أرجو المساعدة بدون كلمة جارحة
من فترة كنت بحب شخص، بعدها انفصلنا لأسباب شخصيه بيننا لكن كنا لسه بنحب بعض وانفصلنا برضانا، لعل وعسى القدر يجمعنا ف الحلال بعدين
بس بعدها على طول اتعرفت على شخص من الشغل وكنت معجبه بشخصيته إعجاب مش حب، بس هو اقنعني اني بحبه ومش بحب التاني وكدا يعني
وحسيت فعلا إني كدا، ربنا شاهد انه كان بيعاملني كويس بس بعدها بشويه حسيت اني مش بحبه وقلتله قالي عادي احساس يمكن فتور عشان مش قريبين من بعض الفترة دي، دلوقتي هو خد أمل وبيحبني لأبعد الحدود والله ومستعد يعمل اي حاجه عشاني
بس انا لسه بحب التاني ومش عايزه أكمل مع دا عشان حاسه اني انا مش بحبه وهو بيحبني حاسه اني بخونه بقلبي والله! بس ف نفس الوقت مش عارفه اقوله اي ولا اعمل اي عشان مجرحهوش وهو دا كله مفكر اني بحبه وعايزه اقوله اني مش بحبه بس بطريقه مش تكسر قلبه ويشيل الأمل الكبير اللي حاطه فيا
بالله عليكم قولولي اعمل اي عشان والله بتعذب من التفكير
عزيزتي، أقدر مشاعرك وتسلط الأفكار والقلق الذي تعانين منه حاليًا. من المهم أن تعالجي هذه المشاعر بوضوح وصدق، لأن الصدق مع النفس ومع الآخرين هو الطريق الصحيح دائمًا. أولاً، يجب أن تتأملي في مشاعرك بشكل عميق. إذا كنتِ لا تشعرين بالحب تجاه الشخص الحالي، بل تشعرين بالذنب نتيجة موقفك، فهذا يعني أنه من الأفضل أن تكوني صادقة مع نفسك ومعه. تصرفي بنضج، وفكري في الأمور التي تجلب لكِ السعادة والراحة. تحدثي مع الشخص الآخر بطريقة لطيفة وصادقة. يمكنكِ أن تقولي له أنكِ تشعرين بالامتنان لما قدمه لكِ، ولكنكِ تدركين أنكِ لستِ قادرة على تبادل نفس المشاعر. عليكِ أن تشرحي له سبب مشاعركِ بدون أن تجرحيه، مثل قولك مثلاً: "أنا أقدر ما قمت به من أجلي، لكنني أشعر أنه من الأفضل لنا جميعًا أن نكون صادقين حول مشاعرنا". تجنبي الوعود أو التلميحات بأنه قد يكون هناك احتمال للمستقبل، إذ من الأفضل أن تكوني واضحة ومباشرة. هذه الخطوة قد تكون صعبة، لكنها ضرورية لكِ ولشخصه أيضًا. في النهاية، تذكري أن كل شخص يستحق الحب الحقيقي، وكونك صادقة سيساعد بدوره كل منكما على المضي قدمًا واكتشاف الحب الحقيقي في المستقبل. الله يوفقكِ ويسدد خطاكِ.
تم النشر الخميس، ٢٩ أغسطس ٢٠٢٤
عشان كده ربنا حرم العلاقات دي اقطعي علاقتك بالاتنين واستني نصيبك الحلال واتقي الله في نفسك انتي طالما عارفه انك بتحبي شخص وهو بيحبك ومستنيين الحلال سمحتي لنفسك تقربي من شخص تاني ليه هي لعبه ولا تسليه انضجي واكبري وقربي من ربنا واعرفي دينك وافهمي ليه ربنا حرم العلاقات دي وتوبي توبه نصوحه عشان الشخص اللي علقتيه بيكي ده ربنا هيحاسبك علي كسره قلبه
تم النشر السبت، ٣١ أغسطس ٢٠٢٤
طيب بصي انا هساعدك في ان انا يعني همشي معاكي في الموضوع من اتجاه كده مختلف سواء انت بتحبي ده او بتحبي ده يعني ايا كان مشاعرك في انهي اتجاه هتعملي ايه بالحب ده يعني هو هيوجهك لفين هل بس المشاعر هي البوصله بتاعتك اللي هتخليكي تحددي الانسان ده ينفع يكون زوج ولا لا ينفع اعيش معاه وانا مرتاحه ومطمنه ولا لا ولا عندك معايير اخرى ضروري بقى تكون اجابتك على السؤال انه لا في معايير اخرى لانه معيار انه انا بس يعني عندي مشاعر تجاه الشخص مش معيار صح؟ فالشخص اللي راح او الشخص اللي موجود اين كانت في مشاعر تجاه ده او تجاه ده المهم الباقي بعد المشاعر ها وبعدين. طيب اللي موجود حاليا هو بيحبك وانت مش بتحبيه هو عنده مشاعر تجاهك وانت معندكيش نفس المشاعر الشخص ده ان شاء الله هيتقدم هيتفضل في البيت فنقدر نقيم اذا كان ده راجل كويس فعلا ولا احنا هنفضل في دائره المشاعر والحب دي وبس زي ما انت قلتي على الشخص الاولاني.
تم النشر الخميس، ٢٩ أغسطس ٢٠٢٤
فكري كويس مش امكن يكون التاني احسن من الاول ولو شايفه انك مش بتحبيه حرام تظلميه معاكي قولي ليه كل شئ اسمه ونصيب وانا صليت استخاره ومش مستريحه حاولي تتكلمي معاها وتقولي كدا باسرع وقت علشان مايتعلقش بيكي اكتر ويقولك مقولتيش الكلام ده لي من زمان 🤎
تم النشر الجمعة، ٣٠ أغسطس ٢٠٢٤
تمام♥
تم النشر الجمعة، ٣٠ أغسطس ٢٠٢٤
لعرض السؤال في فدني اضغط هنا