السلام عليكم
مبدأيا انا عماله افكر كتير اوي قبل ما اكتب حاجه ومش عارفه حتي أرتب أفكاري أو أرتب كلامي لكن هحاول انا بنت عندي 18 سنه داخله أولي جامعه لما كنت في تانيه اعدادي اشتغلت في صيدليه كمتدرب وجبت تليفون جديد ووقتها بدأت اعمل حاجات غلط كتير واكلم شباب ولما دخلت تالته اعدادي لقيت أن حد معايا في الفصل عندي علي الفيس فدخلت كلمته واصطعبت عماله اقول مين وعامله نفسي مش عارفاه لكن بعدين عرفني واتصاحبنا بس انا محبتوش وكنت بخاف منه وفي آخر الموضوع راح قال لاهلي كل حاجه وعملي مشكله والحوار خلص اتأذيت من اهلي جدا لكن قررت اني خلاص هبعد عن كل حاجه تخص الموضوع ده وصاحبت بنت كانت واقفه جمبي جدا لكن بعدها ب 6شهور كنت في أولي ثانوي وداخله علي جروب بسأل فيه علي مدرسين ف دخل شخص ليا خاص علي الواتس وفادني وحاول يتكلم معايا لكن صديته وبعدها بكام يوم انا دخلت قولتله ممكن اتكلم معاك نص ساعه رحب بيا وقالي اتكلمي خرجتله كل المشاعر اللي جوايا وحكتله عن نفسي وهو فهمني وحكالي عن نفسه حسيت اني ارتاحتله وفضلنا 6 شهور بنتكلم شات بس وبعدين انا تعبت بره البيت ورنيت عليه يجي يلحقني قالي أنه مش فاضي وعنده شغل مع أهله ف قولتله انت متستاهلش ومش عاوزه اعرفك تاني بعد شهر رجعت انا كلمته وهو كلمني عادي وبدأنا بقا كلام كتير في التليفون وكده واتعلقت بيه رغم أنه كل يوم بيعمل حاجات تضايقني ولما اجي أقوله الشئ ده بيضايقني يقولي حقك عليا وبعدها يعمل نفس الشئ وكل شويه يتخانق معايا علي أقل شئ بعمله وانا ارجع واكلمه وبعدها ب 3 شهور حصل اول مقابله بينا ومن بعدها فضلنا نتقابل كتييييييييييييير اوي ووصل أن يحصل حضن ومسك ايد وتلامس وانا مبسوطه عادي بل وكل ما ازعل اخليه يقعد معايا عشان ياخدني في حضنه كنت بحس أن ده مكان اهرب ليه من نفسي ومنه ومن كل الوش اللي في دماغي لكن بعد كل ده بسنه فيه واحد من بلدي دخل يكلمني وانا كل شويه اتخانق معاه عشان ميتكلمش معايا تاني لكن بعدين كلمته وروحت وقعدت معاه وكان فاهمني جدا بس مكنتش عاوزه ف رجعت وقولت للاولاني علي الموضوع مفهمنيش وحكم عليا احكام وحشه كتير اوي ومفهمش اني مريضه وغير سويه نفسيه ويحاول حتي يعدي معايا اي حاجه وبعدين انا صالحته ورجعتله لكن من هنا بقا بدأ يإذيني اكتر واكتر ويجي يصالحني وبعدها يإذيني اكتر واكتر والكلمه يقولي ده اللي عندي ومش بتغير عشان حد وانا ابكي واحاول اتمسك بيه وحبيته اكتر وكل ما يإذيني نفسيا احبه اكتر اكتر وهو بحسه بيستمتع بكل ده وحارمني من كل المشاعر الحلوه لكن مكنتش بحس اني مرتاحه معاه الا كل ما نعد سوا ولحد دلوقتي كل ما أعطي وأبكي يقفل السكه في وشي أو يعد يشتمني ولو فضلت اصرخ مش بيهتم واخر حاجه حصلت امبارح أن انا كنت محتاجاه لاني كنت تعبانه وفضلت ارن 4 ساعات وأبكي وتصرخ ومش بيرد وفي الاخر رد وزعقلي اني برن كتير قولتله طب علي الاقل راضيني بدل ما انت بتعاملني كده تجاهل كلامي خالص وفتح في سيره رونالدو و يقولي انا كنت فرحان بسبب الماتش انتي نكدتي عليا وانا اصلا بحاول اصلح من نفسي ولما اشتغلت قالي انتي لو اشتغلتي هسيبك