠٢٣
ربنا يرحم والدتك ويغفرلها ويصبرك يارب فكره التوفيق بين المسؤليه والدراسه صعبه وانك تتفصلي من الكليه مش سهله بس ليها حلول زي انك تحولي كليه تانيه وانك تتكلمي مع بباكي تقوليله الحقيقه وللأسف هو ممكن يدايق او يتعصب ف الاول بس فهميه انك حاولتي كتير توفقي ومتفرحيه بيه وانك هتحاولي تاني وتالت ورابع وانك محتاجه دعم ومساعده منه دعم ومساعده نفسيه وعاطفيه وف مسؤليه البيت كمان وارجوكي اطلبي منه انك تتعرضي ع مختص لان فكره الانتحار مش عادي نفكر فيها ومش عادي تكون ملازمنا مده طويله ومش الحل لمشكله حصلت مهما كانت حدتها انتي من حقك تنبسطي وتنجحي وتعيشي حياتك بكل مافيها من حلو بس ف نفس الوقت محتاجه تتعلمي تتعاملي مع الاخفاقات عشان يجي بعدها نجاحات ساحقه
تم النشر الخميس، ٢٣ مارس ٢٠٢٣
أنا اسمعك و اشعر بما تعاني منه الآن. الشخص الذي تحبه أكثر في العالم مات، وبعد ذلك أصبحت مسؤولة عن دخل المنزل وقد فشلت في دراستك الجامعية، والآن تشعر بأن الحياة ليست بالشيء الذي توده و لا ترى أملاً في المستقبل. هذا كله يجعلني افهم سبب افكارك السلبية والتي تؤدي إلى تفكيرك في الانتحار. لا يمكن ان تستسلمي لهذه الأفكار المدمرة والتي تسيطر على حياتك. بدلاً من ذلك، عليك البحث عن العوامل التي تتحكم في هذا الشعور و تتغلبي عليه بصورة صحية. عليك تذكر أن الحياة لن تكون دائما سهلة، ولكن الحياة ستستمر. عليك النظر إلى الأمام والعمل على بناء حياة جديدة. عليك الحفاظ على روح الأمل. يجب عليك التفكير في الأمور التي تصنعك سعيدة وتمدها لنفسك. حتى وإذا استغرق الأمر بعض الوقت، فإن الحقيقة هي ان الأمل سوف يعود. يمكنك الاتصال بأطباء نفسيين والحصول على الدعم اللازم. يمكن ان يساعد الدعم النفسي في نقل الصورة بصورة إيجابية، و مساعدتك على استعادة إيجابيتك وفرحك في الحياة. أخبري أسرتك حول فصلك من الكلية، قد تجدون حلًا معًا. ايضًا، يمكن للمستشارين التعليميين المتاحين في الجامعة العثور على خيارات وحلول بديلة لدعمهم لك ومساعدتك في الانتعاش. اعلمي ان الحياة مليئة بالألوان والأطوار، و إذا شعرت بضيق شديد فاخذي قسطًا من الراحة، و التفكير بأنك لست وحيدة وسوف تعود لتتغلب على هذا الاحساس المؤلم.
تم النشر الخميس، ٢٣ مارس ٢٠٢٣
مبدايا جسدك مش ملكك عشان تنتحري ثانيا الافكار الانتحارية ماهي الا وسواس من الشيطان اتي بسبب غيظة علي تحملك للابتلاء اللي نتي بداتي تنجحي فية ولاكن هو بدا يزرع فيكي افكار زي دي،ثانيا اقدر اوي انك انسانة طموحة وكنت تتمني انك تكملي دراستك ولاكن ياصديقتي غالبا لا تاتي الريح بما تشتهية السفن بمعني مش ديما اللي عاوزينة بيحصل بيبقا فية حكمة لربنا ف اختيارو وربنا حكيم عليم ف المفروض حاجة زي دي تخليكي تتقبلي قدرو،ثالثا اظن ان الست شئتي ام ابيتي كد كد في نهاية المطاف هتتجوز وغالبا مش هتشتغل وشهادتها ما الا هتكون منبروزة ومتعلقة، رابعا ممكن تحققي ذاتك بحاجات تانية عير التعليم الاكاديمي زي تعلم لغة واتقانها مثلا تعلم اللنجليزية واتقانها واجتياز امتحان ايلتس ودا اللي ممكن يخلق فرص ليكي في تغير مسار حياتك او ممكن تتعلمي برمجة او.... الخ.,في نهاية الامر الدنيا دار ابتلاء والراحة والسكينة المطلقة ليست الا في الجنة فحاولي لو جتلك اي افكار تاني تلجئي للمولي عز وجل واحكيلو كل همومك او تعبفي لو سجدتي وفضلتي تقولي يارب بس بس تكون من قلبك هترتاحي لان كلنا عارفين ان ربنا يعلم ما في الصدور،واتمني اكون افدتك ولو محتاجة اي حاجة انا تحت امرك
تم النشر الجمعة، ٢٤ مارس ٢٠٢٣
لعرض السؤال في فدني اضغط هنا