انا بدرس في ثانوية عامة اخر سنة خلاص المهم في بداية السنة كنت كويسة وبذاكر اول باول وبوازن مابين المذكرة ووقت الفؤاغ في الرسم او اني اقعد على الموبايا اكتر وقت بذلت فيه جهد كان شهر 8 و9 بعدها بدأ الموضوع يصعب بس كنت بحاول برضو كان اول امتحان شامل تاريح في شهر 10 جبت اقل من النص حتى وقعدت اعيط وحاولت لتاني مرة ومعجبتنيش الدرجة واتضايقت اوي لاني حاولت بس كنت في الفتررة دي بالرغم من صعوبتها كنت بحااول فعلا وبصور ساعات فيديو قصير بحافظ بيهم لنفسي وبكتب وبرسم المهم في شهر12 بالضبط وانا حالي بيزداد سوء وشهر 1 برضو اللي هو الشهر ده المدرسين كل شويه امتحانات وشوامل انابقيت مش بذاكر حتى اللي مفروض اذاكره حاسه بالاحباط اوي وبضيع في وقتي بحس ديما وانا في الاخر بعد ماقعد احاول واتعب ماوصليش لحاجه انا عايزة اتجوز وخلاص عايز يكون عندي حبيب اوي بس عارفه اكيد انو حرام بس مش عارفه ابطل افكر في الموضوع يمكن عشان اغلب الوقت بكون لوحدي فبقعد اتخيل لو كان عندي حبيبي يوصلني من الدرس ويفسحني معاه ويتكلم معايا عل التليفون ويشجعني ديما بحس اني محتاجه حد كده بس بخاف اتعلق زائد اني كذا حد خذلني وبقيت لوحدي ومبسوطه وانا لوحدي وحيدة مش وحدة بس اوقات بفتقد ان يكون عندي صحاب حد يدعمني يقولي تعالي نذاكر سوا ويساعدني في المذاكرة حد يكون حقيقي فعلا بس انا اكتفيت يمكن الفترة دي مؤقتا لاني مش ناقصه حد يأذيني نفسيا تاني.. انا واحدة حرفيا مفيش في دماغي غير اني اتجوز واعمل اللي بيعملوه بس كشخص عقليا اكيد لا مش اهم حاجه نفسي فيها الجواز انا عايز استقل شويه بنفسي ومش عايزة حد يتحكم فيا ويقولي اعمل ايه ومعملش ايه في فرق بين شخص بيهتم وشخص بيتحكم المهم ده مش موضعنا بس انا تعبت نفسيا وجسديا المفروض اذاكر كل يوم وانا حتى مابكملش ساعتين معدل مذاكرتي الفترة دي ححاسة بالفشل وخايفه اوي استمر عل كده واندم
بس بقعد اقول لنفسي طب ايه الفايدة انا ممكن اشتغل اي حاجه لما اخلص او افتحلي مشروع خاص بيا مش عارفه عايزة ايه بس اكتر حاجتين بتمناهم ياما اكون معالجه نفسية او ابقى رسامه بس موضوع الرسم اقسام ومش عارفه انا عايزة ايه بالضبط اما علم النفس محتاجه وقت طويل وخبرة ومش عارفه اذا كنت هستحمل اسمع الناس واحاول افهمهم واعالجهم.. انا خايفة اوي طول الوقت لما بقعد واشوف نفسي لما كنت بذاكر اول السنه ودلوقتي براجع اي كلام
انايمكن مش عارفه انا عايزة ابقى ايه بس انا خايفة اوي من الفشل خايفة اوي اشوف النتيجه ويجيلي اكتئاب خايفة اوي ادخل كلية بكرهها زي اختى خايفة اوي ابقى زيها مع احترامي انها تعبت وحاولت بس انا مش عايزة ابقى زيها اقعد ادور على اي شغل عشان الكليه متطلعش حاجه اصلا
لا انا عايزة ادخل حاجه بحبها ابقى معالجه نفسؤه او رسامه او حتى مدرسة رسم بس اني ادخل مجال بكرهه رغم اني مش عارفه هو ايه اللي هكره ويجلي اكتئاب بس انا متوترة ومش بعرف انام بسهولة من التفكير
انا دلوقتي عندي اسبوع اجازة
انا خايفه وحتي مش عارفه ايه الغرض او ايه السؤال من كل ده بس عايزة حد يطمني حد مثلا كان قبلي واسفه لو كان طويل وبس♡
على ما أظن ان ده مش وقت حبيب يكون ف المرحلة ديه .. طبعا انا متفهمه مشاعرك جدا، ولكن انتي شايفة ان ده وضع يسمح بيه في الوقت ده؟ وحسيت ف كلامك انك عايزة تعيشي ف قصة حب ومش شايفة حاجه كده، المشاعر هي اللي تقودك فقط. وديه كارثة! اه .. كارثة ان الواحد تقوده مشاعره فقط، ومش بيبقى عارف هو داخل على ايه ولا بيعمل ايه؟ انا مش بقولك متتجوزيش بالعكس خلصي دراستك واعملي اللي انتي عيزاه، ولكن بالصح. بدون دخول في علاقة غير شرعية، وكمان تبقى عارفه انتي داخله ع ايه؟ لان الزاوج له مسؤولياته برضه. هو مش فراشات وحب وبس! تاني شئ انتي مشتتة ليه دلوقت ؟ خلصي دراستك بتفوق وبعدين شوفي انتي حابه تدخلي ايه؟ لربما الرؤية تتضح فيما بعد .. ف ياريت مضيعيش وقت ف هتدخلي ايه او هتعملي ايه؟ وسايبة المذاكرة؟ ده ينفع برضه! لا نركز ف المذاكرة كده ونجتهد ونعمل اللي علينا وبعد كده نشوف يا قمر هتعملي ايه؟ ربنا معاكي ويوفقك.
تم النشر الأحد، ٢٨ يناير ٢٠٢٤
تجنب المشتتات وتجنب فتح الفيسبوك والانستجرام وغيرهم من هذه الاشياء
تم النشر الأحد، ٢٨ يناير ٢٠٢٤
انا اسف على كلامي بس انتي مكبرة الموضوع جداً ومدياه زيادة عن حجمه ، اولا الدراسة مش بتحدد مستقبل حد ابدا، شهادتك وكليتك دي مجرد مرحلة وهتعدي ،ولو الكلية متشغلكيش يبقا اتعلمي حاجات تانية كتير واشتغلي بيها ، وحاولي تهدي وتذاكري على مهلك ، امتحانات اخر السنة لسه قدامها مدة بس مش معنى كده انك تريحي خالص .
تم النشر الاثنين، ٢٩ يناير ٢٠٢٤
بصي هو انا تالته ثانوي نصيحه مني انا اللي مخليني كويس ف دراستي اني مش بكلم بنات كتير لاني لو حبيت بنت هديها كل اهتمامي وههمل الدراسه انتي ممكن تحبي وتتحبي ويبقى عندك حبيب بس السنه الجايه ف الجامعه نصيحه من اخ
تم النشر الاثنين، ٢٩ يناير ٢٠٢٤
اول حاجه هتعمليها انك تثقي في نفسك انك تقدري تعملي اي حاجه وبعد كده تحددي هدف لنفسك علشان تشجعي نفسك اكتر والثقه في النفس ليها دور كبير جدا في تغير مسار حياتك مش التعليم بس في كل حاجه
تم النشر الاثنين، ٢٩ يناير ٢٠٢٤
لعرض السؤال في فدني اضغط هنا