وكان نفسي ازور مستشفي 57357 قالي لو حصل هسيبك وكان نفسي ادخل اعلام قالي لو دخلتي هيبقا آخر يوم بينا أنا ده بجد حبيته بزياده لكنه بيإذيني نفسيا وانا مش عارفه احس ب اي نوع من أنواع الاتزان النفسي وانا قاعده في بيت عيله وكله ظيطه ومش بعرف اعد في مكان هادئ و اهلي مش متعاونين معايا في اي حاجه معنويه تخصني انا حاسه اني بضيع ومتلغبطه وبعمل حاجات غلط وخلاص واللي بيإذيني بحاول أرجعله اكتر ومش عارفه أبني لنفسي شخصيه انا بتكلم وانا حاسه اني بصرخ من جوايا ومش فاهمه اي حاجه نهائى ولا عارفه اهدا ولا لتخطي اي شئ
وعليكم السلام انتى بدأتى تعملى الغلط كله من بدرى ...والمبرر اللى بتعذرى نفسك بيه هو انك مريضة او غير سوية نفسيا ( طبعا ده اى كلام الشيطان قالهولك وانتى استخدمتيه ) جالك تنبيه مع اول غلطة لما اهلك عرفوا لكن انتى رغم كده استمريتى وعملتى ده بشكل اكبر المشكلة هنا مش فى انك مكملة مع شخص بيأذيكى ...المشكلة انك مش عارفه انتى بدأتى ولا مكمله ليه اصلا انك بتتعاملى فى حياتك بلا حدود ولا بتعملى محاسبة لنفسك ده هيخليكى مدمرة الى مالانهايه كل انسان محتاج يراجع نفسه ويقومها ...مش لما يلاقى التقويم من حواليه يروح يزود فى الغلط القصص كلها اللى عيشتيها هى وقت فراغ استثمرتيه غلط تماما وقفى الغلط فورا ...ده لو عاوزه تبدأى تلاقى نتايج افضل فى نفسك وفى حياتك ارجعى للصح والغلط والحلال والحرام ومتتشديش لاى حاجة معديه كده على هواكى ...فكرى قبل اى فعل هتعمليه ( انا هعمل ده ليه وهل ربنا هيكون راضى عن ده ولا لا ؟ )
تم النشر الأحد، ٨ سبتمبر ٢٠٢٤
اهلآ وسهلآ بكي عزيزتي انتي طبيعية لستي مريضة ولا ايا شيء من ذالك الكلام لا تاخذي مثل تلك الأفكار او الانتقادات لكي من أي احد طبيعي جدآ ان تمري بمثل تلك الأشياء في هذا السن فأنتي لا تزالي في سن المراهقه وذالك شائع في تلك الأعمار وانا افهم انه ليس هناك من يساندك ويبعدك عن تلك الأمور. ولكن لا تقلقي اود مساعدتك انا هنا من أجل مساعدتك اولآ يجب عليك أن تدركي ان البداية التي لا ترضي الله نهايتها لن ترضينا عزيزتي انتي من المؤكد انكي فتاة جميلة وصغيره أمامك الكثير من التجارب بعد وامامك مستقبلك لا تضيعي مستقبلك وثقة اهلك بك اجلسي مع نفسك وكوني صريحة معها وفكري مليآ هل هذا ما اوده انا حقآ هل انا استاهل حقآ ان ابكي وان اقلل من مقامي لأجل شاب لا يجب أن يرى مني حرف ؟ ...عزيزتي من فضلك فكري مليآ بما اقول، والله لن تنفعك كل تلك الأشياء خصوصآ في هذا السن انا اعلم ان ما وصلك لهذا الطريق هو فقدان الحنية ولكن هذا ليس حلآ ان تودي ان تأخذي العطف من الخارج انتي لاتعلمي كم من المضرين بالخارج لأنك فتاة في أول طلوعك على هذه الحياة صدقيني لذلك إياك ثم إياك وأنصحك بملئ وشغل نفسك في ايا هواية تحبيها او مع اي صديقة فتاة فقط!! كي لا تشعري بالوحدة والفراغ وتعاودي التكلم مع الشباب اتمنى ان اراكي بأحسن حال وباشري بالصلاة والدعاء فالله لن يخيب املك تقربي منه عزيزتي بدل من التقرب من شيء يوذيكي ...سأنتظر منك ردآ لاتقلقي انا افهمك وادعمك وانا هنا من أجلك دمتي سالمة .
