أنا بابا وماما منفصلين وانا عندي كام شهر
امي تتحكم في حياتي حتى أنها خطبتني وانا في سن صغير جدا 15 سنه وفشكلت بعدها بشهر واتحسبت عليا خطوبه وخلاص كرهتني حياتي كلها وبتدعي وتحسبن عليا كتير حتى عمري ما شوفت منها حنيه ولا عمرها قالتلي كلمه حلوه ديما تحسسني اني قليله ومليش لازمه حتى في طفولتي كانت تعاملني بقسوه
ودلوقتي بتتحكم فيا بشكل يخنق غير كلامها معايا كله اهانه وكسر خاطر بجد نفسيتي مدمرة بسببها ينفع مكلمهاش تاني ولا حرام😔
أنا حاسة بقد ايه الموضوع صعب عليكي وممكن يكون جرحتي بشكل كبير. الأم أحيانًا بتكون قاسية نتيجة لضغوط حياتها أو مشاكلها الشخصية، لكن ده مش مبرر إنها تعاملك بالطريقة دي. في الوقت نفسه، الإسلام بيشجعنا نبر والدينا ونعملهم بمعروف. طيب خلينا نفكر في شوية حلول وسط: خصصي وقت لنفسك بعيد عن التوترات: ركزي على حياتك، دراستك، أو شغل تحبيه. خذي شوية وقت لنفسك تتنفسي وتريحي دماغك. حاولي تتكلمي معاها: اختاري وقت تكون فيه هادية وحاولي تفاتحيها في الكلام. قولي لها بهدوء إنك حاسة إنك متأذية من تعاملها، يمكن ده يفتح باب للتفاهم. لو الحوار مش بيوصل لحل، حاولي تتجنبي المواقف اللي بتخليها تعصب عليكي أو تكسر خاطرك فيها. استشيري حد قريب: لو عندك خال أو خالة، عم أو عمة، ممكن تحكي لهم الموضوع يمكن يساعدوك. الاستقلالية: فكري في إنك تبدأي تفكري بشكل مستقل عن أمك، لكن برده لازم تتظبطي وتحافظي على احترامها بقدر الإمكان. أما موضوع إنك تقطعي علاقتك بيها، فده خطوة كبيرة وقرار صعب، وممكن يزود المشاكل. بدلاً من كده حاولي تحافظي على مساحة صحية بينك وبينها بقدر الإمكان. حافظي على نفسك وعلى نفسيتك واعملي اللي تقدري عليه. وأنا هنا لو حبيتي تتكلمي أكتر أو تحتاجي نصيحة تانية 💖
تم النشر الأحد، ٣٠ يونيو ٢٠٢٤
السلام عليكم. بصي يا حبيبتي لو هجاوبك على السؤال على طول هل ينفع ما اكلمهاش تاني ولا حرام؟ لا هو حرام انك تعملي قطيعه تامه كده؟ مع والدك او مع والدتك مهما كانوا بيعملوا ايه؟ اه هو ده فعلا حرام ممكن نقول ان في حاجات تتجنبيها تتجنبي مثلا تتعاملي معاه حاجات اه بس مش هينفع ما تكلميهاش مش هينفع تكلمك وما ترديش عليها مش هينفع تقولي لها احنا عملناش تعامل مع بعض مش هينفع ما تساليش عليها مش هينفع. وده ليه ده لانه مهما هي عملت هي ليها حقوق عليك ان هي اثرت في حاجات ده ما يخليش سبب او داعي قوي ان احنا نقول ان هي ما تاخذش حقوق لان تقصيرها مش معناه ان هي الحاجات المهمه فكره ان هي تراعيكي وتربيكي وتكامل معاكي المتطلبات الاساسيه بتاعه الحياه دي بنقطه كبيره مجهودها كبير الحمل والولاده دول لوحدهم قصه ليها حق وهيفضل لها حق حتى لو كانت مكسره. طيب هو ليه ماما بتعمل كده لازم تفكري في الجمله دي كويس لازم تفكري في السؤال ده ماما بتعمل كده لان واضح جدا انه انفصالها عن باباكي وانت يا بيبي صغيره. ده خلاها تشيل عبء وحمل وعندها يعني ازمه نفسيه هي واضح جدا ان هي ما عرفتش تعديها او ما عديتهاش في نقط محدده للاسف هي بتفرغ الازمه دي في تربيه هتيجي طول السنين دي في الجزء العاطفي ان هي متضايقه من اللي حصل فده بيطلع فيك انت وكان هي متضايقه منك انت ايه الحقيقه مش متضايقه منك انت بس. لو حطيتي نفسك مكانها لو للحظه انك بنت صغيره يا دوبك لسه جايبه بيبي صغير وانطلقتي في الحياه لوحدك. وفي شكل من اشكال الظلم عليك اضطريتي تعملي ده وبقيتي لوحدك وهتشيلي مسؤوليه الطفله دي لوحدك في كل حاجه هي بتحاول تلخص المسؤوليه بتاعتي حتى ان لما هي حاولت ان هي تخليكي تتخطبي في سن صغير هي بتحاول تقول انا خلاص خلصت المسئوليه اللي عليا انا من حقي ان انا اقعد وارتاح من هم المسؤوليه لان المسؤوليه مش حاجه صغيره. ارجوكي تعتبري كل الكلام ده وتفكري فيه كويس وما تبصيش بس للنقصك منها وللي هي غصبا عنها بتتعامل به ومصدره لك احساس مش حلو بصي لكل حاجه حلوه ثانيه هي اكيد بتعملها.
تم النشر الجمعة، ٥ يوليو ٢٠٢٤
لعرض السؤال في فدني اضغط هنا