تم النشر السبت، ٧ سبتمبر ٢٠٢٤
وعليكم السلام ورحمة الله وبركاته، أقدر مشاعرك وما تعيشينه من صعوبات وتشابكات في الأفكار والمشاعر. من الواضح أنك تواجهين تحديات نفسية ومعنوية قوية تحتاج إلى بعض الفهم والدعم. أولاً، يجب أن تتذكري أن السعادة والاستقرار النفسي هما أمران يستحقان الاحترام والسعي لتحقيقهما. إن تعلقك بشخص يؤذيك نفسياً هو أمر يمكن أن يكون له تأثير سلبي كبير على صحتك النفسية والعاطفية. من المهم أن تدركي أن الحب الصحي يجب أن يكون مبنياً على الاحترام المتبادل، الدعم، والرعاية. إذا كنت تشعرين بأن العلاقة مع هذا الشخص تؤذيك أكثر مما تفيدك، فقد يكون من الضروري التفكير في الابتعاد عنه والبحث عن طرق أخرى للتواصل والدعم. كوني صادقة مع نفسك واذكري ما تحتاجينه فعلاً لتحقيق السلام الداخلي. ثانياً، حاولي البحث عن مصادر دعم أخرى، مثل أصدقائك المقربين أو أفراد عائلتك الذين يمكن أن يساندوك ويسمعوكي دون حكم. أيضًا، إذا كنت بحاجة للمساعدة المحترفة، فلا تترددي في التفكير في استشارة معالج نفسي أو أخصائي في الصحة النفسية. هؤلاء المحترفون يمكن أن يساعدوك في فهم مشاعرك وتنظيم أفكارك بشكل أفضل. إن كانت لديك أهداف شخصية مثل الدراسة أو العمل، أبحثي عن طرق لتحقيقها، حتى لو كانت خطوات صغيرة. قد يؤدي التركيز على أهدافك إلى تعزيز ثقتك بنفسك بطريقة إيجابية ويجعلك تشعرين بأن لديك سيطرة على حياتك. أخيرًا، تذكري أنك لست وحدك في هذه التجربة. كثيرون منا يمرون بتجارب صعبة، ولكن الإصرار والسعي نحو التغيير الإيجابي يمكن أن يكون لهما أثر عميق على حياتك المستقبلية. أرجو لك السلام الداخلي والتوفيق في محاولاتك لتحقيق التوازن والراحة النفسية.
تم النشر الجمعة، ٦ سبتمبر ٢٠٢٤
اولا وقبل كل شي إلى بتعملي ده حرااام علشان كده ربنا بينبهك وبتتعبي في المهم انتي لازم تمسحي كل الشات وتعملي بلوك ليه من كل حته واي شب انصحك تغيري الخط خلاص وارجعي توبي لربنا وصلي قياام الليل والله معجزه واحكيلوا لربنا كل حاجه وادعي وحاولي تعملي روتين صحي لنفسك وطبعا الموضوع هيبقي صعب بس ده الصح ده الي بعدين هتشكري نفسك انك عملتي كده ارججوك بلاش تكلمي اولاد يعني انتي متوقعه منه أي في الاخر بلالاش
تم النشر السبت، ٧ سبتمبر ٢٠٢٤
حل مشكلتك بجد القرب من ربنا لازم تنوى التوبة النصوحة من هذا الامر وامسحي اى ارقام نهائيا وابتعدى عن اى فتنة وابداى تطورى من نفسك علميا ودينيا ابداى حفظ القران الكريم اهتمي بالتخصص الى هتدخليه بالجامعة الزمى التسبيح والاستغفار وعلقى قلبك بالله سبحانه وتعالى وابداى خرجى صدقة بنية ان ربنا يعينك الابتعاد عن هذا الذنب فالصدقة يا اختى سحر وان شاء الله ربنا يبعد قلبك عن كل الفتن وينور بصيرتك ويهديكى
تم النشر السبت، ٧ سبتمبر ٢٠٢٤
لعرض السؤال في فدني اضغط هنا